رد: مقارنة بين مازدا 3 وهوندا سيفيك
 

يااستاذ بوبوس انا مصدق كلامك كله بصراحه وخصوصا بالنسبه للثبات العربيه ثباتها رهيب ياجماعه وانا والله شفت بنفسى فى اشد المنحنيات خطوره اول مادخلنا منطقه المنحنيات وانت داخل على نويبع من شرم ماشفتش المازدا عديتنى ومعرفش راحت فين

رد: مقارنة بين مازدا 3 وهوندا سيفيك
 

انا عايش في الامارات و بفكراجيب عربية 1600 علشان انزلها مصر كمان سنيتن اية رأيكوا في المازدا 3 ؟ هي نظامها اية في مصر في الانتشار و قطع الغيار و اعادة البيع ؟

رد: مقارنة بين مازدا 3 وهوندا سيفيك
 

انا كان عندي هوندا 1995 و الان عندي مازدا 3 2007
ثبات رائع علي سرعات عالية و جيربوكس ممتاز وموتور قوي وتكييف ديجيتال تلاجة
المساحة الداخلية ضيقة لكن محتملة اذا لم تكن من الحجم الكبير
تابلوه رائع الاضاءة ومريح جدا وعجلة قيادة سلسة
من الاخر قيادة ممتعة

رد: مقارنة بين مازدا 3 وهوندا سيفيك
 

ما افتكرش اكيد انت ماخدتش بالك 140 كلم واتحدى انك غلطان

aj4 good
 

goodNike Air Jordan 13 on saleNike Air Jordan 14 on saleNike Air Jordan 15 on saleNike Air Jordan 16 on saleNike Air Jordan 17 on sale

رد: مقارنة بين مازدا 3 وهوندا سيفيك
 

انا هحكيلكو تجربتى بمنتهى الامانه
اولا انا عمرى ما ركبت عربيه غير اليابانى
كان معايا كورولا 2004 و بعتها الحمد لله
و بالرغم من انها اسمها كورولا بس بعد ما جبت مازدا 3 2010 (الشكل الجديد)حسيت انى مكنتش راكب كورولا كنت راكب 128
المازدا 3 مميزاتها كالاتى
1- موتور ناعم جدا جدا لدرجة انك مبتسمعش ان كانت عربيتك دايرة ولا لا
2-سحب اكتر من ممتاز لدرجة انك لو مبصيتش على العداد وانت ماشي على 140 ممكن تحس انك ماشي عل ى 60
3- ادا ممتاز ف المنحنيات ( مفيش ملف باخده اقل من 120 ) و متحسش خالص انك بتاخد ملف
4- تابلوة رائع (حتى درج التابلوة مفيش وسع اكتر من كده) و مساحه داخليه امامية ممتازة وواسعه جدا و من الخلف معقوله ( 2010 اوسع من ورا من 2009 و الى قبلها ) و الشنطه بتاعتها واسعه اوسع من الكورولا الى كانت معايا
5- لو مسافر مشوار كبير مفيش احسن من المازدا 3 متحسش نهائى بالمشوار و تنزل من العربيه نشيط جدا
6- ارتفاع عن الارض ممتاز يناسب طرقنا التعبانه
العيوب :
1- توكيل غير محترم (غبور) مهتم بس بالهيونداى و لو اهتم شوية بالمازدا هتنجح و خصوصا لما نزل سعرها 10000 العربيه باعت كتير لدرجة انى ف المنصورة حجزت عربيه بالبق كده و رجعت بعد اسبوع ملقتهاش لاهيا ولا اللون التانى الى كان معاها رحت بقى حجزت بالفلوس مرة تانيه وخدت ىاللون الى عاوزة
2- الصندوق ( المخدع ) الى جنب السواق ورا شوية
3- قلة انتشار هذا الموديل و بالتالى قلة انتشار قطع الغيار برا التوكيل بس الموديل ده لسه مكملش سنه و اكيد هتنتشر زي الموديل القديم ماهو مغرق الدنيا
4- اعادة البيع و هذا يرجع لثقافة الشعب المصري ( المازدا فاسده) لكن اعتقد مع توافر ونجاح الموديل القديم 2004-2009 المفهوم اتغير نوعا ما

رد: مقارنة بين مازدا 3 وهوندا سيفيك
 

شكرا على المشاركة و مرحبا بك في مصر موتورزROSE4U
كدة بقينا اتنين في المنتدى معانا مازدا 3 20104BY44BY4
احب أهنيك على اختيارك
ربنا يديك خيرها و يكفيك شرها
لي كام تعليق على كام سؤال كدة
الكورولا مش زبالة قوي كدة دي عربية أثبتت كفاءتها في مصر و العالم كله بس مشكلتها قلة الثبات بسببب ارتفاعها عن الأرض
أنا معاك في كل المميزات اللي ذكرتها و أكتر من كدة كمان
و العيوب أيضا نفس الكلام متفق معاك 95%
الاسئلة ( لما تجاوب ماتبصش في ورقة الل جمبك :) )
العربية اشتريتها امتى و عاملة كام كيلو ؟
هل فعلا مركز الصيانة الوحيد في أبو رواش فقط ولا في مراكز تانية ؟
عملت أي صيانة ولا لسة
ما تقييمك لمركز الخدمة ؟( دة طبعا لو كنت رحت )
ما أسعار قطع الغيار تحديدا ؟
معلش طولت عليك GIFT4U