|
رد: السادة المسنين فوق الثلاثين
والله يا احمد الموضوع ده جه على اكبر جرح عندى من ناحية العربية ptmnlo123per144
وهحكيلكم حكايتى قبل ما اتجوز كنت عايش بعربية الحاجة (كيا برايد عصفورة) كانت شايلانا ومازالت الحمد لله من 96 لحد دلوقتى مشاوير افراح عزومات نقل كل حاجة يكفى اننا كنا بنروح بيها مطروح (قبل ما اتجوز) والدتى واخواتى الصغيرين 10 و 15 سنة وانا ووليد اخويا وزوجتة يعنى 6 افراد وطبعا بشنطنا بكل حاجة وغير كده الحاجة لازم تتسوق من مشوار مطروح وبنرجع معانا شنط اكتر من اللى روحنا بيها وافتكر برضو ان حاجة النقاشة بتاعة شقتى اتشالت كلها فى العربية وكان راكب فيها ناس برضو بصراحة عمرها ما دايقتنا او عجزتنا فى حاجة ممكن تكون بتاخد وقت فى تظبيط حط الحاجة شوية بس مش للدرجة علما بان شنطة البرايد (هاتش باك) صغيرة فعلا والكنبة مش بتتنى (غير قابلة للطى) فما بالكم بالعربيات اللى الكنبة فيها بتتنى ! لما اتجوزت وجيت اشترى عربيتى كان نفسى اجيب برايد هاتش باك برضو لولا المدام ptmnlo123per152 اعترضت على الهاتش باك وكانت وجه نظرها برضو الشنط والسفر والعيال لما تكبر الخ الخ وانا قولت برضو يبقى تغيير والواحد يستمتع بانة مركب سبويلر ptmnlo123per1118 وادينى متجوز بقالى 3 سنين اهوه والعيال لسه بلى وشنطتين تلاتة بيقضونا فى اى سفرية والعربية من جوه (صالون) هيا هيا ابعاد الهاتش باك ومش حاسس باى فايدة بالعكس الهاتش باك التوازن بتاعها افضل والمناورة اسهل لان العربية اقصر وبقيت كل ما اخد خبطة فى الرفرف الورانى يمين او شمال او ابقى مضطر اركن فى مكان ديق او الف فى حارة ديقة اتحسر على انى مجبتش عربية هاتش باك دلوقتى انا شايف ان العربية السيدان ممكن تكون ستايل اقرب للكلاسيك لكن الهاتش باك هيا المرادف الحقيقى للسيارة العملية فى بلدنا ديه |
رد: السادة المسنين فوق الثلاثين
انا معنديش اي اعتراض على الهاتشباك .... بس انا كان معايا سيينا ... كانت شنطتها 500 لتر ....
عزلت بيها من شقه لشقه .... بكنا بنسافر 3 عربيات .... شيلت فيها شنطي وشنط اهلي.... اساسا كنت حاطط حاجات واخده نص الشنطه و مش حاسس بيها لما غيرت و جيبت الماتريكس 350 لتر ... طبعا اول حاجه عملتها وزعت الحاجات اللي كانت في شنطه السيينا وساعتها محستش بمشكله .... لكن لما ربنا رزقني بعمر ... حسيت انها صغيره ... لسبب بسيط ... عمر عنده عربيه اطفال ... وعشان اروح اي مكان فيه لف ( هايبر - النادي - سفر ) لازم ناخد عربيه البيه الصغير ..... اول ما بحطها في الشنطه مابشوفش غيرها ... بتاكل الشنطه .... و لما نيجي نسافر يدوبك العربيه و الشنط... وساعات اقول كفايه كده عشان الشنطه مش حتشيل .... بس بصراحه اكتر حاجه نفعانا و اكتر حاجه بتريحني.... هي عربيه عمر نفسها .... بتشيل عمر و اي حاجه معانا .... العبره باحتياج كل واحد .... انا كانت عجباني الجيتس جدا وكنت بتفرج عليها في نفس المعرض اللي جبت منه الماتريكس.... (كنت بتفرج على 3 عربيات :- ماتريكس اوتوماتيك - جيتس اوتوماتيك - الانترا مانيوال) الالنترا كانت اغلا 10000 ج .... بس ماكنتش عايز مانيوال و الاوتوماتيك اوفر بادجت ....الجيتس عجبتنا انا والمدام اكتر من الماتريكس بس لو كنت جبتها كان زماني بغني ظلموه ...... انسب حاجه كانت ومازالت الماتريكس ... خصوصا اني بقدر اقدم الكنبه قدام لأن الولاد صغيرين و بكده بكبر الشنطه كتير ) وعلى فكره ... انا ماكنتش ميال لشكل الماتريكس .... و لا بحب الديفندرات و ماركبتهومش. بس هي كانت انسب حاجه في حدود البادجيت اللي كانت معايا .... يعني لا يمكن اجيبها النهارده ب 93000 . |
رد: السادة المسنين فوق الثلاثين
بغض النظر عن كون الهاتش باك عملية اكتر فى حجمها او السيدان عملية اكتر فى شنطتها هل فعلا شكل الهاتش باك اقرب للشاب والسيدان للرجل البالغ او family man ؟
انا شخصيا شايف ان ده صحيح |
رد: السادة المسنين فوق الثلاثين
فولكس فاجن جولف 4 و 5
السيارة العائلية الاولي في اوروبا فورد فوكاس هاتشباك السيارة العائلية الاولى في الولايات المتحدة رينو ميجان هاتشباك - بيجو 307 - بيجو 206 - فيات بونتو - باندا جوائز متعددة المشكلة مش في السيارة ولا في اي شيء المشكلة المتزمنة في عقلية 80% من المصريين بكون ارتباط حجم السيارة بحجم الرجولة ... كل مالسيارة تكبر تبقى انت ارجل . و ده للسف ناتج من السلطحة المخية الي ممكن تكون شبه امريكية الي اتعدى بيها معظم الناس الي راحوا الخليج .. و ده مثلا سبب ان واحد محدث نعمة ممكن يفضل انه يتشري سيارة صيني ب 150 الف حنيه ( بريليانس جالينا ) عن مثلا جولف و احتى الجيتا .. لمجرد كونها اكبر .... الي يضحك انك لو سالت واحد مثلا تقوله الميجان الهاتشبك ولا السيدان احسن .. ممكن يقولك الف سبب .. ولكن اكتر سبب يغيظك ممكن يكون " السيدان طبعا اوسع " و " اثبت " وده اكبر خطاء فادح بيعتفدوا معظم المصريين .. ان السيارة الهاتشباك او الموديل الهاتشباك " اصغر " او اضيق من المودلي السيدان .. الي عايز اقوله ان السيارة الهاتشباك هي اصل اي سيارة اوروبية .. و السيدان حتلاقيها مصنعة في بلد اخر و لسوق اخر ... فربنا يهدينا كدة ونفهم ان الشنطة هي الشيء الوحيد الي بيفرق سيارة هاتش عن سيدان .. و ملهاش دعوة برجولتك .... :P |
رد: السادة المسنين فوق الثلاثين
لو حابب تركب هاتشباك مافيش غير الجولف أجمل وأشيك عربيه هاتشباك ومناسبه للشباب والكبار
|
رد: السادة المسنين فوق الثلاثين
موضوع ثري ومفيد
الف شكر لكل المشاركين |
رد: السادة المسنين فوق الثلاثين
انا عربيتى ماروتى هاتش باك و بشبكة
و مفيش مشكلة عندى فى موضوع انها مش سيدان و مش محتاج لشنطة ليها |
| الساعة الآن 09:07 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017