رد: الماتركس بتسخن
 

الماتريكس من افضل موديلات الهيونداى ان لم تكن افضلهم بالفعل ودة مش كلامى لكن كلام ناس فى توكيل غبور انا اعرفهم شخصيا ً والكل شكر لى فالعربية وكنت ناوى فعلا ً اجيبها لولا صغر حجم الشنطة خاصة وانا بسافر كتير مع بعض الحاجات الاخرى وهى مجرد اختلاف ازواق
- سخونة العربية خطر جدا ً عليها ومشكلة مش المفروض حضرتك تسكت عليها
- المسافة من المنيا للقاهرة فى حدود 200 كم ممكن تروح وترجع بنفس اليوم
- المسافة بينى انا والقاهرة تتجاوز 800 كم وكنت بروح القاهرة اعمل صيانة عادية
حتى تغيير البوجوهات كنت بعملة فالقاهرة
- التوكيل هو افضل مكان ممكن تعمل فية الصيانة ولو حضرتك عايز بديل بنفس كفائة التوكيل ابعتلى رسالة عالخاص وانا اقولك الطريق
ان شاء الله يكون موضوع بسيط ويتحل بسهولة ولكن ان الحرارة ارتفعت معاك فالسفر
حمل العربية ومتمشيش بيها اطلاقا ً

رد: الماتركس بتسخن
 

ماتضايقش نفسك خالص لان مفيش عربية مبتعملش حاجة تجننك يعنى لو بعتها و جبت ايش بالذى برضه مسيرك فى يوم يحصل حاجة تعكننك و تخليك عايز تبيعها برضه و حتفضل كده فى دوامة
ان شاء الله مشكلتك حتتحل زى ما السادة الزملاء الافاضل طمنوك و العربية حترجع احسن من الاول لانها عربية محترمة اثبتت كفائتها فى مصر
انت بس لو عايزهم يساعدوك اكتر حاول توصف المشكلة اكتر
يعنى انا مفهمتش بالنسبة لمراوح الميتركس هل هى فعلا مروحة واحدة فقط ؟
و هل هى بتشتغل مع التكييف مستمر ؟
و هل لما الحرارة بترفع عندك علطول نزلت و تاكدت ان المروحة شغالة على السرعة العالية ؟
هل فى نفخ فى اربة الميه مع تزويد البنزين ؟
هل لو فكيت غطاء الاربة ( او الرادياتير ) الحرارة حتنزل ؟
هل الزيت بيعمل طحينة ؟
هل الشاكمان مكتوم ؟
هل تقدر تربط ما بين المشكلة دى زمنيا مع اخر حاجات اتعملت فى العربية ؟ و لو فعلا قدرت تربط ما بين المشكلة و حاجة كانت اتعملت و بعدها المشكلة ظهرت طب ايه الى كان اتعمل ؟

رد: الماتركس بتسخن
 

هية عندي مروحة واحدة بس وانا تابعتها المروحة شغالة علي السرعتين كويس بطيئة وعالية ولما بشغل التكيف بتعلي اتوماتك ولما الحرارة بتعلي نزلت فعلا وهية شغالة تمام بالنسبة للاربة ماشفتش موضوع النفخ دة بس المية مش مطحنة ولا الزيت علية مية والشكمان ماظنش انة مكتوم والا كانت الحرارة علت وانا باجري عادي بس هية مش بتعلي الا مع التكيف وموضوع ان الحرارة تنزل لو فكيت الاربة ماجربتوش بس الحرارة اول ما بتعلي بفصل التكيف بتنزل بسرعة

رد: الماتركس بتسخن
 

منا الصراحة مش عارف الميتركس علشان كده كنت عايز الاعضاء الى معاهم ميتركس يوضحوا هل هى المفروض مروحتين
لانك بتقول انا عندى مروحة واحدة فانا مفهمتش قصدك هل قصدك انك متاكد ان الميتركس مروحة واحدة و لا هما المفروض اتنين و انت عندك واحدة مش موجودة

برضه حاول تتصل بصاحب العربية الى قبلك و اعرف منه تفاصيل صيانة العربية الاخيرة و المشاكل الاخيرة و احكيله على المشكلة دى ممكن يكون عنده فكره و كان خايف يوقلك قبل البيع بس دلوقتى بتهيالى خلاص ممكن يقول

رد: الماتركس بتسخن
 

[quote=احمد على 1999;172354]منا الصراحة مش عارف الميتركس علشان كده كنت عايز الاعضاء الى معاهم ميتركس يوضحوا هل هى المفروض مروحتين
لانك بتقول انا عندى مروحة واحدة فانا مفهمتش قصدك هل قصدك انك متاكد ان الميتركس مروحة واحدة و لا هما المفروض اتنين و انت عندك واحدة مش موجودة

برضه حاول تتصل بصاحب العربية الى قبلك و اعرف منه تفاصيل صيانة العربية الاخيرة و المشاكل الاخيرة و احكيله على المشكلة دى ممكن يكون عنده فكره و كان خايف يوقلك قبل البيع بس دلوقتى بتهيالى خلاص ممكن يقول[/quoهما طلعو مروحتين بس مروحة قدام ظاهرة وواحدة من ورا السربنتينة مش باينة خالص وانا فعلا رحت للبايع النهاردة وهوة جرب معاية طبعا ماسخنتش لانها لازم تجري في يوم حر علي طريق سفر بالتكيف غير كدة طبيعية وان شاء اللة هوديها اي مركز معتمد عندنا هنا واشوف في اية ولغاية ماعرف مش هاشغل تكيف بلاها تكيفptmnlo123per111ptmnlo123per144

رد: الماتركس بتسخن
 

ارجوك ابقى طمنا عملت ايه
و طالما طلعوا اتنين كان ممكن تتاكد انك لما تشغل التكييف لازم الاتنين يشتغلوا

رد: الماتركس بتسخن
 

اتاكدن انهم بيشتغلو موضوع غريب صح والعربية مظبوطة وبتسحب زي الوحش يبقي اية بقا اول ماهاعرف في اية لازم هاقول ptmnlo123per1106