رد: بصوا طالما مفيش وظائف كلة يحضن ويركن هنا
 

ان كان على الحال فهو يحزن ويخلى الواحد يكتئب بس نعمل اية لازم نعيش وياريت نلاقى حد يقول للحكومة عن لسان الشعب سيبينا نعيش يبقى جزاة الله كل خير

رد: بصوا طالما مفيش وظائف كلة يحضن ويركن هنا
 

الله يفتح عليك ويزيدك من نعيم المعرفة

رد: بصوا طالما مفيش وظائف كلة يحضن ويركن هنا
 

فعلا موضوع أكثر من متميز
أنا شخصيا حصلى تجربه شخصيه قرأت إعلان عن مزرعه الأحلام وامتلاك أرض والدخل الوفير والخير الكتير وبعد الإتصال بالشركه والتأكد من توافر كل ظروف الزراعه ومعاينه الأرض بالعين وجدت عدد من الصدمات .
أول صدمه الميه لو عايز ميه دق ماسوره عمق الميه 100 متر بس دى مش بعيده والله
ده حتى تكلفه الماسوره 140 جنيه للمتر بس × 100 متر عمق = 14000 جنيه بس خد بالك دى غير صالحه للشرب الميه الصالحه للشرب تروح تاخد ميه من الآبار اللى عملاها الحكومه الـ 1000 متر .
تانى صدمه الأرض بينها وبين المدينه من 8ـ10 كيلو ومفيش مواصلات يعنى لازم عربيه تحت رجليك
تالت صدمه الكهرباء اللى هاتشغل بيها موتور الميه وتنور بيها بالليل هات مكنه كهربه دى مش غاليه خااااااااالص دى من 1000 ـ 5000 حسب النوع والصناعه و منها بنزين ومنها سولار
وانا فى الوقت ده لسه متخرج من الكليه يادوب وعملت بنصيحه الحكومه الـ (حكيمه) وروحت أعمر الصحرا
لاقيت قدامى ان دى التكاليف المبدأيه غير تكاليف الزراعه من شتلات ورى وأجور عمال وميكنه و...و....و....
وانتظار 4 سنين علشان تشوف منها خير أنا موافق على الوقت إنى أشوف خير الأرض بعد 4 سنين طيب لحد ما الـ4 سنين يخلصوا أصرف عليها منين وأنا كشاب لسه متخرج لو معايا التكاليف دى كلها هافكر أروح الواحات البحريه علشان أزرع أرض رمليه
صدقونى يا جماعه أنا ماأقصدش أى إحباط بس فعلا المشروعات الصغيره دى 95% منها لا بتجيب ولا بتودى وأنا بقول كده لأنى دلوقت متجوز وفاتح بيت يمكن كانت تبقى مفيده لو كنت لسه لوحدى من غير مسؤليات وحتى لو كده أنا أكيد هاييجى يوم أفكر فيه فى الجواز يعنى أسره وبيت ومسؤوليه ومصاريف والمشروعات الصغيره مابتكبرش بالطول دى علشان تكبر لازم بالعرض يعنى المشروع بيكبر بإنك تزود أصوله وتزود العمل المنوط بيه المشروع نفسه ومش هايكون فى أصول ثابته مش متزيد غير للصيانه مثلا وللحفاظ عليها أو حاجه زى كده والمشروع يكبر بتنويع الشغل أو طريقه الشغل بمعنى انك مثلا لو بتبيع شاى على الكورنيش (أظن مفيش أصغر من كده) أكبر دخل يومى مهما كان كبير هايكون بسيط لأن أيام الشغل مش زى بعضها ويوم الصيف غير يوم الشتا ويوم رمضان غير يوم الفطار وفى النهايه هايكون فى سقف للمكسب مش هاتعرف تعدى السقف ده والوسيله الوحيده اللى تخليك تكسب زياده انك تزود السعر وكده محدش هايشترى منك حاجه أو انك تكبر بالعرض بدل ترمس شاى واحد يبقوا اتنين وبدل قاعده أو نصبه شاى واحده يبقوا اتنين وفى الحالتين هاتحتاج لمكان تانى وواحد تانى يشيل معاك فى الشغل لأنك لازم تاخد مكانين مش مكان واحد اللى انت فيه دلوقت .
يعنى زاد عليك بعد تكاليف النصبه الجديده إكراميه جديده لـ ( كذا وكذا ) علشان يسيبوك واقف مكانك وأجره واحد شغال معاك ولو كان أمين وبيديلك إيراد اليوم مظبوط فى النهايه وبعد التكاليف دى كلها تلاقى دخلك زاد قد إيه حوالى 10ـ11 % بس وده بالكتير كمان وتزوده ازاى بنصبه شاى تانيه وهكذا .
لومشروعك الصغير أرانب مثلا وعلى فكره أنا عملتها فعلا وكانت ماشيه معايا كالريح المرسله بس المساحه عندى 60 متر بس وأنا محتاج مكان أكبر علشان الشغل يكبر لأنك علشان تكسب فى مسأله الأرانب لازم تزود العدد اللى بتربيه أو أمهات التربيه مع توفير مكان لذكر تلقيح زياده ومكان للأمهات ومكان للخلفات ومكان للأمهات الجديده اللى بتجهزها للإحلال بالقديمه لما تخلص خلفات أو تموت وبرضه بتكبر بالعرض .
انما مثلا لو محل بقاله ـ وده مشروع متوسط مش كبير على فكره ـ التنويع فى البضاعه وأنواعها وعروض التخفيض من المحل علشان المضاربه مع المحلات التانيه والمدام اللى بتشترى ومعاها طفل مش مشكله لو أخد كيس قلبظ ببلاش هديه منك للولد لأنه بعد كده لو ماما بعتته مشوار مش هايشترى من حد غيرك لأنك عمو الحلو اللى اداله قلبظ ببلاش .
ولأن الموضوع لطرح أفكار لمشروعات
فاقتراحى لفكره مشروع هو مشروع الأرض ده بس للأسف مشروع زى ده علشان يتنفذ محتاج حاجه من إتنين
واحد معاه فلوس كتير وهايرميها فى المزرعه والإتنظار مش هايتعبه وهو كده هايشغل ناس حواليه محتاجين الشغل والفلوس حتى لو تكون فلوس بسيطه مع نسبه من الإنتاج لما تنتج المزرعه إن شاء الله
أو كام شاب جدعان ورجاله وبتوع شغل بجد يشتركوا مع بعض فى مساحه كبيره والتكاليف والمجهود يتقسموا عليهم ولما الأرض تجيب خيرها كل واحد فيهم يستقل بحته أرض والشرط يكونوا متفرغين للأرض
هيه صعبه شويه وتقيله شويتين علشان تنفذ حاجه زى كده
بس أنا من وجهه نظرى ان المستقبل مش إيطاليا ولا فى السعوديه ولا حتى فى وظيفه
والله والله والله والله والله والله والله ياجماعه إحنا مستقبلنا تحت رجلينا (الأرض)




