مصر موتورز مجتمع السيارات - اكسيبلوجن 2 نعم او لا ولماذا

مصر موتورز مجتمع السيارات (https://www.masrmotors.com/vb/index.php)

- الصينى العام (https://www.masrmotors.com/vb/forumdisplay.php?f=42)

- - اكسيبلوجن 2 نعم او لا ولماذا (https://www.masrmotors.com/vb/showthread.php?t=22112)

رد: اكسيبلوجن 2 نعم او لا ولماذا

اقتباس:

المشاركة الأصلية كتبت بواسطة TELEBK (المشاركة 163639)

الي الأخ الكريم ، أنا معايا إكسبلوجن 2 ، جميع الكماليات ، باور + تكييف تاتش + مرايات كهرباء + 4 زجاج كهرباء + كاسيت سي دي " صوت هايل بإكواليزر " + جنوط إسبور + سبويلر + فوانيس ضباب + ABS , EBD، كل ده ب 65000جنيه ، ممكن حضرتك تجاوبلي علي السؤال ده ، فين العربية إللي تكون بكل الإمكانيات ديه بالسعر ده ، أه هيه صيني ، متعدل فيها 18 تعديل عن الموديل الأول في الشكل الخارجي والميكانيكا ، يمكن هيه ناقصها إعلانات ودعايه شوية ، لكن هيه في الآخر حته حديده ، وكل عربيه ليها عيوبها ومميزاتها ، وعلي فكرة التوكيل بتاعها إللي في جسر السويس مش وحش وأسعاره مش غالية أوي بس علي الأقل هوه أكتر واحد عارفها ويعرف يتعامل معاه ، عموما العربيه في المجمل مش وحشة زي مهو بيتقال عليها ، علي فكرة هيه ثابته علي الطريق جدا ، سواء في السرعات البطيئة أو السريعة أنا جبت بها 145 كم ، وكانت ثابتة جدا ومشغل فيها التكييف ، سحبها كويس جدا ، هيه محتاجة حساسية في التعامل معاها ، ولو فيها أي مشكلة متستناش عليها روح للتوكيل علي طول وصلحها ، وده أعتقد في اي عربية مش الصيني بس ، وعموما كل واحد شايفها من وجهة نظرة ، أنا واجهت فيها مشكلات معظمها أتحلت ، لكن أنا عارف إنها برضه صيني ، وممكن يبقي فيها عيوب بس أنا قبلتها بعيوبها ومميزاتها ، لإن البديل غالي جداً ، وبالمناسبة بمقارنه سريعة مصنعية الصيانة بتاعة ال 10000 كم سعرها 108 جنيه ، وفي الهيونداي الماتركس بتوصل ل 700 جنية ، وده كلام واحد معاه الماتركس ، يعني هيه عربية علي قدنا ، لهيه قويه جدا ولا ضعيفة جدا ، ربنا يوفقك ، وعلي العموم ده الإيمل بتاعي لو فيه مشكلة إبعت لي TELEBK@yahoo.com.
د / خالد

شكرا دكتور خالد علي هذه المشاركة المفيدة وربنا يباركلك فيها ويديك خيرها وباتوفيق

رد: اكسيبلوجن 2 نعم او لا ولماذا

أشكركم لهذه التعليقات المهذبه ، وبالمناسبة إن شاء الله أنا رايح التوكيل بتاعها " المسلمي " يوم السبت لإن فيه صوت مش مريحني في الفيتيس ، وربنا يسهل ويتصلح ، إدعولي لإن المشوار بتاع التوكيل بيبقي مرهق وعلي حساب شغلي ، بس أنا مش عايز أستني علي المشكلة ديه ، دعواتكم .
د / خالد

رد: اكسيبلوجن 2 نعم او لا ولماذا

ربنا يوفقك و يسهلك تصليحها و يباركلك فيها
وفي انتظار تقريرك عنها لأني بفكر في الاكسبلوجن 2 بجدية و عايز اعرف عنها كل حاجة اذا امكن يا دكتور خالد
لأن المشكلة ان اخبارها قليلة جدا و في موضوعات قديمة
اعتذر عن الاطالة على حضرتك

