مصر موتورز مجتمع السيارات - صيانة واصلاح لانوس 99

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - صيانة واصلاح لانوس 99 (https://www.masrmotors.com/vb/showthread.php?t=40003)

رد: صيانة واصلاح لانوس 99

اقتباس:

المشاركة الأصلية كتبت بواسطة يسري أبو الخير (المشاركة 293573)

شوف يا سيدي لو أنت في عين شمس .. عندك مركز المهندس عادل خلف مستشفي الحلمية العسكري اللي في جسر السويس قبل الألف مسكن .. و كمان التاني ورشة أحمد بوله .. بجوار موقف اتوبيس 46 بمساكن الحلمية .. قريب من نهاية شارع صعب صالح من ناحية منشية التحرير.. ودي ورش بها امكانيات و اجهزة حديثة .. و اسعارها قليلة جدا و مش غاليه .. خصوصا أحمد بوله .. بجوار موقف الأتوبيس .أما عن الكهربائي فعندك جمال الكهربائي .. في شارع اسطفانوس .. خلف كنسية العذراء ناصية صعب صالح من ناحية أحمد عصمت
و بالتوفيق و مبروك عليك الدايو ..

الله يبارك فيك يا باشا وبجد تسلم عالوصفات دى .. ماشاء الله عليكROSE4U

رد: صيانة واصلاح لانوس 99

اقتباس:

المشاركة الأصلية كتبت بواسطة Injection (المشاركة 293898)

يا باشا كلنا جهلة وبنتعلم, مافيش حد أحسن من حد.

اللانوس أنجكشن طبعا ياباشا, ومافيش موديلات فى اللانوس كاربراتير خالص.

الفلتر موجود عنده ياباشا, وأسعاره بتتراوح بين 60 الى 90 سيموتا صينى (مضروب) بس طالما أول تجربة ليك مع الفلتر مش هتخسر حاجة.

وأه ياباشا هو بيعرف يركبه, والموضوع مش كبير وحضرتك تقدر تركبه بنفسك, وعلى ما أذكر أنا شرحت بالتفصيل الممل فى الموضوع بتاع الفلاتر, لو عايز أشرحلك تانى مفيش مانع, وصوت الفلتر هيعجبك:), ومحل الكماليات عنده حاجات كتير من أول الفلاتر للديفل, للطارات الأسبور (الدركسيون:)).

ربنا يباركلك فى اللانوس, هى عربية رائعة وهتصونك بأذن الله.

الله يبارك فيك يا باشا وربنا يكرمك وتسلم على مجهودك ده وان شاء الله اروحله..مع انى عديت من الشاعر ده امبارح وملمحتش محل اسمه كريم خالص بس هشوف تانى النهاردة.. بس احب استفسر منك على حاجة.. لو ركبت الفلتر الصينى ده هل اداؤه كويس ويقضى الغرض المطلوب ولا ممكن يدخل شوائب ويأذى الموتور؟؟ ..

تانى حاجة حضرتك طبعا عارف مكان الفلتر الاصلى فى اللانوس انه راكب عالشمال فهل المكان ده مناسب للفلتر اللجديد ولا اركبه فى حتة تانية؟؟؟؟

معلش بتعبك معايا ....وشكرا ليك جدااااااااااااااااااااااا ااROSE4U

رد: صيانة واصلاح لانوس 99

اقتباس:

المشاركة الأصلية كتبت بواسطة blackcode_80 (المشاركة 294158)

الله يبارك فيك يا باشا وربنا يكرمك وتسلم على مجهودك ده وان شاء الله اروحله..مع انى عديت من الشاعر ده امبارح وملمحتش محل اسمه كريم خالص بس هشوف تانى النهاردة.. بس احب استفسر منك على حاجة.. لو ركبت الفلتر الصينى ده هل اداؤه كويس ويقضى الغرض المطلوب ولا ممكن يدخل شوائب ويأذى الموتور؟؟ ..

تانى حاجة حضرتك طبعا عارف مكان الفلتر الاصلى فى اللانوس انه راكب عالشمال فهل المكان ده مناسب للفلتر اللجديد ولا اركبه فى حتة تانية؟؟؟؟

اقتباس:

المشاركة الأصلية كتبت بواسطة blackcode_80 (المشاركة 294158)

معلش بتعبك معايا ....وشكرا ليك جدااااااااااااااااااااااا اا ROSE4U

لاتعب ولا حاجة ياباشا.

الميكانيكى أسمه كريم ياباشا, أنما الورشة قبل شارع نصوح والكشك لو حضرتك عارفهم بحوالى 10 متر وأنت جاى من السواح على ميدان المطرية, بعد المطب الرذل ده, وهتلاقى دايما الحتة دى زحمة وراكن فيها عربيات, تعرف أن الشغل على ودنه:).

