رد: عضو جديد محتاج نصيحة
 

مبدئيا خلينا في المضمون وننسى الصيني.
ثانيا ننسى تماما المستعمل مهما كانت حالته؛ لأن حضرتك لسة جديد، وكمان هتسافر كثير، والعربية إلا بتسافر كثير عايزة واحد يقدر يتابعها في الصيانة وقطع الغيار ، يعني تكون خبرته كويسة جدا.
ثالثا: قدامنا الجديد، وهنا عندك حلول، والاختيار لك:
إما سيارة ماتورها صغير لا تزيد عن 1100 سي سي، بس إمكانياتها حلوة. وهنا هيبقى قدامك أفضل اختيار البيكانتو، بس هتحط شوية زيادة عن الخمسين؛ لأن أقل فئة في البيكانتو بتعمل 61 ألف.
يا إما اللوجان ودي عربية جيدة 1600 سي سي، بس بتعمل 57 ونص.
ولو مش عايز تحط يبقى قدامك سوزوكي ماروتي أو ألتو، ودي عربيات ياباني تقفيل هندي متوسطة الجودة، ورفاهياتها على قدها.
يا إما عربية كبيرة وقوية 1600 سي سي بس فاضية بدون أي رفاهيات، وهي اللادا 2107، بس هتستحملك في السفر مع بعض الصيانة الدورية للعفشة، يعني حضرتك تربط عفشة كل 6 شهور.
بس ده كل شيء، واستخير ربنا سبحانه وتوكل عليه.

رد: عضو جديد محتاج نصيحة
 

اللوجان فاضيه وتوكل على الله

رد: عضو جديد محتاج نصيحة
 

شكرا ليك يا اخ مهند علي مرمروك الكريم علي موضوعي والنصحية
وبصراحة رغم الكلام اللي في المنتديات اللي بيتقال عن الصيني ورغم اني مقتنع بيه من جهة الا اني من جهة اخري لا استبعده تماما في اختياراتي وخصوصا اني مقتنع تمام ان الصين هتزداد توغلا في كل شئ وبضاعتها ستغزو العالم يعني مثلا اننا من عشر سنين كده او اكتر كان الواحد بيفكر في الابتوب يشتري نوعه ايه وكنا برده نسمع صيني وده الماني وكلام من ده دلوئتي اغلب الابتوب حتي الماركات الكبيرة بتتصنع في الصين ومبئتش تفرق وكل الناس لابتوب بتاعها صيني وانا سمعت راي مشابه زي ده في احد المواضيع المتعلقة بالعربيات الصيني وكان بيقارن بين حالة الناس الآن وموقفها من العربيات الكوري في بداية العربيات الكوري في مصر لكن بعد كده اتنسي وبقي اغلب الفئات المتوسطه عربيتها كوري وانا اعتقد برده ده اللي هايحصل مع العربيات الصيني وقريب هتلاقي اغلب الاسر متوسطة الدخل عربايتها صيني واكيد مش هاتتنتشر بين الناس الا اذا اثبتت نفسها في البيئة المصرية زي ما العربيات الكوري اثبتت نفسها طبعا انا زي ما قلتلكم انا مش بفهم في العربيات لكن ديت مجرد ثقافة منتديات يعني لا خبرة ولا مجرب ولا شئ وممكن لو قلت حاجه غلط تصصحوها لي ومنكم نستفيد

رد: عضو جديد محتاج نصيحة
 

كن على ثقة تامة إن العيب مش في الصين، الصين بتنتج من الإبرة للصاروخ وبكل درجات الجودة. العيب على المستورد المصري إلا كل همه يجيب أرخص حاجة ويكسب فيها أعلى سعر. ولذلك هتجد دائما في فرق شاسع بين الصيني إلا بينزل مصر وبين الصيني إلا بينزل أمريكا أو أوربا، لأن القصة قصة مستورد مش أكثر.
فأرجو إن حضرتك تبتعد تماما عن الصيني الذي يباع في مصر. عارف لو حضرتك هتستورد عربية صيني من السوق الأوربي هأقولك توكل على الله.
ولذلك إلى أن يتغير فكر المستورد المصري خليك في المضمون.

رد: عضو جديد محتاج نصيحة
 

شكرا ليك يا تامر حسن علي مرورك الكريم
وشكرا علي نصيحتك اخي الكريم واقولك بصراحة اني كنت بفكر فيها لاني زي ما قلتلك عاوز عربية تسترني خمس سنين وتسحمل سفر فميهمنيش الكماليات اوي لكن حتي لو اشترتها فاضيها فالوجان اسعارها تبدأ من 57.5 الف يعني معدية ميزانيتي بحوالي سبعة الآف ونصف

رد: عضو جديد محتاج نصيحة
 

اوافقك تماما يا اخ مهند في كلامك عن المستورد المصري لكن المصري مصري سواء استورد صيني او استورد كوري ومش بس العربيات الصيني اللي في اوربا تخلف عن العربيات الصيني في مصر لكن ده في كل العربيات لان زي ما قلتلك المصري مصري استورد صيني او كوري

رد: عضو جديد محتاج نصيحة
 

صدقني كلمة واحدة وما ليهاش تاني لو أنا مكانك:
طالما مش هأقدر أزود عن الخمسين هأجيب اللادا وأنا مغمض، طالما عايز عربية أشغال شاقة وسفر، وكمان تبقى قوية وقطع غيارها متوفرة.
بس زي ما قلت لك هي مش عربية رفاهية، دي عربية شغل. بس تتابعها كل ست شهور في موضوع العفشة ده، وصدقني بسيطة. وربنا يوفقك