رد: ايه هي عيوب العربيات المرسيدس ؟
 

اقتباس:

المشاركة الأصلية كتبت بواسطة bmkbmk (المشاركة 105056) عادى يا باشا اى عربية بيفرق معاها الاستخدام و المحافظة عليها طبعا

طبعاً الإستخدام بيفرق من شخص لشخص, هو اشترى العربيه مستعمله كانت كسر زيرو , هو اشتراها سنة 2006 والعربيه موديل اخر 20004 و كانت عامله حاجه و عشرين الف كيلو و كشف عليها فى التوكيل و العربيه كويسه طبعاً انا مش بقول انها عربيه صينى!! المرسييدس مرسيدس بردو, بس قطع الغيار غاليه جداً ومش علشان بتعيش كتير, عمرها زى اى عربيه محترمه او حتى متوسطه (الفلاتر والسيور و المصنعيات والكلام ده كله سرقه علنى ptmnlo123per111 ) و بعدين هو معاه عربيه كيا سبكترا موديل 2004 و سايبها للسواق (و ما ادراك ما السواق ptmnlo123per172 ) و العربيه لمل تقارن بين اسعار قطع الغيار و اعتماديتها و اسعار الخدمه فى التوكيل حتفهم انا قصدى ايه, انا مش بقارن المرسيدس بالكيا, انا بتكلم على فرق الإستخدام و المصاريف
اديلك مثال
المرسيدس: تروح التوكيل تعمل صيانه دوريه (تربيط و كشف على السوائل و تغيير زيت وفلاتر) تدفع زى الباشا 2300 جنيه من غير الزيت طبعاَ و الفلاتر بتتغير عادى الهواء كل 40الف و البنزين كل 20 الف و الزيت مع غيار الزيت كل 10الاف كيلو متر ptmnlo123per195
الكيا: نفس الصيانه , تربيط و تغيير زيت و فلاتر 200 جنيه غير الزيت والفلاتر بتتغير على نفس المده!!!!!!
يعنى ارتفاع الأسعار المبالغ فيه جدااااااااااً ده مش علشان الحاجه اعتماديه اكتر او احسن بكتير, ده علشان النجمه و بسptmnlo123per144

رد: ايه هي عيوب العربيات المرسيدس ؟
 

بالتأكيد أى سيارة لها عيوب و عيوب السيارة المرسيدس هى عيوب السيارات الفارهة عامة و هناك عيوب خاصة بالمرسيدس نفسها, دى بعض العيوب اللى قدرت اجمعها من القراءة و السمعة المتوارثة للمرسيدس :

- ثقل الوزن المبالغ فيه, المرسيدس و السيارات الفارهة عموما ثقيلة الوزن (لأن السيارة ثقيلة الوزن تكون مريحة على السرعات العالية و كذلك لوجود الكثير من الكماليات بها), و هذا ما يؤدى الى صعوبة السيطرة عليها فى المواقف الحرجة(حتى مع وجود شتى الأنظمة المعاونة للقيادة), و يقلل من ثباتها فى المنحنيات, و يقلل من متعة القيادة, يزيد من استهلاك الوقود, و بالطبع يقلل التسارع.
- متعة القيادة المنقوصة, السيارات الفارهة تكون عادة هادئة و تعزلك عن الطريق, هذا الهدوء قد لا يعجب محبى القيادة الذين يريدون دائما الشعور بالطريق, هناك بعض السيارات الفارهة تهتم بمتعة القيادة أكثر من الراحة كألفاروميو مثلا, و هناك شركات تحاول الموازنة مثل بى ام دبليو, أما مرسيدس فانها لا تشتهر بمتعة القيادة على الاطلاق.
- علبة تروس مرسيدس مازالت خارج الزمن, مرسيدس لا تزال تستخدم علبة تروس تيبرترونيك أى علبة تروس ذات بنية اوتوماتيكية لكنها قادرة على تغيير السرعات نزولا و صعودا عبر مفتاح خاص, هذا النوع من علب التروس لا يوفر الكفاءة القصوى و لا السرعة المطلوبة, و لم تنتقل لاستخدام علب التروس الالكتروهيدروليكية ذات البنية اليدوية مثل الفاروميو مثلا. علب التروس الالكتروهيدروليكية أسرع و تنقل العزم بشكل أكثر كفاءة من العلب الاخرى.
- لا تتوفر مرسيدس بعلب تروس يدوية فى معظم سياراتها, و هذا لا يلبى حاجة الزبائن الذين يفضلون متعة و كفاءة و سرعة المانيوال.
- صغيرة مرسيدس الايه سيارة سيئة جدا من معظم الجوانب, و يبدو أن مرسيدس تفتقد الخبرة اللازمة لصنع سيارة صغيرة, فمرسيدس تصنع السيارات الكبيرة كأفضل ما يكون, و لكنها لا تمتلك الخبرة الكافية لانتاج سيارة صغيرة مثل سيتروين و رينو و فيات على سبيل المثال.
- شكل سيارات مرسيدس لا يتغير أبدا, و ليس ثوريا, و ممل للغاية, و هى سمة ألمانية للأسف(فيما عدا بى ام دبليو), كل ما يحدث هو ادخال تغييرات على نفس الشكل القديم لمجاراة العصر لا أكثر و لا أقل, الشركات الايطالية و الفرنسية تريد مع كل سيارة اطلاق ثورة جديدة, أما الألمانيات (مرسيدس, فولكس, اودى, بورش) فانهم يرغبون فى المحافظة على نجاح الشكل القديم و تعديله بحيث يناسب العصر, و لكن لا جديد!

طبعا هذا لا ينفى أن مرسيدس هى احدى افضل السيارات الفارهة, بل هى أفضلهم على الاطلاق من ناحية الاعتمادية و المتانة و الراحة و جودة الصنع و التقنيات المتقدمة, فهى تلقب بالنجمة التى تقود الجميع, و لكنها سيارة لا تصلح كثيرا لمحبى القيادة, الذين يرغبون بمتعة أكبر و سيارة بطابع أكثر ثورية عليهم الاتجاه الى بدائل أخرى فى مقدمتها ألفاروميو و بى ام دبليو.

رد: ايه هي عيوب العربيات المرسيدس ؟
 

عندك حق
انا جات فتره و انا صغير كان معانا عربيه مرسيدس 77 مكنتش بعرف اسافر غير بيها و كنت بعيط لو حنسافر بعربيه تانيه:)
ممكن تكون العربيه تجميع مصري و فيها عيوب او هو مهمل في صيانتها شويه بس
انما المرسيدس سياره لا تضاهيها اي سياره اخري

رد: ايه هي عيوب العربيات المرسيدس ؟
 

معاك يا فادي في معظم النقاط ما عدا النقطه دي
و ابسط مثال فهو مرسيدس الفئه E
العربيه دي كل جيل لها بيعتبر مثل يحتذي به و دايما الشركات الاخري بتقلده
و بيبقي التصميم السائد في الفتره اللي بينزل فيها
زي مثلا الخنزيره و التمساحه و الزلموكه و العيون
كل عربيه من دول تلاقيها ثوره ايام ما نزلت و الكل بيحاول يعمل حاجه شبهها

رد: ايه هي عيوب العربيات المرسيدس ؟
 

رد: ايه هي عيوب العربيات المرسيدس ؟
 

رد: ايه هي عيوب العربيات المرسيدس ؟