رد: ارجو الافاده عن السياره اللوجان
 

عزيزي أ/ أحمد

أشكرك جدا علي ذوقك و ردك الجميل

معاك حق حراااااااااااام المرايه بـ 1000 ج و خصوصا في بلد زي مصر (مرتبات صغيرة و شوارع زحمة و اسلوب قيادة غير سوي من كثير من الناس خاصة الميكروباص و الاوتوبيسات و النقل و ما شابه ،،،،، بس هنعمل ايه كل الجديد كده ،،، قطع غياره غالية جدا ،،، عرفت اليوم معلومة جديدة خلتني اقول اللوجان ارحم من غيرها بكثير فتخيل ان مراة الباب للنيو اكسنت ( عادية مش كهرباء ) بـ 850 ج ؟؟؟؟؟؟؟؟؟؟

يبقي ساعتها و بالمقارنة اللوجان ارخص ،،،،،

مش كده ؟؟؟

و عموما التوكيلات في مصر كلها اسعارها غالية جدا لان الاسعار و المصنعيات بتيجي من بره عن طريق الشركة الام باليورو و الدولار و طبعا هيه معقولة بل و رخيصة بالمقارنة للدخول و المرتبات عندهم بره و لا مجال لمقارنة مع مصر و دخول مصر اللي معندهمش ادني فكرة عنها

و اعتقد أنه الواحد يتوكل علي الله و ربنا يسهل و ينزل الاكسسوار و ينتشر في محلات عادية و اكيد هيبقي علي الاقل بنص الثمن

رد: ارجو الافاده عن السياره اللوجان
 

استاذ حسام هل في احصائيه عن عدد السيارات المياعه خلال سنه لاني مش شايف السياره اللوجان في الشوارع خالص

رد: ارجو الافاده عن السياره اللوجان
 

عفوا للمداخلة يا شباب
انا قريت مشاركة لواحد هنا في المنتدى قال فيها ان الدبرياج باظ بعد 4 شهور بس من الزيرو
و التوكيل قاله ان ضمان الدبرياج 3 شهور فقط
عايز افهم يا جماعة هو ايه حكاية ضمان 3 سنوات ثم ييجي على بعض الاجزاء و يقول شهرين و ثلاثة و سنة و كلام زي كدة لذا ارجو توضيح ما هي الاجزاء في السيارة التي ضمانها اقل من سنة و كذلك عايز اعرف ليه الدبرياج بيبوظ بسرعة كدة 3 شهور غريبة جدا دة المستعمل القديم بيعيش سنين
كمان نفسي افهم مدى مصداقية مقولة الجديد 10 سنين بدون مصاريف

رد: ارجو الافاده عن السياره اللوجان
 

على فكرة يا joso3 السيارة فى انتشار متزايد جدا وكمان مش الفئة المتوسطة بس اللى عليها اقبال على اللوجان كمان فئة الناس المترفة انا ساكن فى منطقة راقية وفى المنطقة السيارة منتشرة تقريبا بشوف عده سيارات منها ومع ناس كويسين يعنى بيركبوا عربيات مش اول مرة وهى شيك ونضيفة وانضف مليون مرة من التجميع المحلى متخفش منها هى سيارة بسيطة لا تعتمد على التعقيد اللى موجود فى الفرنسى عربية بالبلدى سهله وشيك وانيقة واقتصادية وسلسة انت عايز اية بالضبط بقى؟ظ هههههه ولك منى خالص الشكر والتحية على فكرة اللون الكحلى الميتالك اخر شياكة وراقى جدا ونوعية تشطيب الدهان عالية ربنا يوفقك وتوكل على الله

رد: ارجو الافاده عن السياره اللوجان
 

موضوع الدبرياج؟؟؟؟؟؟؟؟؟؟؟ غريبة بس وارد تلاقية اول مرة يسوق عربية وطريقة قيادتة غلط يعنى بيدوس ديبرياج طول الوقت وفى كل فرمله وبيحمل علية لغايو ما يحرق الديسك ويتلفة اذا كان لو مؤخذة اوسخ واسوأ انواع الديبرياج مستخدمة فى مصر مع الفيات والتاكسى والسيارات القديمة وفى اسوأ الحالات بيخرب مع اسوا استخدام بعد سنة لا تقلق وبعدين لية الشركة حتعمل فى نفسها كدة وتسترخص فى حاجة واضحة للعيان وتوقف سوقها

رد: ارجو الافاده عن السياره اللوجان
 

harani اخى العزيز هذا يعتمد بالدرجة الاولى على سلوكك مع المركبة وطريقة قيادتك ربما تعمر معك سيارتك ليس فقط عشر سنزان ربما 15 سنة مع صيانة دورية منتظمة جيدة واستخدم نظيف وسلوك صحيح عزيزى كلامى من واقع انا اعمل مسؤول صيانة فى احد كبريات الشركات معظم الشكوى تعود الى سوء استخدم الخ انا هنا لا اتحدث عن الغش وسوء التجميع الذى يقوم بة كثير من الموزعين والموردين او الوكلاء المحيين او حتى السيارات المستوردة التى ربما تاتى الينا كفرز ثالث ولك منى خالص الشكر والاحترام

رد: ارجو الافاده عن السياره اللوجان
 

اشكرك يا استاذي الكريم استاذ luckyman انا نفسي في اللوجان بس انا موظف ولازم احسبها مليون مره خصوصا من ناحية تكاليف قطع الغيار ولاني سمعت كلام عن الرينو يخوف

انا معي زميلتين بالعمل جابو الرينو كليو وبيشتكو منهم جدا وفعلا واحده منهم باعة السياره والعطل كان في الديسك والاسطوانه اتغيروا مرتين خلال سنتين وهما الاتنين مش اول مره يسوقوا وثاني حاجه التوكيل فالهم ان ده عمر الدبرياج

بالاضافه ان في زميله تانيه بنتها بتشتغل في سيتي بنك وقالت ان في واحد اخد اللوجان ورجع البنك تاني رد السياره وتحمل الغرامه واشتكى جدا منها

كل ده مخوفني جدا انا هضغط نفسي جامد علشان ادفع القسط وبصراحه مش هقدر اتحمل اي مفاجأت وكمان لو كانت العربيه بتعمل سعر اعادة بيع كويس كان ممكن اغامر لاني مشدود ليها ومعجب بيها بس معنديش اي هامش للمغامره
والحمد لله على كل حال