|
رد: ما هي العيوب و المشاكل الناتجة عن اقتناء سيارة ؟
اقتباس:
, و الل انا كمان بأيدك الرأى المشوار اللى يتاخد فى نص ساعة ممكن اخده فى ساعة و نص ناهيك ان فى اماكن مفهاش مواصلات اما تاكسى او تمشى و المسافة بتبقى صغيرة فالعربية بتنجز فى الحالة دى و الله انا بدور على عربية اشتريها بس بردو خايف من مشاكلها و مصاريفها |
رد: ما هي العيوب و المشاكل الناتجة عن اقتناء سيارة ؟
الحل انك تبيع العربية وتخلص وتظبط نفسك مع سواقين الهيئة العامة لنقل الركاب ومع سواقين الميكروباص ولا تشيل اي هم بعد كدا
|
رد: ما هي العيوب و المشاكل الناتجة عن اقتناء سيارة ؟
مستر مامو : الف مبروك ع الخطوبة السعيدة - معلش لسه واخد بالى من توقيعك دلوقتى
ربنا يوفقك وتفتح بيت جديد يكون اعمدته اركان الاسلام وسقفه القرآن وينبت الله لك فيه من الذرية الصالحة - قول امين اما حكاية الحل لهذه الاعباء والمشاكل : لا يغير الله ما بقوم حتى يغيروا ما بانفسهم تفتكر ثقافه سواقين الميكروباص هتتغير ؟ قانون المرور الجديد اهتم فقط بزياده الغرامات والمخالفات ولم يحل اى شئ من المشاكل القائمة !!!!!!! دى ثقافة شعب |
رد: ما هي العيوب و المشاكل الناتجة عن اقتناء سيارة ؟
احنا الشعب يا جماعة
لا يصح ان نتحدث عن الشعب و كأننا لسنا الجزء الاهم أحنا الشباب العربيات اتصنعت عشان احنا نركبها الاعلانات بتتعمل عشان احنا نشوفها الافلام والاغاني و المسلسلات حتي معظمها بتكلم عننا و بتتعمل عشان احنا نشوفها احنا اللي بنفرح اللي قبلينا واحنا اللي هنربي اللي بعدينا يا شباب انتوا المنوط بيكم كل حاجة و انتوا اللي بيفكرليكو الاف رجال الاعمال في العالم عشان يكسبوا من وراكم انتوا اللي بتشهروا ناس و بتعجزوا ناس يا جماعة ... ان الله لا يغير ما بقوم حتي يغيروا ما بانفسهم احنا القوم و احنا انفسهم واحنا اللي هنغير يلا نمسك كل مشكلة لوحدها ونحلها هنحل كل المشاكل يا جماعة ان شاء الله عشان محدش هينفع يعمل كده غيرنا كلامي مش منطقي مش واقعي لأ منطقي وواقعي بس انا اخترت اني مش هعيش لحد معجز وبعدين اقول يا اااااااااه ليت الشباب يعود يوما اخترت اني احاول اغير كل حاجة غلط مهما كانت صغيرة ربنا معايا و بيعيني دايما ودلوقتي هنقترح حلول أو هفضل لوحدي وهكمل ان شاء الله و الله الحال اتغير خير وبركة متغيرش خلاص انا عملت اللي عليا ادام ربنا خلص الكلام حلول يا جماعة من فضلكوا أفكار .. تغيير .. عهنقدر ان شاء الله |
رد: ما هي العيوب و المشاكل الناتجة عن اقتناء سيارة ؟
الحل
ان رؤساء الاحياء يهتمة بالاحياء بتاعتهم وبنظافتها ويراقبوا الطرق بدل ماهم قاعدين في المكاتب يبقي فيه ناس تنزل تراقب والميكروباصات تتنظم زي النقل العام ويبقي فيه محطات كل مسافة يقف فيها الميكروباص زي الاتوبيس مش في نص الشارع مثلا فيصل والهرم من جوه قمة العشوائية في الاتجاهات والطرق كله بيكسر ع كله هناك اختبار السواقه اللي بجد |
رد: ما هي العيوب و المشاكل الناتجة عن اقتناء سيارة ؟
اقتباس:
مع ملاحظة إن مأساة الركنة مش بس بالليل متأخر... دي عرض مستمر في كل وقت وكل مشوار... و الله أنا بألغي مشاوير كان ممكن أعملها بسهولة قبل ما أشتري السيارة "فقط" لأني شايل هم الركنة في المكان اللي رايحه. |
رد: ما هي العيوب و المشاكل الناتجة عن اقتناء سيارة ؟
الاعباء النفسية و الصحية و المالية للسيارة اكثر بكثير من المواصلات ،،،، بس الموضوع مسألة استعداد انك تعرف تسستم حياتك مع المواصلات و لا لأ ،،، فيه ناس كثيرة جدا معندهاش عربية "وامكانياتها المالية ليست هي العائق امام قرار الشراء" و مش حاسة ان ناقصها حاجة بل بالعكس بيروحوا في كل حته و خفاف في الحركة اكثر من اللي عنده عربية
و طبعا الميزة الرئيسية في السيارات هي الحفاظ علي الوقت و انها تحت امرك 24 ساعة خاصة في حالات الطوارئ و أنا اعتقد أنه لو توافرت مواصلات أدمية تحترم الانسان فعلا و منظمة زي ما هيه في كل العالم يبقي ساعتها 50% من مالكي السيارات هيعتمدوا عليها و يستغنوا عن عربياتهم خالص و بالتالي الزحمة تقل و اماكن الانتظار تكتر. يا ريت احنا عندنا ثقافة العجل أو حتي الموتوسيكلات زي بره ،،،بس للاسف احنا عندنا مفاهيم راسخة في تراثنا و اذهاننا و اسلوب تفكيرنا موروثة و الكثير منها يحتاج لقنبلة ذرية حتي يتفتت من المجتمع باكمله |
| الساعة الآن 05:18 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017