|
رد: كسر الزيرو بيتباع ليه ؟؟
اقتباس:
وياريت حضرتك لا تسفه من رأى الآخرين كل عضو هنا بيقول رأية بحرية واحترام وشكرا لك على المشاركة |
رد: كسر الزيرو بيتباع ليه ؟؟
لولا اختلاف الاذواق لبارت السلع
و بعدين ماهو المفروض فيه تجربه قياده للعربيه قبل ما تتدبس فيها و مايبقالكش حق انا سوقت عربيات كتير جدا بس ماحستش بعربيه محترمه و رخيصه زي الياباني و بالذات التويوتا ولا يمكن عشان السعوديه بيحافظو علي معايير الجوده ptmnlo123per160 |
رد: كسر الزيرو بيتباع ليه ؟؟
اللي قال عربيه معفنة مشتمش حد و هو كان بينقل الصورة و الكلام على لسان صاحبه
مش رأيه هوا حتى! و ثم انا لو عربيتي مش حلوة انا اول واحد حقول معفنة و ييجي صاحبي يقوللي يا راجل حرام عليك دي ماشيه معايا زي الفل! ده مش معناه ان انا معفن او صاحبي معفن! و اسباب بيع كسر زيرو مجهول ليا فعلا |
رد: كسر الزيرو بيتباع ليه ؟؟
لية الردود على السؤال انقطعت برجاء الاستمرار فى الرد لمن عنده علم حتى يعلم الجميع ويرتاح(what) |
رد: كسر الزيرو بيتباع ليه ؟؟
غالبا ( قلة الخبرة + سوء إختيار السيارة طبقا لظروف الشخص واستخدامة ) |
رد: كسر الزيرو بيتباع ليه ؟؟
ممممممممممممممممممممممممم مممم
|
رد: كسر الزيرو بيتباع ليه ؟؟
كسر الزيرو فيه 3 حالات لبيعه بسعر اقل من سعر السوق
الأولي ان واحد غاوي يركب جديد ( ادمان بقى ) ولازم يغير عربية كل سنة بتبقى العربية يوم ما تكون عملت اخرها 10 الاف كيلو والا حاجة الثاني ضائقة مالية ( ربنا يعافينا واياكم من اي ضوائق ) الثالث تعثر في سداد الاقساط اللي بيحصل ان فيه معرض بيكون منزل عربية بالتقسيط المباشر تبع البنك يجي الزبون ميدفعش شهر والثاني يروح البنك حاجز على العربية ، طبعا التاجر اللي باع ليه ناس في البنك ( مش هما اللي بيخصلو الورق من الأول ) البنك يحجز على العربيات 20 عربية 30 عربية 50 عربية يروح البنك عامل مزاد علني لبيع العربيات دي الناس اللي تبع التاجر اللي في البنك تتصل بيه تعرفه بالمزاد يروح رايح قبل ميعاد المزاد دافع الفلوس اللي على العربيات دي وياخد الافراج بتاعها طيب هتقولو طيب هو كسب ايه هقولك انه لما بيدفع بيدفع القيمة الفعلية لثمن العربية يومها مش يوم ما اتباعت مخصوم منها المدفوع يعني على سبيل المثال عربية ب 100 ألف صاحبها دفع مقدم 20 مثلا وسدد 3 او 4 اقساط بقى ميونها حوالي 75 ألف مش 100 ، اصبح ثمنها في السوق النهاردة علشان كسر زيرو تقف على 90 - 95 والتاجر دفع فيها 75 اشتراها تاني والراجل المتعثر بياخد نسبة من اللي دفعه والدين اللي عليه بيتشال يجي التاجر يبيع العربية هيبعيها فيييييييييين في المعرض بتاعه مهي اصلا كانت لسه ورقها تبعه مش مشيت من عنده يروح منزلها المعرض تاني على انها كسر زيرو مش زيرو ويبيعها بسعر اقل من سعر السوق وتمشي العربية ملحوظة : الموضوع ده اتحكالي من واحد شغال في الموضوع ده او له علاقه بالموضوع ده فتأكيد صحته من عدمه لا يعلمها الا الله سبحانه وتعالى ، خصوصا وانت عارفين ان بلدنا بلد الشفافية وكل حاجة فيها معروفه للصغير قبل الكبير ، وربنا يسترها علينا من البقين دول :hd::hd::hd::hd::hd::hd:: hd::hd::hd::hd::hd: |
| الساعة الآن 03:40 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017