رد: نيسان بلو بيرد سيلفى الجديدة فى مصر
 

ارجوا قرائة الموضوع جيدا ... وهتلاقى السعر والمواصفات

رد: نيسان بلوبيرد سيلفي الجديدة
 

العربيه شكلها روعه الصراحه سعرها ممتاز بالنسبه للافينسس غير انها اتوماتك
البسات بتتجمع في المانيا حسب كلام الوكيل الفتيس بس هو الي صيني
الجيتا تجميع براززيلي
على فكره التجميع بيبقى بصوره اليه مش يدويه الخوف الفعلي لو فيها مكونات صيني

رد: نيسان بلوبيرد سيلفي الجديدة
 

الجيتا بتتجمع فى البرازيل وجنوب افريقيا والصين ptmnlo123per1147

رد: نيسان بلوبيرد سيلفي الجديدة
 

شكرا علىمجهودك يا محمد
العربيه دى رائعه اتوقع لها تحقيق مبيعات عاليع لو كان سعرها معقول

رد: نيسان بلو بيرد سيلفى الجديدة فى مصر
 

السلام عليكم ورحمة الله وبركاته
اخواني الأعزاء دي أول مشاركه ليا في منتداكم الرائع لأني اشتركت فيه انهارده وبصراحه هو ممتاز جدا جدا .
بصراحه انا اتشديت للموضوع ده لأني لسه بايع عربيتي وكنت بفكر اشتري فورد فوكاس الجديده وهي تقريبا بنفس سعر النيسان البلو بيرد بس انا مش مصدق ان البلو بيرد تجميع صيني
ياريت تقولوا لي رأيكم أيهما أفضل لأني محتار جدا
اشكركم واسف على الإطاله

رد: نيسان بلو بيرد سيلفى الجديدة فى مصر
 

اهلا وسهلا بيك فى مصر موتور وياريت تكون معانا دايما ....
بالنسبة لاختيارك السيارة ياريت تحط بدائل اخرى الكورولا مثلا او الميتسوبيشى او الهوندا
لان الفورد قطع غيارها غالية وسعر اعادة البيع بتاعها مش حلو
كمان البلو بيرد لسة مفيش اخبار عنها او محدش جربها انت ممكن تستنى شوية عليها

رد: نيسان بلو بيرد سيلفى الجديدة فى مصر
 

اخي العزيز
أولا شكرا على اهتمامك بالرد
ثانيا بالنسبه للبدائل
الكورولا انا جربتها وبصراحه لقيتها خفيفه على الطريق
اللانسر موتورها اعتقد انه ضعيف عليها هي كانت محتاجه 1600
السيفيك مشكلتها انها واطيه وانت عارف ان في شوارع مصر والجبال الي فيها (المطبات) انت محتاج هامر وصاجها لقيته ضعيف
بالنسبه لقطع غيار الفوكاس انا جبت رقم الوكيل و سألت على قطع الغيار وكانت كالتالي :
فانوس أمامي 450
فانوس خلفي 370
اكصدام امامي 1300
ريداتير 1000
مساعد امامي 350
مساعد خلفي 300
كوبلن 250
مرايا 400
فلتر زيت 35
فلتر بنزين 45
طقم سيور كامل 350
ولقيت الايرباج ب 20000 بس دي حلها انك تعمل تأمين شامل
وعلى فكره انا اخويا جربها وقال انها ثابته جدا جدا على الطريق وسحبها اكثر من رائع
انا بصراحه محتار جدا