رد: و لا أحى و لا أجمل و لا أروع .......... ليفان 620 الجديده
 

مساء الخير يا جماعة
انا عجبنى كلامكم عن الليفان
انا معايا الليفان من اول ما نزلت وعامل بيها تقريبا 16000 كيلو لحد دلوقتى
وهقولكم المزايا والعيوب بكل صراحة
المزايا : 1- شكلها جميل جدا تشبه الباصات او ال BMW لو بس غيرت الشبكة الامامية - انسيابية وده كويس عشان السرعة - احلى لون عليها الفيرانى والاسود
2- السرعة والله وبدون مبالغة انا جبت بيها 210 كيلو\ساعة فى طريق السخنة الجديد وانا كمان مشغل التكييف ومعايا تلاتة فى العربية وراسية جدا على الارض
3- الفرامل كويسة العربية مش بتتزحلق مع الفرملة بس فيها عيب اللى هو الصفارة والتانى ان لو دوست فرامل فى طريق مكسر بتلاقى دواسة الفرامل تتحرك تحت رجلك بس ده حلها سهل يا اما تغير التيل بتيل تيوتا اعتقد والعيب بتاع تحرك دواسة الفرامل ده مجرد تربيط عفشة وتربيط الماستر بتاع الفرامل وهعملهم فى صيانة ال 15000
4- عربية فول اوبشان كاملة من مجاميعه تكييف باور سنتر انذار زجاج كهربا وتقدر تقفل الزجاج من الريموت لو ضغت مرتين على الريموت ولو نسيت الباب من غير ما تعمل لوك بيعمل لوك اتوماتيك بعد دقيقة وفيها كمان حاجة للامان انك لو فتحت الباب بالمفتاح مش بالريموت العربية مش هتدور وده كويس عشان لو حد حاول يسرقها مش هتدور معاه لان مفتاحها مشفر وكمان فيها تحكم فى المرايات الجانبية من جوه والتابلوه شيك جدا والشنطة بدون مبالغة ممكن تنام فيها مستريح والصالون حلو جدا وفى كمان موديل جديد نازل منها اتوماتيك وفتحة سقف وGPS بصراحة انا قارنتها بالنسبة لسعرها مع الهيونداى والافيو لاقيتها تكسب وفعلا انا معايا ناس جابين هيونداى وافيو وبيشتكوا
بالنسبة للتكييف انا عربيتى تكيفها كويس وفى عربيات محتاجة يتزودلها الفيريون مش اكتر وده مش عيب ولا حاجة لان العربية نازلة مواصفات اوروبى مش شرق اوسطى وده بتتعالج باننا نزود الفيريون بتاعها (والحمدلله انها نازلة مواصفات اوروبى عشان بيعتنوا بيها شوية عن الشرق اوسطى)
5- عربية قوية جدا انا عملت حادثة فى رمضان واحد دخل فى العربية من ورا خبطها مرتين اول مرة معرفش يفرمل راح لبس فيا راحت عربية وراه خبطته وخبطنى تانى هو وش عربيته باظ وانا عربيتى مجرد الاكصطدام اتفك والحديد اللى ماسكه اتعوج لكن مفيش اى ضرر تانى الحمدلله لو عربية تانى كان غير شنطة على الخبطة اللى اتخبطتها ده
اللى ناوى يجيب العربية ده فعلا عربية رهيبة وشكلها كمان ملفت انا فى ناس بيوقفونى فى الشارع عشان يسالونى عليها فعلا جمدة جدا بس محتاجة شوية دعايا
وده رقمى لو حد حب يسال عن اى حاجة فيها :0165529943

وفى واحد ماسك مبيعات الفرع الرئيسى اسمه قدرى راجل كويس جدا وبيساعد

رد: و لا أحى و لا أجمل و لا أروع .......... ليفان 620 الجديده
 

اللى بيسال يشترى ولا لا اقوله اتكل على الله العربية جميلة جدا وتستاهل اكتر من تمنها

رد: و لا أحى و لا أجمل و لا أروع .......... ليفان 620 الجديده
 

فعلا عربيه كويسه بالنسبه لسمعة الصيني اللى بقة على كل لسان بس انا لي تعليق صغير
تعالو نفتكر اول ما الياباني نزل كانت سيرته عامله ازاي الناس كانت بتقول على المازدا فاسده وايه يجيب التويوتا لبيجو504 ولا 131 ولا 128 ياريت ياجماعه نصبر على الصيني لانه القادم في عالم السيارات وعلى فكرة بدايته احسن من الياباني ولكل واحد عايز يشتري صيني توكل على الله مافيش عربيه مابتصلحش اللى يفرق عربيه عن عربيه هو الاستعمال من شخص شخص ....لكم تحياتي

رد: و لا أحى و لا أجمل و لا أروع .......... ليفان 620 الجديده
 

دايما تمدنا بتقاريرك القوية دى ياباشا

رد: و لا أحى و لا أجمل و لا أروع .......... ليفان 620 الجديده
 

ألف شكر لك

رد: و لا أحى و لا أجمل و لا أروع .......... ليفان 620 الجديده
 

مشكوررررررررررررررررررGIF T4U

رد: و لا أحى و لا أجمل و لا أروع .......... ليفان 620 الجديده
 

شكرا على نقل التجربه GIFT4U
لكن ممكن صور للسياره :14369D~149: