رد: موضوع متكامل عن اللادا 2107
 

رد: موضوع متكامل عن اللادا 2107
 

مين الى بيعيب على الادا يا جماعة ؟

ممكن تقولولى عربية تانيه فى نفس مواصفتها ؟ ولا سعرها ؟

انا مرة دخلت بالادا ( اول لما كنت بتعلم وماحدش يتريق ) فى عربية هيونداى الينترا فى الجانب الى ورا عند الرفرف كده


الرفرف بالفانوس بالشطنه فى العجين


انا بقى والله العظيم قرشة البويا اتشالت والعضم يادوب سنة عوجان بس لو جبت شاكوش رفيع انا اردها تانى

بالنسبة للسخونة
فيه تعديل بيتعمل فى الادا بيخليها تلاجه ( تيجب مروحة سته او ثمانية ريشه وتجيب طارة مقاس 8.5 وتجيب سير مقاس 9 وخلى اى صنايعى يركبهملك ) انسى كلمة سخونة دى خالص

بالنسبه للبيض والعفشة
ماتجيش تقولى ان الاهمال وعدم الصيانه والتكاليف الهبلللللللللللللللللللة فى الفحص بالمقارنة باى موديل تانى
عدا 128 ( لانى مش بعتبرها عربية اساسا) واللامبالة ده سبب لان البيض يملص
كلف نفسك 20 جنيه كل شهر او شهرين مجرد فحص عافشة بحيث تكون ماشى متطمن لعربيتك وتغير العافشة الى محتاجه تتغير مرتين فى السنة

انا واحد صاحبى كان معاه لادا 2107 كان مجنط عريض سبور وكاوتش عريض المجنون جابلى بيها 170 على الصحراوى العربية اكنها لازقه على الارض



الى مش عاجبه الادا يا جماعة يروح يدفع اضعاف تمنها فى حاجة من الحاجات الشياكه ويبقى يصد بقى على مصاريفها

انا راضى زمتكم
دى شوارع ولا ده شعب ولا دى اصول سواقة ولا دى احاول اقتصادية للبلد تخلى الواحد يركب ويتدلع ويعيش؟؟؟

رد: موضوع متكامل عن اللادا 2107
 

يا جماعة الادا دي اصلا كانت معمولة عشان يعذبوا بيها الروس

رد: موضوع متكامل عن اللادا 2107
 

والله العربيه هى وسيله مواصلات لا اكثر ولا اقل
واللى غاوى الدلع يشترى لزومه
انا ساكن فى قريه بالساحل الشمالى
متوسط الدخل
بروح اصطاد فى كل مكان تقريبا
وفى نفس الوقت انا مصمم نظم ماستر وكل يوم فى حته فى وسط البلد
واللادا بتصد فى الحياه الحقيقيه
اللادا سياره الحلول الوسطى والبسيطه
وانا مش محتاج لصاروخ عشان اسافر ليبيا وكمان حاله البنيه التحتيه فى مصر لا تسمح الا......بالادا

رد: موضوع متكامل عن اللادا 2107
 

رد: موضوع متكامل عن اللادا 2107
 

no lada:playing_music:

رد: موضوع متكامل عن اللادا 2107
 

لو الخبطات اللى تستحملها الادا تستحملها الهونداى ولا الدايو ولو قطع غيار الادا بنفس سعر الهيونداى او اى عربية ننوسة وطعمة بردة حركب لادا ، لأن اللى ميعرفش الادا بيشوفش مشاكلها مع ناس بخيلة ومعفنة / فحص السيارة بصفة دورية وتغيير ما يلزم تغييرة فوراً دون انتظار خاصة فى العفشة ، والحرص على معدل استهلاك الكوتش وتغيير قطع غيار اصلية مش صينى ، كل دى اسباب الانسان ياخد بيها - وهى لاتغنى عن القدر - يبقى معاة عربية تمام ومريحة وسريعة ومتينة لا يعيبها إلا قدم شكلها لكن الراجل العملى بيدور على الحاجة اللى تقضى مصلحتة بأقل تكلفة ، وبالنسبة للزميل اللى بيقول ان المتمسكين بالادا ميعرفوش غيرها اقولة لننى ركبت بعدها اول مرة دايو وشاهين وحاجات تانية فوجدت انها عبارة عن ورق وصاجها اقرب للفبر من المعدن وحوادثها كلها إما موت واما عجز كلى والعربية بتروح فى داهية ، يا راجل دة واحد صاحبى على سرعة 40كم دخل بالدايو فى ميكروباص من الخلف غير نص العربية الأمامى وكان هيموت من دخلى الدركسيون على صدرة ، الخبطى دى فى لادا تدمر الميكروباس وبالكتير قوى الادا تغير فانوس اشارة وتتعمل بوية بفرشة يدوى ، انا عربيتى 2003 مكيفة تلاجة وسنتر وانذار وكوتش بجددة كل سنة مهما كانت حالتة ، واصحابى اللى راكبين عربيات تانية بيحسدونى عليه ، والسلام ختام