|
رد: إلي أهل الخبرة بالمنتدي M11
اقتباس:
وللعلم بردو رحت امبارح معرض اسبرانزا وشفت الجميلة M11 بصراحه عربية تحفة وناس زوق جدا الموجودين في المعرض اللي موجود في شارع الحجاز بمصر الجديدة بصراحه الناس قابلوني كويس وقالولوي العربية عربيتك اعمل اللي انت عايزه وفعلا قعدت في العربية وقلبتها من فوق لتحت بصراحه عربية جميلة جدا بس للاسف اسواء ما فيها الفينش بتاعنا يعني الفينش المصري يعني ممكن تلاقي جزء مش مربوط كويس تلاقي حتة كاوتشه صغيرة اوي طالعه زياده نقط بوية زياده غير لون العربية في الجزء الخارجي بين الزجاج الامامي والقايم بس بردو هقول الحق عربية جميله بس لولا الفينش ده وسالت طبعا بعد مقريت علي الدينمو والزجاج الخاص بالابواب الرد كان فعلا بانه كان موجود العيب ده في الدينمو بس اتعالج في الطلبيات الجديدة والعيب الموجود في العربيات القديمة بيتصلح مجاني بس بردو مش هحكم عليها إلا لما اسوقها وده هيبقي الحكم النهائي بينها وبين الــFSV |
رد: إلي أهل الخبرة بالمنتدي M11
طيب يا ريت تقوللة فين ممكن الواحد يعمل اختبار قيادة للfsv و ال m11
|
رد: إلي أهل الخبرة بالمنتدي M11
اقتباس:
|
رد: إلي أهل الخبرة بالمنتدي M11
يااستاذى الفاضل كل واحد عنده عربيتة فرخة بكشك زى اما بيقولة بس والله عن تجربة ابعت عن الصينى وغنيلة علشان مشكلة كتير جدا وعندك الحاجة المشهورة فى الام 11 هى الدينمو اول حاجة تروح تغيرها وحضرتك عندك حرية لااختيار
|
رد: إلي أهل الخبرة بالمنتدي M11
حضرتك بالنسبة للاسبرانزا انا رحت التوكيل الموجود في شارع الحجاز جمب محكمة مصر الجديدة وبالنسبة للبرليانس التوكيل بتاع البافارية الموجود في الماظه
|
رد: إلي أهل الخبرة بالمنتدي M11
السلام عليكم...
أولا أحب أعرف حضرتك انى صاحب موضوع ( و تتوالى مفاجات الجميلة M11) .. و أنا تقريبا من ساعتها قررت انى لن أشارك بأى تعليقات فى المنتدى تانى ,, و ده طبعا علشان مستوى الحوار و الردود كان قمة فى عدم اللياقة و الذوق ,, و لو حضرتك تحب تتأكد ادخل على الموضوع و اقرا أول رد للأستاذ أبوالاسعاد,, اللى تقريبا كان كلامه واضح ان اللى بيشتكى من عربيته ده يبقى مغفل و مابيفهمش فى العربيات لأنه فشل فى اكتشاف العيوب و هو بيستلم العربية.. مش عارف لغاية دلوقتى ايه العيوب اللى الواحد ممكن يعرفها و العربية واقفة فى المعرض..!!!! حتى لو عمل test drive عيوب ايه اللى تظهر فى نصف ساعة... أحب أقول لحضرتك رأيى من خلال معايشة مع العربية لمدة سنة كاملة... مميزات العربية: 1- شكل شيك جدا من برة و جوه.. 2- كماليات كتييير. 3- ثبات على الطريق و السرعات بصراحة أكتر من رائع. 4- استهلاك معقول للبنزين.. 5- فرامل يعتمد عليها فى المفاجات.. بس دايما بتصفر مش عارف ليه..؟؟ عيوب العربية: أحب أقول لحضرتك انى من أكتر الناس اللى بتحافظ على عربيتها .. و أنا باشتغل دكتور عيون.. و حضرتك عارف الجملة الشهيرة اللى بتتقال على العربيات المستعملة عند البيع ( استعمال طبيب) يعنى واحد يادوب بيروح من البيت للمستشفى للعيادة .. يعنى متوسط 40 كم يوميا.. و مابركنهاش فى الشمس و دايما بغطيها.. يعنى بصراحة عامل اللى على و زيادة.. يعنى مافيش داعى ان حد يرد و يقول سوء استخدام... 1- سوء و ردائه فى خامات الصالون.. عندى الطارة قشرت لوحدها و شكلها مش ظريف.. و عصاية الفتيس بدأت تقشر هى كمان.. 2- عيوب و فروقات واضحة فى التقفيل ... 3- مفاجات و أعطال بدون مبرر.. يعنى لما تكون عربية زيرو و أغير بوجيهات و علبة دركسيون و دينامو و تيل فرامل فى أول 9 شهور ..!!! 4- تكييف أدائه متوسط أو ضعيف فى الجو الحار.. و خصوصا لو كنت راكن شوية فى الشمس.. يعنى يا دوب بيلطف جو الكابينة.. 5- سحب ضعيف مع استعمال التكييف على السرعات البطيئة.. لكن فى السرعات العالية مابيفرقش ... 6- المشكلة اللى عندى و مش عارفين يحلوها فى التوكيل لغاية النهاردة هى صوت رجرجة الأزاز فى المطبات و الطرق غير الممهدة.. أنا رديت عليك بالتفصيل لأنى كان نفسى الاقى حد يفيدنى و أنا باشترى العربية.. و كل اللى قلته ده عن تجربة و اقعية.. و فى عيوب تانية مختلفة ظهرت فى عربيات ناس أعرفها بس أنا حبيت أتكلم عن عربيتى و بس... نصيحتى الأخيرة,, و هى نصيحة خالصة لوجه الله ابعد عن الاسبيرانزا خالص لانها عربية مالهاش معايير و مسنوى جودة ثابت.. يعنى واحدة حلوة و واحدة وحشة .. و انت وحظك.. البريليانس أفضل منها بكتيير و توكيلها أقوى.. بس انا نصيحتى ليك .. فكر فى النيو أكسنت .. أنا كنت هاشتريها قبل الأم11 بس تراجعت.. عربية رائعة.. و عيبها الوحيد انها مش واسعة من جوه.. |
رد: إلي أهل الخبرة بالمنتدي M11
اقتباس:
اقتباس:
مع احترامي الكامل ليك و لشخصك المحترم انا لم اقصد ابدا اهانت حد او الاساءه لاي فرد من الافراد من مالكي السيارات او بوجه عام يا استاذي الفاضل حضرتك فهمتني غلط وانا بكرر اعتزاري لو حضرتك اخت الكلام باهانه لشخصك حاشه لله والاختلاف في الراي لا يفسد للود قضيه معرفتك حضرتك بالدنيا كلها اي معني ان اتكلم علي عربيه و بالاخر اخسر انسان لا يعرفي ولا اعرفه لمجرد حس اني هنته بجد و ربنا يعلم حضرتك زعلتني جدا بالكلام ده مش عشان حضرتك قولت كده او لاختلاف الراي ولكن ان حد حس اني هنته و زعلان مني او اخد عني فكره مش لطيفه وانا معرفش والله و الله انا ولا يفرق معايا الاسبرانزا و لا غيرها لان اساسا كل فتره بعربيه والافضل الي بستقر عليه و برضو بغير يعني بعد ال بي ام تغير لي بس اهو داء التغير فانا اتكلمت عن تجربيه واقعيه و تجربه ناس تانيه اعرفهم كانو معايا وغير ان مهروس عربيات بمعني الكلمه فالحوار خبرات و تجارب علي سبيل المثال بالتجارب و الممارسه بالطب بمجرد اول ما تسمع الشكواي البسيطه من المريض بتعرف عنده اي و بالتفصيل ده بالنسبالي لان عشت مع العربيات سنين اتمني تتقبل اعتزاري و وجه نظري وتولع العربيه لو هتزعلنا من بعض GIFT4U |
| الساعة الآن 09:19 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017