|
رد: سؤال محيرنى فى العربية...
تمام يا باشمهندس وهنا يكمن سؤال اخر..
الشركة بتحدد هذه السرعة القصوى على اساس ايه؟؟؟ طالما ان العربية تستوعب .. ولا هما يقصدوا اعلى نسبة اتزان وامان مثلا؟؟؟ ايه ياترى |
رد: سؤال محيرنى فى العربية...
محتاج تفكير تساؤلك هذا
لأن على ما أتذكر من الممكن أن يحدث أنخفاض فى القدره عند مرحله معينه للسرعه يعنى فيه نقطه حرجه للسرعه ( حسب توصيف الصانع ) للمنظومه ....زى السياره المفروض ماتتعدهاش للحصول على أقصى قدره ( يعنى سرعه للسياره ) ححاول أشوفلك العلاقه دى يمكن ألاقيها لأنها معلومات قديمه عندى وحاجات دراسيه مش فاكرها حاليا بالضبط حراجع نفسى ولو وجدت جديد ومقنع حرد عليك |
رد: سؤال محيرنى فى العربية...
شوف ياسيدى
لما بيجىء مصنعوا المحركات يصنعوا مكنه معينه ( زى مكنة العربيه ) بيتم عمل أختبارات عليها فى غرفة الأختبارات لمعرفة أقصى عزم ممكن تاخده من هذه المكنه ___________________ بس حتاخد العزم لتشغيل أيه حنخلى المكنه مثلا تشد عربيه هو بأه بيروح فى غرفة الأختبارات مشغل المكنه ومزود سرعات وعامل عليها نوع من الفرمله بتساوى حمل الشد إللى حتشيله المكنه دى ( زى حمل العربيه ) وبيستمر فى تزويد السرعه وفى نفس الوقت بيرسم رسم بيانى لمنحنى السرعه للمكنه مع الحمل أو العزم اللى حناخده منها لما بيلاقى العزم ( مع وجود الحمل ) بيبدأ يقل عند سرعة تزويد معينه لسرعة المكنه بيروح قايل فى نفسه بس ....هب المكنه دى علشان ناخد منها أقصى حمل أو عزم أو شد المفروض منزودش عن سرعه كذا فعندك طالما هو كاتب عند 5000 لفه / ق ..............تاخد 170 كم / س مش حتعرف تاخد أكتر من 170 لو زودت سرعة المكنه عن كده وممكن تقل سرعة السياره معاك مع تزويد السرعه لأنك مرتبط بالحمل إللى بتشده المكنه ألا وهو السياره ككل |
رد: سؤال محيرنى فى العربية...
الله يابشمهندس سمير على الرد الاكتر من رااااااائع والله...GIFT4U
|
رد: سؤال محيرنى فى العربية...
اقتباس:
طبعا التعليق ده غير دقيق لما ندخل حمل السياره على المكنه فى الأعتبار لأن طالما هناك حمل تمت عيه أختبارات ومدى قدرة مكنه معينه على هذا الحمل ووصف أن أقصى حمل ( سرعة العربيه ) حناخده عن عدد لفات معينه للمكنه يبقى قضى الأمر ومينفعش نزود سرعه عن كده لأن ده ممكن يولد قدره أقل ____________________ أما لو بصينا للكلام من الوجهه التصميميه للمحركات وعلاقة القدره الخارجه من المحرك مع سرعة دوران الكرنك فهو سليم _________________ بس بتختلف حسابات القدره مع وجود أحمال زى حمل شد السيارات وخلافه من الأحمال الأخرى على المحركات بشكل عام |
رد: سؤال محيرنى فى العربية...
أنا عارف أحنا مغلبين نفسنا ليه مع القدره والعزم والسرعه وغيره
ما أحنا ممكن نضرب مثل بسيط وسهل ومقنع لو جبنا شجيع السيما .....أبو شنب بريما فده ( حنعتبره المكنه بتصميمها المعين ) هل يقدر يحرك قطار بنفس القوه إللى يحرك بيها أتوبيس بالطبع لا حينفخ فى الأوتوبيس .....ويطيره أما القطار .....حيتعبه لأنه تقيل عليه ( على الرغم أنه هو نفس الشخص ....بس الحمل مختلف ) أذا المهم أحنا حنشغل المكنه دى فى أيه فى شد عربيه .....ولا تك توك فتفرق أوى مكنه تشد عربيه ....حتمشيها بسرعه معينه أما مع التوك توك .....حتطير التوك توك ______________________ وده يمكن السبب إللى بيخلى بعض الناس ( من هواة الطيران ) يغير مكنة عربيته من 1000 سى سى إلى 1500 مثلا لأنه محتاج شجيع سيما من العصور القديمه أى قوة قتل ثلاثيه |
رد: سؤال محيرنى فى العربية...
طبعا شكرا جزيلا على الرد يا باشمهندس سمير وعلى المجهود...
بس كدة زى ما حضرتك بتقول اكيد بيحسب التجارب دى على اقصى حمل ممكن للعربية. يعنى على الاقل بكامل حمولتها من ركاب وأمتعه مثلا. وقد يكون هناك مقطورة صغيرة أيضا... وعليه لو تم انقاص الحمل هذا ...يعنى العربية مش محملة بكامل طاقتها زى ما انا متخيل ..أذن فى هذه الحالة السرعة ممكن تتعدى السرعة القصوى المقررة.. وكدة بيكون كلامنا متوافق ودة لو كنت انا فاهم صح... وأسف لانى أرهقت حضرتك...وشكرا كمان مرة |
| الساعة الآن 06:04 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017