المشاركة الأصلية كتبت بواسطة ramy safwt (المشاركة 989977)

انتى بنت و لسه بتسوقى ما ينفعش تركبى عربية سيدان فى المرحلة دية لأسباب فنية تتعلق بالسيطرة على العربية و ادراك ابعادها و التصرف السريع فى المواقف المزعجة و اللى نصحك بالفيات 28 حد واضح انه بيعزك و بيخلص تار قديم

خلينا نتكلم فى الهاتش

الماروتى و النوعيات دية من العربيات ما تنفعش للسفر و الصينى مهما كانت غالية مش هتستحمل اخطاء السواقه و كلها ورق فى ورق

و الحل بالنسبة ليكى هو الفيات بونتو 1400 اوتوماتك عربية محندقه كده و قطع غيارها موجوده و فتيسها حمال اسية و اقصى حمولة ليها 400 كيلو و اكيد مش هتاخدى العفش بتاع البيت على شنطة العربية

اما السينا فدية عاوزه واحد قديم فى السواقه و عنده العدد بتاعتها


معلومة للأمانة الشديدة مفيش عربية ملائكية كل عربية و هيطلع ليها مشاكل اعتيادية لازم تتعلمى تتصرفى معاهايعنى مثلا الكاوتش علشان ما يبقاش ازمة تشترى مفتاح نص بوصه كهربة و كوريك تمساح كويس فبدل ما تزهقى نفسك فى فكه و تركيبه المفتاح الكهربة هيفكه و هفيك حاجات كتير فى العربية

شطنة عده صغيرة لزوم الفحص الدورى مراجعة الفلاتر و الزيت و السوائل - اخر حاجه و هتفرق معاكى لازم يكون ليكى مكان تصينى فيه عربيتك جراش فيلا او بيت لصاحبتك مكان فى حته مدارية و ده علشان لو واجهتى مشكلة حافظه حلها تقدرى تتعاملى معاها بدل ما تحتاجى لحد يطلع عقده العنصرية ضدك او تروحى لميكانيكى يشتغلك و ياخد فلوس على الفاضى

المشاركة الأصلية كتبت بواسطة عبدة البروف (المشاركة 990025)

المشاركة الأصلية كتبت بواسطة طارق عبد السلام (المشاركة 990081)

بونتو او بولو

المشاركة الأصلية كتبت بواسطة eng/walaaeldeen (المشاركة 990348)