|
رد: ما هو اقتراحك لحل الازمه المروريه ؟؟؟؟!!
هعلق الاول و بعدين اقول الحل ,,,
موضوع المدارس المسائية ده ما ينفعش لان دول في الاول و في الاخر اطفال و الدراسة الصح تكون الصبح و الدماغ لسه فاضية مش تسيب الواد يلعب في البيت الصبح و يهلك نفسه و بعدين تقوله تعالي بقي المدرسة علشان ناخد الدروس دي ,,, غير كده عيال صغيرة و لازم تكون في بيوتها بدري برضو ,,, موضوع تحديد حد اقصي للسيارات المملوكة ,,, انتوا تقصدوا اكيد العيلة مش الشخص ,,, ما لو الواحد عنده 10 عربيات برضو هيخرج بعربيه واحدة فيهم ,,, ولا ايه ؟؟؟ و الحمد لله معندناش ناس كتير بتمشي ب 3 عربيات حراسة ,,, و الفكرة مرفوضة شكلا و موضوع لاننا ما بنحبش القيود علي الحرية ,, في حلول افضل و الحل كالتالي : لما أقول حل لمشكلة المرور في القاهرة الكبرى ( القاهرة و الديزة و بين السريات هههههههههه ) ده معناه ان انا الحكومة ( ااااااااااناااااااااااااا الحكومة ) و من هنا لازم افكر زي ما الحكومة المفروض تفكر ,,, يعني التخطيط يبقي علي عدة انظمة ,,, و بالتالي التنفيذ هيبقي لحلول آنية المواطن يحس بيها في خلال شهور ( اللي هي فترة انشاء و تطبيق الحل ) و حلول طويلة الاجل ,,, يحس بيها المواطن بعد فترة ( اللي هي زمن الانتهاء من تطبيق الحل طويل الاجل ) نبدأ مع بعض بالحل طويل الاجل و اللي هيقضي تماما علي مشكلة المرور ,,, الحل هو انشاء عاصمة جديدة بدلاً من القاهرة ( كفايا عليها كده ياما شافت مننا ) و احنا مش اول دول تنقل العاصمة ,,, قبلنا البرازيل و نيوزيلاندا و اندونسيا بتفكر حاليا في نقل العاصمة من جاكرتا الي مكان جديد ,,, بناء المدينة الجديدة ليه اسس ,,, 1- و هو انها تكون علي حدود اكبر 3 او 4 محافظات ,,, القاهرة و الجيزة و الاسكندرية ,,, http://i45.tinypic.com/11jauy9.gif ليصبح كما بالصورة تقريباً 2- يكون في طرق من تلك المدن و تلك المدينة كلا علي حده ,,, علي ان يتكون الطريق من عرض 6 حارات علي اقل تقدير بمعني 12 حارة للطريق في الاتجاهين ,,, 3- يتم انشاء القطار السريع ( زي بتاع فرنسا و اليابان كده ) من تلك المدن الي المدينة الجديدة 4 - انشاء مطار دولي عملاق ليتسع لحجم النقل الخارجي و الداخلي للعاصمة ,, 5 - نقل نصف المصالح الحكومية و الوزارات للعاصمة الجديدة مع الابقاء علي النصف الاخر في القاهرة 6 - تشجيع شركات الانشاء علي انشاء مجتمعات عمرانية حول العاصمة الجديدة في نفس توقيت بناء الحكومة للعاصمة عن طريق خفض الضرائب مثلا ,,, 7 - تفعيل استخدام الانترنت و التليفون في التعامل مع المصالح الحكومية ليكن علي اقل تقدير حجز استلام الورق في ساعة و تاريخ محدد ,, _________________________ __ نتائج مترتبة علي انشاء عاصمة جديدة ,,, اتجاه الشركات الكبرى لامتلاك فروع كبيرة بالعاصمة مما يتطلب تواجد عمالي بها ,,, و من هنا تنشأ المجتمعات العمرانية حول العاصمة و داخلها و تتطلب جميع انواع الخدمات تعليم و صحة و امن . استخدام الانترنت و التليفون في تخليص المصالح من الوزارات في النقطة 7 سيترتب عليه عدم تواجد جموع المواطنين امام الوزارات من ال 6 صباحا بل سيذهب كل منهم ليستلم اوراقه التي سبق ان طلبها في الوقت المحدد له ,,, _________________________ ___ حلول آنية ,,, تتمثل في انشاء الكباري العلوية و الانفاق ,,, و المحاور المرورية لربط الطرق السريعة ببعضها دون المرور بأوساط المدن ,,, و اخيراً تقليل مساحة الجزيرة التي تفصل الطريق ذهابا و ايابا ( زي اللي في شارع جامعة الدول علي سبيل المثال الجزيرة اللي في النص دي تساع عدد محترم من الحارات للذهاب و الاياب ,,, و ايضا ربما يمكن تطبيق فكرة الجزيرة المتنقلة ( يعني الجزيرة اللي في النص بتتحرك حارة او اتنين في اتجاه الطريق الذهاب والاياب و ده بيخلينا نتحكم في السيولة في ذورة استخدام معين ,,, ( يعني لو الوقت من الساعة 2 ل 5 الناس بتبقي راجعة من وسط البلد للهرم او فيصل مثلا نوسع طريق العودة علي حساب الذهاب حارة او اتنين ) حسب الحاجة ,,, |
رد: ما هو اقتراحك لحل الازمه المروريه ؟؟؟؟!!
