رد: رأى فى الساجا واللوجان وطلب نصيحه
 

الرينو احسن من وجهة نظرى (شكل وخامات و وسع واسهلاك بنزين معقول جدا لموتور 1600 )

رد: رأى فى الساجا واللوجان وطلب نصيحه
 

باختصار شديد
انا مش فاهم المقارنه مبنيه على اى اساس......دى موتور ودى موتور مختلف
ببساطه 85% من المصريين اللى معاهم مبلغ 65 الى 68 الف مش حيفكر غير فى اللوجان ...عشان يبقى فى الامان ويستخدم البطيخه الصيفى.....عربيه منتشره وقطع غيار حاتنتشر ولو حبيت ترجع فى كلامك اى وقت تعرف تبيع بخساره بسيطه .....نفس اسلوب التعامل فى ....نوكيا..بيجو..فيرنا... لانوس.............احنا بنحب نمشى ورا بعض....انما العربيه منتشره محليا ماشى ......الانتشار فى مصر لايعنى دائما الافضل....لسه موضوع الاحترام محتاج شوية وقت صغيرين وهى انتشرت للدعايه الجيده اللى عملها الوكيل ولاسم رينو فى مصر.....انما بلاش عالميا لان معرف العربيه دى منتشره فين ومصنعه لمين...
حققت اعلى مبيعات عالميا........ايه الدليل.......يعنى تخطت مبيعات كورولا وفولكس مثلا....بلاش الكلام الكبيراللى يخض ده......الدليل من فضلك
مافيش حاجه اسمها اوروبيه وده يكفى .......ان كان يكفى يبقى نتوكل على الله نشترى زاستافا او...لادا احسن من البروتون ساجا......لانهم من اوروبا وده يكفى........لا طبعا لا يكفى
وللرد بقيه ....اذا احيانا المولى................... ..ولك كامل التقدير والاحترام

رد: رأى فى الساجا واللوجان وطلب نصيحه
 

السلام عليكم
معيا دليل اطلب اى موزع بروتون مش حتلاقى العربيه الا بالحجز
اما الاهم انى اكتشفت ان قطع غيار بروتون سجا ارخص من الداتشيا لوجان
وده مش عشان الوكيل لكن عشان محلات قطع الغيار متعرفش ان العربيه 90 % منها لانسر كرستاله وجين تو
مثال عن تجربه فلتر البنزين ساجا 60 هو هو فلتر كرستاله ولانوس ب20 والله العظيم عن تجربه .على فكره انا ضد ان حد يوفق حاجه على حاجه انما الى انا بقوله هو انك حتحط قطعه غيار واختها مش بديل
نفس قواعد الموتور الثلاثه جين تو= ساجا = لانسر كرستاله
نفس فلتر الهواء ساجا = جين تو
فلتر زيت ساجا = لانسر 28 جنيه
انا مش حكتب حاجه غير الى حغيرها فعلا او غيرتها
شكرا
والسجا احسن عربيه فى مصر وتنافس بقوة سيارات
نيو اكسينت & تويوتا ياريس& متسوبيشى بومه 1300& افيو
اما الداتشيا لوجان سياره ممتازه ولكنها لن تصمد فى وجه السجا ابدا

رد: رأى فى الساجا واللوجان وطلب نصيحه
 

السلام عليكم
وجه المقارنه ان البروتون ساجا 1300 و94 حصان صافى بعد اضافه الحموله والسياره
والداتشيا لوجان 1600 و87 حصان قبل اضافه الحموله ووزن السياره
وبدون جدال شوف الداتشيا لوجان وهى بتحاول تحصل السجا
يعنى السجا بت هم يا جمل للداتشيا HUUM
والف شكر على مشاركه حضرتك
HUUM

رد: رأى فى الساجا واللوجان وطلب نصيحه
 

انت الظاهر فهمتنى غلط.....انا مستلم الساجا من 10 ايام تقريبا.......باركلى...... ...ومقتنع بيها جدا ولله الحمد

رد: رأى فى الساجا واللوجان وطلب نصيحه
 

انت بتتكلم بجد.....دى اخبار جميله جدا.........محتاج اتواصل معاك.........من فضلك اكتب تجاربك فى كل قطعة غيار متوافقه من ماركه تانيه.................... شكرا لك

رد: رأى فى الساجا واللوجان وطلب نصيحه
 

السلام عليكم
طقم البوجيه فى ب 75 جنيه سن رفيع ان جى كيه ثلاثه شمعه حيعمل شغل جامد فى استهلاك البنزين واغلى 15 جنيه من العادى بتعها شمعه واحده
الفكره كلها انك تفك قطعه الغيار وتلف بيها الموضوع ده صعب عشان لسه الناس مش عرف قطع الغيار انما بعدين حيتعرف وحنزل نطلب على طول قطعه الغيار بدون مغالاه
والف مبروك على العربيه
انت فى الاول ان شاء الله مش محتاج غير زيت وفلتر زيت بحوالى 27 او 28 بتاع لانسر
وعلى صيانه ال20 الف حتغير بوجيه وفلتر بنزين
وانا معاك لو احتجت تعرف حاجه