رد: اكسيبلوجن 2 نعم او لا ولماذا

الحمد لله رحت التوكيل ، وقابلت المهندس وطلع الصوت ده شئ طبيعي لإني بأرفع رجلي من علي الدبرياج بسرعة ومن غير ما الغيار والأسطوانه تلحق تعشق ، وده يمكن أنا إتعودت عليه من سواقتي للعربية اللي قبل ديه وكانت علي كبالن ، بس الحمد لله المهندس طمني وحظبت نفسي عليها ، وطلع شئ طبيعي فيها ، وعلي العموم العربيه مش وحشه هيه كويسة والكاسيت بتاعها صوته كويس ، وتحس وإنت راكبها إنك متحكم فيها كويس ومسيطر علي العربية ولامم كل أبعادها بعنيك وده يرجع لحجمها الصغير في فئة الجيب ، وبالنسبة للماتور هوه ماتور مصنع في الصين في شركة ميتسوبيشي ، وحمال قسية يعني تقدر تقرص عليه وحيستجيب معاك ، والعفشة بتاعتها كويسة وتتحمل الطرق بتاعتنا وممكن تسوق بيها في الرمل وإنت مطمن إنها ماتغرسش معاك لإن الكاوتش بتاعها عريض ، أنا سوقت بيها في طريق مدغدغ وبسم الله ماشاء الله كانت كويسة وإستجابت معايا ، وعلي فكرة كل قطعة في العربية مكتوب عليها " Made in chaina يعني إنت عارف إنك راكب عربية متصنعة كلها في الصين ، مش عربيه بعد ماتشتريها تلاقيها متجمع كل قطعة في بلد ، والإسم كوري أو إيطالي ، هيه العربية بصراحة بيظهر فيها بعض العيوب لكن الحق يقال عيوبها أقل بكتير من الجيل الأول منها ... أه هيه زيرو لكن تعالي شوق توكيل المرسيدس قبل توكيل المسلمي بأمتار قليلة حتلاقي عربيات كتير وزيرو بتتصلح فيه ... متهيألي عن نفسي بأحمد ربنا علي العربية وبأقول أهيه علي أد فلوسي بدل ماكنت رحت أشتريت بنفس سعرها عربيه مستعملة بقالها كام سنه أه ماركة وحاجة متجربه ومعروفة لكن برضة صاحبها باعها لسبب يعني لوكان فيه الخير ماكان رماه الطير علي الأقل راكب زيرو وربنا يسترها ، نصيحتي ليك ، توكل علي الله , وهيه العربية شكلها مش وحش بالعكس ديه فخمة وأبهه بتدي لصاحبها برستيج عالي أوي في أي مكان ، أنا عرفت إن التصميم الجديد بتاعها من عمل شركة إيطالية ودول ناس أساتذه في التصميم بكل أنواعه وده إللي خلاها تاخد شكل مميز عن الجيل الأول شبه التريوس والناس بدأت تتجاوب معاها ، بالتوفيق .
د / خالد

رد: اكسيبلوجن 2 نعم او لا ولماذا

الحمد لله ان حضرتك اتطمنت على العربية و الحمد لله انه سبب مايعبهاش و ربنا يباركلك فيها و يبعد عنك شرها
انا بشتغل مهندس معماري و طبيعة شغلي بحتاج عربية عالية و فلوسي على قد الاكسبلوجن او الانوس وده اللي مخليني بفكر في الاكسبلوجن بجدية و كمان انا معايا عربية 127 و بعاني جدا من حجمها وخصوصا اني معايا بنتين واحده كبيرة و التانية بتتشال و بحس اني مش عارف انقل الغيار منها
* كان ليا بعض الاسئلة من حضرتك
هل قطع الغيار بتاعتها متوفرة ، بمعنى انهم مش بيقولوا استنى لحد ما تيجي وكده ولا كله متوفر
عربية حضرتك بقالها اد ايه معاك
وشاكر لحضرتك اهتمامك و سرعة ردك
م/ أحمد

رد: اكسيبلوجن 2 نعم او لا ولماذا

اقتباس:

المشاركة الأصلية كتبت بواسطة TELEBK (المشاركة 167182)

اخى احب ان اخبرك ان الصوت دة عيب بالسيارة وليس طبيعى لان حارات الجيربوكسديقة ولا يستطبع ضبطها والسيارة كلها عيوب وعند الذهاب للكيل الكلمة كالعادة هى كدة محسسنى انى شارى سيارة ملاهى وقد قمت بعمل شكى بجهاز حماي المستهلك وسوف اكتب تقرير شامل عن تجربتى مع العلم انا من مشجعى السيارات الصينى لانى عندى سيارة اخرى بى واى دى

رد: اكسيبلوجن 2 نعم او لا ولماذا

عزيزي المهندس أحمد ، قطع الغيار الخاصة بميكانيكا بالعربية متوفره بالتوكيل ، وعند سؤالي عن إمكانية تركيب قطع غيار التريوس عليها أجابوني بإمكانية تركيبها ، وعلي العموم في بداية شرائك لها إن شاء الله لن تحتاج الي قطع غيار كثيره لها ، ولكن بالنسبة لبعض قطع الغيار الخاصة بالأكسسوارات الداخلية لها مثل زرار ضبط المرايا أو وحدة مفاتيح التكييف فقد ظهر بهم بعض العيوب وليست الجوهرية ولكنهم يحتاجوا للتغيير ، وأخبروني بقرب وصولهم وتركيبهم لي بمجرد وصولهم ، وعلي العموم أقوم بمتابعتهم كل فتره وأخري ، أما بالنسبة لسؤالك عن فتره السياره معي فهي 9 شهور وعملت بها 10700 كم ، وهي سيارة تلبي أحتياجاتك كمهندس معماري وكأب لديه أبنتان ، فتوكل علي الله .
د / خالد