مصر موتورز مجتمع السيارات - حرب الجبابرة العظام

مصر موتورز مجتمع السيارات (https://www.masrmotors.com/vb/index.php)

- ريفيوهات (https://www.masrmotors.com/vb/forumdisplay.php?f=3)

- - حرب الجبابرة العظام - من الفائز هذا العام (2010) (https://www.masrmotors.com/vb/showthread.php?t=38002)

رد: حرب الجبابرة العظام - من الفائز هذا العام (2010)

دا نورك يا هشام باشا و الله
حدد الشركات اللي عاوزها في الاستفتاء و احطهالك

رد: حرب الجبابرة العظام - من الفائز هذا العام (2010)

اقتباس:

المشاركة الأصلية كتبت بواسطة mialbedewy (المشاركة 271283)

الموضوع ظريف لكن اختيار الاعضاء يحكمها الاهواء وحب سياراتهم
بس الترتيب الدولي بيرتب بالمبيعات والارباح وحجم الانتاج والحجات دي
فولكس مبيعاتها الرئيسية في اوروبا وبعدين امريكا الجنوبية وبتتنافس بشده مع تويوتا وشفروليت هناك والصين كل الماركات العاليمة بتتنافس بدون تفضيل عن بعض
انما فولكس تكاد تكون ملهاش سوق كبير في امريكا او الخليج ودول شرق آسيا باستثناء الصين بس ده ميمنعش انها باعت كتير خصوصا مع التسهيلات الحكومية الالمانية لتجديد السيارات

تويوتا اسواقها الرئيسية امريكا واليابان واستراليا والبرازيل وجنوب افريقيا والخليج وشرق آسيا ودي اسواق كبيرة جدا جدا

هيونداي وكيا بيتهيألي هيبقو مع اكبر 4 شركات تويوتا وفولكس وجي ام وهيونداي مع اني كنت قريت حوار لمدير عندهم كانو عايزين يبقو السادس خلال مش عارف كام سنة بس اعتقد هما الرابع حاليا في نصف المدة تقريبا

وجي ام مازالت شركة جامده كفاية انها سددت معظم ديونها المتلتله في نص المدة ده معناه ان دي مبيعات وارباح عشان كده قدرت تسدد ديونها فهي مازالت جامده جدا واسواقها امريكا واستراليا وامريكا الجنوبية يعني بتتنافس مع تويوتا

وبيتهيالي تويوتا وجي ام هيفضلو فوق اول اتنين عشان اصلا السوق المصري مش كبير كفاية كفاية عشان نحكم بيه او هو حتي كبير بس الناس هنا ليها ازواقها بس السوق العالمي مجموع كل الاسواق العالمية
وبيتهيالي هيونداي هتبقي التالت السنة دي
وفولكس هتبقي الرابعه هي زادت آه بس هيونداي زادت بشكل كبير جدا وتويوتا وجي ام مبيعاتهم كبيره وليهم اسواقهم

فترتيبي
1-تويوتا
2-جنرال موتورز
3-هوينداي
4-فولس فاجن
-----------------
بس الموضوع ده من حيث المبيعات والارباح والكلام ده

بس كان فيه ترتيب قريب لقيمة العلامات التجارية في البورصه الامريكية
من كام شهر
وكانت بي ام دبليو الاولي بعديها تويوتا بعديها هوندا بعديها جي ام وبورش ومرسيدس وهيونداي والباقي مش متذكر

رأى محترم وتحليل على درجة عالية من الصواب مع القليل من الاختلاف معة من نوعية "الذى لا يفسد للود قضية". أشكرك على المرور والمشاركة البناءة.

اقتباس:

المشاركة الأصلية كتبت بواسطة hazem_khidr (المشاركة 271236)

انا جيت :)
توقعاتي لا تختلف كثيرا عن توقعاتكم
اتوقع سطوع نجم مجموعه فولكس فاجن تليها هيونداي او العكس
و في المرتبه الثالثه تويوتا و الرابعه جنرال موتورز
وعلشان احدد اكتر من غير احتمالات
1.فولكس
2.هيونداي
3.تويوتا
4.جنرال موتورز
5.فورد

بالنسبه للاستطلاع ممكن حضرتك تقول عاوز تعمل استطلاع علي ايه بالضبط و انا اضيفه
لكن الاستطلاع ممكن اعمله علي ماركه واحده فقط وليس ترتيب عام

اقتباس:

المشاركة الأصلية كتبت بواسطة hazem_khidr (المشاركة 271290)

دا نورك يا هشام باشا و الله
حدد الشركات اللي عاوزها في الاستفتاء و احطهالك

أعتقد أن المتربع على العرش لن يخرج عن الخمسة المتصدرين عام 2009 فاذا كان ممكن نحطهم بالترتيب اللى تشوفة.

أما عن نتيجة الاستفتاء حتى اللحظة فهى:
5 أصوات VW (لوحسبنا صوتى)
1 صوت Toyota
0 صوت GM
0 صوت Ford
0 صوت Hyundai

رد: حرب الجبابرة العظام - من الفائز هذا العام (2010)

هو الترتيب معتمد على عدد الوحدات المباعه على مستوى العالم و دي صعب تخمينها او استنتاجها من سوقنا المحلي
لكن الواحد ممكن يلعب شويه
تويوتا مبيعاتها حتقل نتيجه الاستدعاءات و السمعه اللي زي الفل اللي اخدتها بس حتفضل اول او تاني
جنرال موتورز تسترد جزء من عافيتها بعد الازمه العالميه و تنجح في العوده للصداره بعد مؤامره تويوتا ... او لا تؤتي المؤامره النتيجه المرجوه و تظل في المركز الثاني
فولكس بعد ضمها لبورش قد تحسن ارقامها ولكنها مازالت على عتبه السوق الامريكي ولم تدخله بقوه بعد ... و مبيعات اوروبا و الصين وامريكا الجنوبيه ليست كافيه للصعود للقمه فتكتفي بالمركز الثالث او قد تتقدم للمركز الثاني على حساب تويوتا وتنفرد جي ام بالصداره

مجموعه هيونداي كيا وفورد اكبر المستفيدين من مشاكل تويوتا .. ولكن اعتقد ان فورد ستستفيد اكثر من هيونداي و تحافظ على مركزها .. خصوصا مع موديلاتها الجديده وفئات الشاحنات و والاس يو في المفضله للسوق الامريكي .. و حتى الفئات الأصغر .. الفيوجين مقابل السوناتا على حساب الكامري و الاكورد .. و الفوكس مقابل الافانتي على حساب الكورولا و السيفيك

اما لو تويوتا نزلت في الترتيب لحساب فورد او هيونداي تبقى اتشحورت خااااالص

الخلاصه ... احتفاظ الخمسه الكبار بالصداره مع نزول او صعود احدهم مكان الاخر مركز او مركزين على اقصى تقدير

والله اعلم

1- جي ام
2 - تويوتا
3 فولكس
4 فورد
5 هيونداي
6 مشكور هشام باشا على الموضوع و الفكره

رد: حرب الجبابرة العظام - من الفائز هذا العام (2010)

الف شكر للأخ العزيز Sam بك Ram على المرور والتحليل المنطقى والمعلومات القيمة.

أما عن نتيجة الاستفتاء حتى اللحظة فهى:
5 أصوات VW (لوحسبنا صوتى)
1 صوت Toyota
1 صوت GM
0 صوت Ford
0 صوت Hyundai