رد: ايه المشكله لماتكون السياره رشه دواخل
 

فعلا مظبوط بسبب الفكر الموجود والبى بى سى البريطانية قالت ان مشكلة الشعب المصرى مشكلة فكر
لكن لو عربية معمولة فى التوكيل اتحداك اصلا تعرفها وهتتباع زى الجديدة بس كلنا بنسترخص ونطلع على الصنايعية ومش هيكونو زى التوكيل ابدا بسبب الاجهزة الموجودة والتوكيل عايز يطلع لك بنود اكتر علشان تدفع اكتر لكن الصنايعى بيبقى عامل نفسه عايل همك وبلاش دى وكفاية دى ونعمل بدى بدل دى وهتطلع عروسة وتطلع فعلا عروسة وتعجبك وتقول الله عليه الولد ده لكن المواد الخام مختلفة وطريقة الشغل مختلفة وبالتالى تفرق فى السعر
وانا شخصيا عربيتى كان فيها جروح وخدوش بالمسامير فى الباب (حوالينا اكترمن 11مدرسة والعيال بتخرج تبوظ العربيات )لما روحت للصنايعى قال الاكسدام الواحد60 جنيه لما روحت للتوكيل قال 300 جنيه القطعة وعربيتك 16 قطعة شوف هترش كام قطعة واستغربت لان الفرق بعيد
واتضح انه فى نوعية البويات لانى لما عملت الاكسدام عند الصنايعى شوية والمعجونة شققت ووقعت من اقل خبطة بينما الاصلى كانت تتخبط ولايحصل حاجة يادوب خدش بسيط ميبانش ولما رجعت للصنايعى رد وقال / هو حد بيستعمل العربية زيك عمرها مهتستحمل طبعا (اى كلام )
وافتكرت المثل اليهودى اللى بيقول
انا مش غنى جدا علشان اشترى حاجة رخيصة
لانها مس بتقعد ولاتتحمل

رد: ايه المشكله لماتكون السياره رشه دواخل
 

معاك حق يا استاذ خالد
المصرى بيشترى الحاجة وفى نفس الوقت بيفكر يبيعها ازاى قبل حتى ما يستخدمها وتعيش معاه شوية !!!!!!
المنطق ده تلاقيه عند ناس كثير جدا وسبحان الله

رد: ايه المشكله لماتكون السياره رشه دواخل
 

رد: ايه المشكله لماتكون السياره رشه دواخل
 

حتى لو العربية اتعملت فى التوكيل ملهاش امان علشان الدواخل عليها عزم كبير علشان المووتور ووزنة علشان كدة العربية الى راشة دواخل غير مرغوب فيها

رد: ايه المشكله لماتكون السياره رشه دواخل
 

انت لاقدر الله فاكر ان التوكيل بيصلح ؟؟؟؟؟؟؟؟؟؟
التوكيل بيرمى ويركب جديد

رد: ايه المشكله لماتكون السياره رشه دواخل
 

معاك يا استاذ خالد هو بيرمي و يركب جديد
بس الكلام دا في رفرف او ستاره او حتي سدر العربيه
انما الاماكن اللي بيركب عليها الرفرف بقي حيعمل فيها ايه
دا شاسيه العربيه و لازم يستعدله ولا يقدر يغير فيه حاجه
حتي لو قدر يغير الجنب برضه حيبقي فيه لحامات بخلاف وضع المصنع الاساسي اللي بيبقي فيه الشاسيه حتي واحده و بعض اللحامات في اماكن لا يعلم بها الا المصنع و بتبقي في اماكن مدروسه بدقه

رد: ايه المشكله لماتكون السياره رشه دواخل
 

يمكن كلام حضرتك صح بالنسبة للسيارات التى ليس لها مصانع بمصر وانا ربما بتكلم عن توكيلات زى نيسان او هيونداى او مرسيدس او جيب او غيرهم ممن لهم مصانع بمصر لان احنا بييجى لنا من بره الاساسيات وليس من بينها الهيكل او الصاج نفسه والله اعلم ورسوله