واللى ملوش فى الشغل ملوش فى الراحه

رد: بصوا طالما مفيش وظائف كلة يحضن ويركن هنا
 

http://www.masrmotors.com/vb/showthr...278#post266278
طيب اية رأيكو فى الفكرة دى

رد: بصوا طالما مفيش وظائف كلة يحضن ويركن هنا
 

طبعا فكرة جبارة بس رأس المال من فين علشان المكان والتجهيز وسعر الماكينة طبعا هيبقى اوفر على اى شاب

رد: بصوا طالما مفيش وظائف كلة يحضن ويركن هنا
 

[QUOTE=m.tawela;266352]فعلا موضوع أكثر من متميز
ولأن الموضوع لطرح أفكار لمشروعات
فاقتراحى لفكره مشروع هو مشروع الأرض ده بس للأسف مشروع زى ده علشان يتنفذ محتاج حاجه من إتنين
واحد معاه فلوس كتير وهايرميها فى المزرعه والإتنظار مش هايتعبه وهو كده هايشغل ناس حواليه محتاجين الشغل والفلوس حتى لو تكون فلوس بسيطه مع نسبه من الإنتاج لما تنتج المزرعه إن شاء الله
أو كام شاب جدعان ورجاله وبتوع شغل بجد يشتركوا مع بعض فى مساحه كبيره والتكاليف والمجهود يتقسموا عليهم ولما الأرض تجيب خيرها كل واحد فيهم يستقل بحته أرض والشرط يكونوا متفرغين للأرض
هيه صعبه شويه وتقيله شويتين علشان تنفذ حاجه زى كده
بس أنا من وجهه نظرى ان المستقبل مش إيطاليا ولا فى السعوديه ولا حتى فى وظيفه
والله والله والله والله والله والله والله ياجماعه إحنا مستقبلنا تحت رجلينا (الأرض)

طبعا انا معاك قلبا وقالبا وبقول الصين عرفت نفسها رائدة فى الصناعة وخدت الخط دة فبقيت الاولى فى العالم وعندها اقتصاد قوى
اما احنا فاحنا اول من زرعنا وعلمنا العالم كلة الزراعة ولو دورت على اصولنا كلها هتلاقيها فلاحين فلو خدنا خط الزراعة هنأكل مصر والعالم ويبقى اقتصادنا قوى دة يمكن الصناعة ممكن تستغنى عنها لكن الزراعة لايمكن

رد: بصوا طالما مفيش وظائف كلة يحضن ويركن هنا
 

طبعا انا معاك قلبا وقالبا وبقول الصين عرفت نفسها رائدة فى الصناعة وخدت الخط دة فبقيت الاولى فى العالم وعندها اقتصاد قوى
اما احنا فاحنا اول من زرعنا وعلمنا العالم كلة الزراعة ولو دورت على اصولنا كلها هتلاقيها فلاحين فلو خدنا خط الزراعة هنأكل مصر والعالم ويبقى اقتصادنا قوى دة يمكن الصناعة ممكن تستغنى عنها لكن الزراعة لايمكن
__________________
تصديقا لكلامك خصوصا فكره الإستغناء عن الصناعه وده ممكن يحصل خلال
5 سنوات لو اشتغلنا بجد بمجرد البدايه بالزراعات المحصوليه زى الحبوب الأرز والقمح والذره ودى دورتها أقل من عام والإنتاج بيظهر وبيجيب نتيجه اقتصاديه
وبعدها زراعات الخضر وبعدها الفواكه لحد ما نوصل للزراعات الدوائيه ـ النباتات المستخدمه فى صناعه الدواء ـ
ومش عايزين صناعه اللى احنا عايزينه هانشتريه بفلوسنا -
واللى مش عايز يبيع وماله مش هانبيع ليه أى حاجه بتتاكل وساعتها الشعب بتاعه هايكله هوه
والحمد لله عندنا كل حاجه
المياه ـ الأرض ـ الأيدى العامله ـ الأفكار الزراعيه حتى لو بسيطه فى كافيه جدا دلوقت نجمع كل ده على بعضه ونشتغل بأه
ولا إيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