تعليق اخير ,,, الخريطة الموجودة في المشاركة هي الخريطة الصحيحة لمصر و التي توضح ان مثلث حلايب و شلاتين هو ارض مصرية و لكنها تحت ادارة دولة السودان الشقيقة نظرا لوجود اغلب الرعية من السودان فيها ,,,
و ايضا تنفيذ مشروع بهذا الحجم سيكون علي عدة مراحل من 3 ل 5 مراحل ,,, علي ان تكون مدة تنفيذها 25 عاما يتم انجاز مرحلة كل 5 سنوات تقريباً ,,, و من هنا يكون كل رئيس جديد لابد ان يضمن برنامجه الانتخابى استكمال مشروع العاصمة الجديدة ,,, |
رد: ما هو اقتراحك لحل الازمه المروريه ؟؟؟؟!!
اقتباس:
المفروض الأملاك الشخصية لا يجوز الإعتداء عليها بمعنى أصح لابد يكون الأمر إختياري وبحوافز وبدائل يعني هناخد عربيتك ونديك عربية بقسط خفيف ولك الإختيار بالموافقة أو الرفض قصدي إن حتى لو شالوا الجمارك برضه ليس من حقهم الإجبار والأخ اللي بيقول إن بلاد بره بتمنع ترخيص السيارات القديمة أحب أقوله الكلام كده مش مظبوط لأن البلاد التي تعمل بهذا النظام في الخارج تعد على الأصابع ورغم ذلك أرى بعض الصحفيين يدعون لذلك بحجة الإقتداء بدول العالم وكأن دول العالم أغلبها به هذا النظام !!!!! وهذه دعاية صحفية غير صادقة لأنه في الحقيقة هذا النظام موجود في عدد قليل من الدول يكاد يعد على الأصابع لذلك فحجة تقليد العالم باطلة |
رد: ما هو اقتراحك لحل الازمه المروريه ؟؟؟؟!!
تفضل معظم الاخوه جميعا بحلول جيده وجميله ولكن محتاجه الى ميزانيات ضخمه للتنفيذ وان نفذت ببطئ لاتجدى مع ازدياد السكان السريع فيجب عند التنفيذ ان نضع الحاله التى سنكون عليها بعد 50 سنه ويكون المشروع يستوعب 50 سنه اخرى ولم يتعرض احد من الاخوه الى ثقافه شعبنا المصرى فيجب ان تتغير ويجب ان يكون هتاك عسكرى وضابط مرور لايهاب احد ولايستهين باحد كله سواسيه وكمان وكيل نيابه وقاضى للمرور لايهتم بالواسطه والمحسوبيه ففى هذه الحاله سيكون التزام من المسئول الكبير ويكون قضوه للمواطنين لان عدم الالتزام والاستهتار لانى مسنود يؤدى بالطبع الى فوضى مروريه
|
رد: ما هو اقتراحك لحل الازمه المروريه ؟؟؟؟!!
اقتباس:
|
رد: ما هو اقتراحك لحل الازمه المروريه ؟؟؟؟!!
اقتباس:
طيب حضرتك بتقول البلدان تعد على الاصابع ....طيب بس مش للدرجه دي احنا عندنا العربيات من ساعة ما اتخلقت لغداية دلوقتي مشيه ..... لو ادو لكل واحد 10 تلاف جنيه ويسيب عربيتو وتخفيض في تمن العربيه الجديده تبقى حل كويس زي التكسي مثلا |
رد: ما هو اقتراحك لحل الازمه المروريه ؟؟؟؟!!
|
| الساعة الآن 02:01 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017