نصيحه لكل من اراد شراء سياره مستعمله
 

دى قصه بسيطه حصلت معايا حبيت احكيهلكم علشان محدش يضحك عليه اتصل بيا صديق وقالى انه بيشترى عربيه مستعمله ولانه عارف ان حب السيارات مرض عندى ادعولى بالشفاء قال ياخد راى العبدلله فيها وقال انا خدت سمكرى والراجل فحص العربيه وفك اافبر بتاع القوايم وفتح الشنطه والكبوت ونزل تحت العربيه وعمل شغل جامد وقال ميه ميه قولتله الكلام ده الساعه كام قالى الساعه خمسه ونص بعد الضهر اصل صاحب العربيه موظف وبيرجه من الشغل متاخر والراجل اقسم انا العربيه دواخل فبريكه المهم تانى يوم روحنا للراجل الشغل وقولنا نخلاص استاذنت من صاحب العربيه انى ابص عليها لقيت العربيه مغيره ربع وبين ان لون الحوض اغمق من الشنطه والقويم اتارى العربيه كانت عمله حادث ومغيره ربع الراجل لما شفنى عرفت عله العربيه هاج وقال ده مش اسلوب شراء والعربيه مش للبيع فرجاء اوعى تكشف على عربيه مستعمله غير فى عز الضهر ومتعتمدش على السمكرى انتا مش ناقص عنين بس هيه شويه خبره واعرف ان السمكرى مش هيخاف على فلوسك ادك هوه ليه اجرة وخلاص يعنى لو مبعكش لصاحب العربيه مش هيهتم بالفحص

رد: نصيحه لكل من اراد شراء سياره مستعمله
 

جزاك الله خيرا
فكرتنى بواحد كان عارض عربيتة للبيع على النت اتصلت بية قالى انا شغال من السعة 7 صباحا الى 7 مساءا قلتلة عايز اعاين العربية الصبح قالى مش فاضى الصبح طبعا الكلام معجبنيش قلتلة مفيش عربية يتبص عليها بالليل قالى مش فاضى غير بالليل قلتلة ربنا يسهلك

رد: نصيحه لكل من اراد شراء سياره مستعمله
 

فى الزمن ده ياعم احمد الامانه والضمير بقو عمله نادره ربنا يرحمنا

رد: نصيحه لكل من اراد شراء سياره مستعمله
 

السلام عليكم..بجد ده بيحصل كل ما أتصل بمعظم الناس مش فاضين الي بعد الساعة 6 مساا وواحد عجبتني العربيه قولتله ارفعا في التوكيل قلي اصلي مستعجل علي الفلوس فجيب حد يكشف عليها هنا...فقولتله لا لا لا في التوكيل!!!....الناس في مصر عندها الف حجة وحجة...والامانه والضمير بقو عمله نادره ربنا يرحمنا...بجد