رد: مشاكل الكروز
 

بجد اوحش احساس لما تبقى شارى عربية جديدة وبالاخص علشان تريح نفسك من تعب العربيات القديمة فى حكاية مشاوير الميكانيكية تلاقى نفسك بردة فى العربية الجديدة تروج وتيجى تصلح فيها وانت دافع فيها دم قلبك
حسبى الله ونعم الوكيل الشركات دى بتستهبل

رد: مشاكل الكروز
 

السلام عليكم
ياباشا ربنا معاك بجد
بس انتى مقولتش اي حاجه عن مشكلتك للافادة

رد: مشاكل الكروز
 

تسلملى على سؤالك يا شيكابالا
انا الحمد الله مفيش اى حاجة متفولش عليا والنبى سيبنى بعيد لانى على تكة
انا بس صعبان عليا الناس الى بيبقى جايبين عربيات جديدة ويتبهدلو بردة
ربنا معاهم

رد: مشاكل الكروز
 

السلام عليكم
ياباشا ربنا يحافظلك على العربيه ويديك خيرها
بس برضوا قول تقييمك للعربيه واحكيلنا على التكه الى فضلالك
وياباشا متخليش حد يبوظ فرحتك بالعربيه لو كويسه معاك
ومستنى تقييمك وردك

رد: مشاكل الكروز
 

تسلملى يا جميل
شوف يا سيدى بالنسبة للعربية فهى ما شاء الله عليها
الماتور قوى جدا
العفشة جميلة نوعا ما بس بالنسبالى خشنة لان البيجو ال 505 كانت عفشتها مريحة عنها بكتير
يمكن علشان عفشتها لسة جديدة وشدة حيلها والجنوط 17 ليها تأثير بردة
الفرامل بتاعتها قوية جدا وثباتها عالى لدرجة انا متوقعتهاش انا مشيت بيها 200 ما شاء الله عليها راكزة وماسكة فى الطريق
المكنة حلوة وناعمة بس مش زى اليبانى اللانسر (الشارك) انعم منها بس مكنتها ضعيفة جدا بالنسبالها
الشنطة كبيرة جدا
استهلاكها فى البنزين معقول بس بردة اليبانى يكسب فى النقطة دى
العربية واسعة وتقفيلها من جوة مقرب من الالمانى اوى خصوصا ان الصالون بتاعها مقتبس من الاوبل الجديدة
قطع الغيار الخاصة بالمكنة والعفشة فى اعتقادى هتبقى غالية لان حاجة الاوبل اسعارها غالية زى ما حضرتك عارف
واكتر عيب مضايقنى انها ملهاش توكيل ولسة مفيش مركز صيانة ليها بس الحمد الله بتصرف
وربنا ما يحوجنا ابدا للتوكيلات
بالنسبة للتكة الى انا عليها لو حضرتك تفتكر فى عضو معانا هنا عمل موضوع عن عيوب اللاسيتى وانها نازلة بعيب صناعة بالرغم انى مش متأكد من الكلام دة الا انا مرعوب ليكون فيها عيب ولا حاجة وربنا يسترها علينا كلنا من عيوب العربيات الزيرو
لكن بأمانة العربية لحد دلوقتى تمام ومفيش فيها اى مشاكل ما شاء الله

رد: مشاكل الكروز
 

معتقدش ان المشاكل دى تحصل فى عربية زى الكروز وبعدين المشاكل دى تحصل بعد فترة من استخدام العربية بعد كام سنة مثلا لاكن العربية مكملتش سنة علشان تظهر فيها عيب من العيوب دى

رد: مشاكل الكروز
 

والله انا رائ ان الكروز عربية محترمة ولا يوجد عربية بتنزل من غير عيوب فردية فبلاش نضخم الامور وياريت ناخد رائ الاخوة الاعضاء ملاك الكروز حيبقى الكلام واقعى اكتر