رد: إستطلاع: Gen2 ولا New Accent و لا Brilliance FRV
 

طبعا النيو اكسنت 1- معروف ان هيوانداي ملك المبيعات 2-العربية فخمة جدا3-الصيني والماليزي مش اد كدة سواء في البيع مرة تانية او في التصنيف العالمي بعدين بصراحة جدا الهيوانداي جامدة لكن------مشكلتها ان الكمبيوتر معقد يعني ميزة انة التصليح في التوكيل بس وعيب لانك هتدفع كتير وانا اخويا معاة واحدة بس واللة طلقة وراسية جدا وعائلية وربنا يسهلك الخير
متنساش تطلع للة بعد ماتشتري اي حاجة منهم عشان ربنا يبارك ويستر عليك من العين

رد: إستطلاع: Gen2 ولا New Accent و لا Brilliance FRV
 

جين 2 طبعا مش محتاجه تفكير وكمان المقارنه ضعيفه جدا
لان جين 2 اثبتت نجاحها وتفوقها بجداره
كمان سوقت نفسها من غير دعايه ولا اعلانات وده تفوق ليها ملوش حدود
جين2 رياضيه موتور قوي صاج قوي تصميم ثوري رائع
تحياتي للجميع
http://img199.imageshack.us/img199/2207/dsc052167.jpg

رد: إستطلاع: Gen2 ولا New Accent و لا Brilliance FRV
 

يا جماعه واضح ان جماعة ملاك البروتون مش سايبين موضوع فيه مقارنه الا وماشاء الله عليهم مرشحين البروتون بكل ما اتاهم الله من قوة وبصراحه ماحدش يقدر يلومهم على حبهم لعربياتهم بس
ياريت من ملاك البريليانس (الغلابه لانهم مش بنفس الروح القتاليه لاصحاب البروتون) ياريت هما كمان يدخلوا المواضيع دي ويقولوا رايهم وتجاربهم الشخصيه مع عربياتهم
لاني بصراحه ملاحظ ان الناس اللي بتشكر في عربيات البريليانس قليلين جدا ومعدودين على الاصابع على الرغم من انهم بيشكروا في العربيه وبيقولوا عنها كلام حلو لكن للاسف مواضيعهم مش منتشره وهما مش منتشرين في المنتدى ومواضيعه زي اصحاب البروتون
وطبعا من اشهر ملاك البريليانس هو الاستاذ خالد اللي قرات كل مواضيعه تقريبا وبصراحه هو بذل مجهود جبار في اظهار مميزات وعيوب البريليانس frv بكل عقلانيه وصراحه واحترافيه
فياريت نلاقي الروح دي من اصحاب البريليانس علشان اللي نفسه يشتري العربيه دي يستفيد ونلحقه من بين انياب رابطة مشجعي البروتون ptmnlo123per145
معلش يا جماعة البروتون ماتزعلوش مني بس لازم اسخن بتوع البريليانس علشان نشوف كلام حلو ومفيد للعربيات ديptmnlo123per184

وفي انتظار مباراة القمه قريبا باذن الله

رد: إستطلاع: Gen2 ولا New Accent و لا Brilliance FRV
 

رد: إستطلاع: Gen2 ولا New Accent و لا Brilliance FRV
 

الجين 2 افضلهم بس العيب الوحيد سعر اعادة البيع
النيو اكسنت انا مش شايف فيها عيوب

رد: إستطلاع: Gen2 ولا New Accent و لا Brilliance FRV
 

ابعد عن الاف ار في لانها صيني
الجين تو ممتازه من كله الا ان صيانتها مقرفه و لما هتيجي تبيعها هتتعب
الاكسنت شكلها مبيعجبنيش اصلا بس ده موضوع ازواق في الاول و في الاخر و هي عربيه ممتازه الا ان اسعار قطع غيارها ناااااااااااااااااااااااا اار ( ولا كانك راكب الماني ) و طبعا شكلها اللي مش حلو و طبعا توازنها زباله
شوف اولوياتك و حضرتك اللي تقرر

رد: إستطلاع: Gen2 ولا New Accent و لا Brilliance FRV
 

مع احترامي الكامل لرايك اخي العزيز بس احب اقولك تعليق بسيط
مش من المنطقي اننا نقول ابعد عن البريليانس لانها صيني بس ونسكت
لو عندك عيوب محدده ياريت تقولها في تقييمك للعربية ومش بس لانها صيني يبقى خلاص ماتبقاش عربية؟ اعتقد ان ده تقييم مش منطقي وفيه ظلم للعربية اللي في ناس كتير ركبتها وبتشكر فيها جدا

والاغرب من ده في تقييمك انك بتقول ان الجين تو ممتاااااااااااااااااااااا ااااااااازة بس صيانتها مقرفه وقطع غيارها نااااااااار ولما تيجي تبيعها مش حتجيب ثمنها !!!!!!!! والسؤال هنا بعد كل العيوب الرهيبة اللى قلتها انت بلسانك تبقى ازاي عربيه ممتاااااااااااااااااااااا اازة؟؟؟؟!!!!!!!! مش ملاحظ انه كلام صعب شويه ؟
انا معاك ان الجين تو كل اللي ركبوها بيشكروا فيها بس ده مايمنعش ان عيوبها مش من السهل تقبلها
واعتقد ان البريليانس FRV تكسبها في موضوع قطع الغيار والصيانه وتشترك معاها في موضوع اعادة البيع - يبقى ايه رايك بقاااااااااااااااا ؟؟؟؟؟؟
اللي ركبوا العربيتين بيشكروا فيهم يبقى ماينفعش نقول ابعد عن الصيني ونحط دماغنا في التراب
اعتقد لازم نبدا نحترم الصيني ونقيمه باسلوب علمي ومحترف ونبدا نتعامل معاه على انه اصبح حقيقه في السوق وبصراحه بدا ياخذ جزء كبير من سوق السيارات في مصر
يبقى ليه ما نبداش ندرس الصيني بجد ونعرف ايه هي احسن عربية صيني علشان اللي عاوز يشتري صيني ما ينضحكش عليه ونكون ساعدناه على شراء عربية صيني منافسه
طالما العربيات الاوروبي وغيرها اسعارها طالعه السما بصاروخ يبقى ندور على البديل الارخص وياريت يكون بديل اقرب للكفاءة يكون احسن طبعا لكن لازم نقتنع تماما ان اللي بيشتري صيني علشان ارخص بيكون عارف ومتاكد تماما انه بيضحي في مقابل كده ببعض المواصفات والامان وووو الخ - والمطلوب هنا ان الخبراء اللي بيقيموا العربيات الصيني او غيرها يقيموها عن تجربه فعلية وخبرة مش بس مجرد كلام وراي شخصي لا يستند لاي تجربة فعليه
وشكرا