الفلتر الصينى بيؤدى الغرض منه فعلا, صوته جميل مع الكبس, وبيدى زيادة طفيفة فى سحب العربية وبيخليها تتنفس أحسن شوية, بس متقارنهوش بفلتر K&n وسيموتا أصلى, كل واحد فى فئة سعرية مختلفة تماما.

الفلتر مكانه أساسا فى الشمال ومينفعش يتغير, يابتركب الفلتر الجديد جوه علبة الفلتر القديمة, يابتخلع العلبة القديمة بالفلتر وتركبه مكانها, يابتركبه عند الكارتيرة تحت حوض الموتور علشان يسحب هواء بارد, بس فى حالة حضرتك أنصحك تركبه جوه حوض الموتور.

أولا لأننا فى الشتاء ومش هتفرق كتير بره من جوه, ثانيا علشان تبقى متطمن ويبقى بعيد عن التراب تماما, ثالثا كل اللى هتعمله أنك هتفك الأفيز اللى ماسك خرطوم الهواء من ناحية الفلتَر, وتشيل كلبسات وش علبة الفلتر وتخلع الفلتر القديم, وتركب خرطوم الهواء على الفلتر الجديد وتحطه فى الصندوق وشكرا, مش هياخد منك خمس دقائق.

والفلتر طالما راكب جوه الحوض خطر التراب عليه قليل جدا, وهو أصلا مسامه متسمحش بأنه يمرر تراب كبير لدرجة ممكن تأذى الموتور, وهتشوفه بعينك, وأنا مركبه بقالى حوالى سنتين, منهم سنة تحت حوض الموتور والموتور مقالش لأ.

ولو عجبك نظام الفلتر وصوته ممكن تبقى تعمل upgrade لل K&N بعد كده.4BY4

رد: صيانة واصلاح لانوس 99

مقدرش بجد غير انى اقول الله عليك وعلى الكلام الجامد .... محترف يا ابنى والله
انا ان شاء الله هروحله النهاردة اخر النهار واتوكل على الله واجرب حتة صينى اللى ب90 دى وادعيلك .... SLAM
بس هل الفلتر اللى بتتكلم عليه ده اللى هو المخروطى ؟؟؟ ولو تقصد نوع تانى هيدى نفس الصوت برضه؟

رد: صيانة واصلاح لانوس 99

مركز شعله لتجديد السيارات يتشرف باستقبالكم لجميع أغراض صيانة سيارتك و يتعهد بتقديم أرقي الخدمات و ذلك بالاعتماد علي أحدث الأجهزه التكنولوجيه لصيانة سيارتك و الحفاظ عليها و يتعهد المركز بعدم أخذ أي مقابل مادي قبل الاستحواذ علي رضائكم من جانب تأدية العمل المطلوب و المعامله الحسنه لكم و نتشرف لزيارتكم لدينا في المركز علي العنوان التالي: مركز شعله لتجديد السيارات بلوك 72 الحي السابع مدينة نصر القاهره بجوار جراج شرق الدلتا للنقل و السياحه و للاتصال:0101599851 هاتف 0111522920 نتمني زيارتكم

رد: صيانة واصلاح لانوس 99

اولا: انا متشكر جدا رحت فعلا ل كريم و هو شخص محترم جدا وكان عاوز يعرف مين اللى عرفنى بالورشة وياريت تقولى اسمك عشان اقول له
ثانيا : توضيح بسيط هى ورشة الاسطى محمد حجازى وهو دا الاسم الاشهر فى المنطقة
ثالثا : هو غير ليا السيور كلها وظبط ليا حاجات كتير فى العربية وانا حسيت بامانته فعلا
وان كان زود عليا شوية فى المصنعية بس برده هما اخدوا وقت كبير فى العربية
رابعا: الكهربائى اللى جنبه مش جامد خالص كريم قال لى عليه بس عمل ليا الفوانيس و بعد ما مشيت عنده النور الواطى كان بيعلق رغم انى قلت له على موضوع التعليق
معلش طولت عليكم بس اخر حاجة هاقولكم عليها هو موضوع الكار كير Car Care
هاحكى ليكم عن تجربتى معاه بس فى موضوع لوحده بعد ما اخلص

رد: صيانة واصلاح لانوس 99

اقتباس:

المشاركة الأصلية كتبت بواسطة medo40001 (المشاركة 302185)

ألف مبروك ياباشا, تعيش وتجيب للعربية.

أنا كنت قاعد مستنى رأيك على أحر من الجمر, وكنت خايف لمايكونش العشم, الحمد لله.

أنا أسمى عمرو, بس هو مش هيفتكرنى, أنا أصلا ساكن فى المنطقة, هبقى أروح بعد الضهر أرذل عليه:)

ومستنى موضوع حضرتك الجديدROSE4U