مصر موتورز مجتمع السيارات - الشاهين الجديدة (اسعار ومواصفات )ورأيكم ؟

مصر موتورز مجتمع السيارات (https://www.masrmotors.com/vb/index.php)

- شاهين ، ريجاتا ، دوجان (https://www.masrmotors.com/vb/forumdisplay.php?f=195)

- - الشاهين الجديدة (اسعار ومواصفات )ورأيكم ؟ (https://www.masrmotors.com/vb/showthread.php?t=16685)

رد: الشاهين الجديدة (اسعار ومواصفات )ورأيكم ؟

اقتباس:

المشاركة الأصلية كتبت بواسطة ahmed1981 (المشاركة 109614)

أحدث موديل للشاهين هو 2009
السعر حوالي 63500 لل 1400 الفاضية
وحوالي 67000 لل 1600 الكاملة (تكييف وباور)

مواصفات السيارة موجودة في الكتالوج الخاص بها في الرابط التالي:

http://www.masrmotors.com/vb/showthread.php?t=6124

أولاً قبل أن أقول رأيي
أنا أمتلك شاهين 2008 أملكها من الزيرو
عامل بيها حتى الآن حوالي 50000 كيلومتر

وأنصح حضرتك لوجه الله بلاش شاهين
اللانوس ناعمة ومريحة
هو الواحد بيجيب عربية عشان يعذب نفسه ؟؟؟!!!
ولا عشان هي كان ليها أصول عريقة لكنها لم تتطور

أنا شايف أن السيارة وسيلة نقل مريحة
يبقى لما أشتريها لازم أضع هذا في إعتباري
والكلام الإنشا مبيأكلش عيش

الشاهين سيارة عملية لشركة صيانة أو مقاول أو تاكسي وليست متفردة بل يوجد من ينافسها في هذا المجال

لكن الإستخدام الشخصي
لو جبتها هتحس إنك أكلت مقلب كبير

خلاصة الكلام
طالما الهدف من السيارة هو سيارة ركوب خاصة يبقى بلاش الشاهين
ممكن لانوس
أو فيرنا وإن كنت لا أحبذها لأن كنبتها الخلفية أضيق من كنبة الشاهين الخلفية الضيقة بغباء أساساً
أو حتى صيني BYD F3
أو اسبرانزا

مفيش عربية مفيهاش عيوب

لكن الشاهين سيارة أعمال وليست سيارة ركوب خاصة

ممكن من 15 سنة كانت تنفع سيارة ركوب خاصة
لكن خلاص
اللي فات مات

بصراحة كلامك غريب جدا جدا لأن اللانوس حلوة فى النعومة والفتيس وكل حاجة لكن أعطالها كتير ومقرفة وأصلا صغيرة جدا جدا ولا تساع لأى شخص ومستحيل إنى أشعر فيها بالراحة سواء هى أو الفيرنا أحنا ممكن نتكلم فى الأسبيرانزا هنا a516 من حيث الفخامة والراحة

رد: الشاهين الجديدة (اسعار ومواصفات )ورأيكم ؟

اقتباس:

المشاركة الأصلية كتبت بواسطة ahmed1981 (المشاركة 122968)

قطع غيار الشاهين في نفس مستوى أسعار قطع غيار الفيرنا واللانوس
فلا يصح أن توضع ميزة للشاهين على غيرها في هذه النقطة بالذات

لا يبقى بصراحة أحسن لك متكلمش تانى فى العربيات قال قطع غيار الفيرنا نفس سعر أسعار قطع غيار الشاهين عشنا وشفنا
مش عارف جبتها أزاى دى بص يا أخى هى أزواق أوكى وأنا موافق يعنى لو قلت لى أركب فيرنا ولا شاهين أى رأيك هاقول لك فيرنا لكن فى نفس الوقت لا ننسى أن الفيرنا عربية تعبانة بتاخد المطبات بشكل جامد وأنا سئلت كذا سواق لعنوا أمها وأكدوا أن أخرها منظره بس

رد: الشاهين الجديدة (اسعار ومواصفات )ورأيكم ؟

يا جماعه انا خالي كان معاه اوبل وعملت حدثه واضطر انه يبدلها بعربية شاهين موديل 2004 تقريبا والعربية من ساعتها وهوه رافعها في الجراج ومش طايق حتي يروح يطل عليها او يفكر يركبها ومسميها الكنبة لان شكلها عامل زي الكنبة الصعيدي بتاعت زمان وبعدين بعد موديل 96 و 97 و 98 مفيش عربية شاهين نزلت مصر عدلة دول كانوا احسن 3 موديلات في الشاهين والباقي يغور بجد وده كلام واحد صحبي معاه الشاهين من 14 سنة

رد: الشاهين الجديدة (اسعار ومواصفات )ورأيكم ؟

لا حول ولا قوة إلا بالله.....ربنا يصلح حالنا

رد: الشاهين الجديدة (اسعار ومواصفات )ورأيكم ؟

اقتباس:

المشاركة الأصلية كتبت بواسطة Devill Blood (المشاركة 134170)

لا يبقى بصراحة أحسن لك متكلمش تانى فى العربيات قال قطع غيار الفيرنا نفس سعر أسعار قطع غيار الشاهين عشنا وشفنا

وأنا سئلت كذا سواق لعنوا أمها وأكدوا أن أخرها منظره بس

لو هنتناقش يبقى بأسلوب حضاري محترم
وإلا كلم نفسك ورد على نفسك

رد: الشاهين الجديدة (اسعار ومواصفات )ورأيكم ؟

شكراً على الكتالوج.

رد: الشاهين الجديدة (اسعار ومواصفات )ورأيكم ؟

اقتباس:

المشاركة الأصلية كتبت بواسطة ahmed1981 (المشاركة 134222)

لو هنتناقش يبقى بأسلوب حضاري محترم
وإلا كلم نفسك ورد على نفسك

يا باش مهندس عندك حق , بعتذرلك بالنيابه عنه , وإنتا أكيد عندك شاهين , ربنا يباركلك فيها .