رد: تقييم النيو اكسنت
 

هى النيو سيراتو لاتقارن بالنيو اكسنت
السيراتو افضل عشان منظرها الوحشى وشويه الكماليات اللى فيها بس رايى مش مؤثره قوى
لكن فرق السعر عالى قوى

رد: تقييم النيو اكسنت
 

فعلا رايك صحيح جدا

رد: تقييم النيو اكسنت
 

النيو اكسينت تقارن بكيا ريو
والسيراتو تقارن بالالنترا

الكيا هى الشقيقه الصغرى لهيونداى ولكنها تفوقت عليها والفرق فى قوة التوكيل والتوكيل الجديد لكيا عامل شغل كويس بس قدامه شغل كتير لحد مايوصل لغبور

رد: تقييم النيو اكسنت
 

انا ركبت النيو اكسنت 2010 فى معرض فورميولا وتقييمي انها من بره حلوة ومن جوة اللادا اشيك منها
والسيراتو الجديدة 2009 سافرت بيها العين السخنة من شهرين كده 10/10
وفي الطريق بدلت مع صديقي اللي معاه الاوكتافيا وكانت احلى سواقة سوقتها بعد البي ام
فوجأت بيه بيقولي انت ماشي على 180 ولا واخد بالي من الثبات والاحساس بهدوء الموتور ماتفكرونيش

رد: تقييم النيو اكسنت
 

طبعا انت بتتكلم فى ايه الالمانى يكسب

رد: تقييم النيو اكسنت
 

بص يا باشا كلام السوق بيقول ان انت لو اشتريت عربية نيو اكسنت سهل تبيعها جدا علشان في ناس كتير استخدموها و مطلوبة في السوق و بعدين هي عربية محترمة جدا علي الطريق و قطع غيارها رخيصة و بعدين نزل منها الصيني التقليد يعني ممكن تجيبة من اي حتة اما بالنسبة للسيراتة فهي عربية كويسة جدا بس في مشكلة قطع غيارها غالية جدا و بعدين اول ماتطلع من المعرض لو حبيت تبيعها هايقل تمنها 10000 جنية و دة طبعا كتير جدا بالنسبة لعربية و بعدين حتي لو حبيت تبيعها هاتلاقي الموضوع صعب شوية غير طبعا ان توكيلها مقرف و هايتعبوك معاهم

رد: تقييم النيو اكسنت
 

أعتقد أن السيراتو فئة والأكسنت فئة أخرى.
أعنى أنه لا يمكن المقارنة.
ولكنى أعتقد أن السيراتو أفضل لأن سعرها أكبر بأكثر من 30 ألف جم.
ولكن قطع غيار هيونداى أرخص من كيا عموماً.