رد: إلحقوني يا جماعة العربية بتاعة مراتي بتعمل مدافع ومفيش عزم في السحب
 

العيب طلع من الابلاتين والكوندنسر وكمان البوجيهات مش بس كده كمان طلع بك الهواء بتاع الكربراتير كان مسدود، مع العلم أن الابلاتين والكوندنسر اللي كانوا راكبين كنت مركبهم جديد، بجد يا جماعة أوحش قطع غيار هي قطع غيار الفيات كلها مضروبة، طقم الكهرباء مكتوب عليه فرنساوي وهو متعرفش معمول فين وعلى ذلك كل قطعة غيار في العربية والله مضروبة وكمان أسعار مختلفة من محل لمحل، والحكومة سايبة الناس تدي تمص في دمنا، وشكرا لكم

رد: إلحقوني يا جماعة العربية بتاعة مراتي بتعمل مدافع ومفيش عزم في السحب
 

يا استاذ مصطفي المشكله ان مافيش قطع غيار اصليه لعربيات عدي عليها 30 و 40 سنه
زمان الواحد كان بيشتري قطع غيار الفيات الاوريجنال في العلبه الرصاصي ذات الخط البرتقالي و بيقي مبسوط انه جايب قطعه اوريجنال
لكن النهارده المستورد حتي لو حب يجيب مش حيلاقي لان المصنع بطل انتاج قطع الغيار دي من زمان

رد: إلحقوني يا جماعة العربية بتاعة مراتي بتعمل مدافع ومفيش عزم في السحب
 

كلام حضرتك مظبوط ميه في الميه بس برضه عربيات زي الهوندا قطع غيارها مش زي الفيات خالص وتلاقي معظمها ياباني وتايواني وحتى التايواني محترم وبيعيش وسعرهم مش غالي قوي

رد: إلحقوني يا جماعة العربية بتاعة مراتي بتعمل مدافع ومفيش عزم في السحب
 

الحمد لله ان العربية اتظبتت
انا الابلتين والكندنسر مبيكملوش عندى شهرين مع انى معدل مشى بى العربية 12 كيلو فى اليوم والبجيهات اخرها 3000 كيلو كل قطع غيار الفيات صينى مفيش ايطالى خالص