|
رد: تجربتى مع لانسر شارك 2015
بارك الله فيكم
الحمد لله انا اشتريت امس هذه السيارة من العيسائي طريق خريص إي اكس اعلى فئة والحمد لله عملوا الخصم اللازم وهي بصراحة والحمد لله تحفة فنية ويابانية مائة بالمائة لأني ذهب عند عبداللطيف جميل وشفت الكورولا واليارس لقيت الكورولا شكلنص من كل حتة ومتصنعة في تايوان واليارس في اندونيسيا وكل شئ فيها من دولة شكل ومكتوب على زجاج السيارة عبر ورقة معلقة لقيت في النهاية لانسر إي أكس 1600 سي سي فل كامل سعر التقسيط في النهاية اقل من سعر الكورولا نقدا إي والله الكورولا نص فل 64750 ريال والكامل 72 ألف ريال واللانسر بعد الخصم نقدا 52850 ريال وحاجة محترمة وآخر حلاوة ولون بيج فاتح جدا وكأنها بيضاء بس حاجة لذيذة والحمد لله على توفيقة ونسأل الله ان يعطينا خيرها ويكفينا شرها |
رد: تجربتى مع لانسر شارك 2015
ربنا يبارك لكم فيها
|
رد: تجربتى مع لانسر شارك 2015
ياجماعه حد يقولي مزايا وعيوب الشارك 2015 بس يكون جرب وسعرها كام
|
رد: تجربتى مع لانسر شارك 2015
من فضلكم يا جماعة ... انا نويت اشتري شارك ان شاء الله .... بس كنت عايز أسأل اشتري الخليجي انهي فئة لو مش هقدر أجيب الهاي لاين ؟
و سعر الفئة الثانية وكيل دلوقتي كام ؟ |
رد: تجربتى مع لانسر شارك 2015
بص يا استاذ انا ركبت الاتنين والاثنين فيهم اوبشن عالى لكن الشارك تكسب فى أهم حالتين أولا تقفليل يبانى والإتزان أعلى من الانتر ا ثانيا ودا أهم شئ الارتفاع عن الأرض ودا كان سبب لبيع الانتر ا مع واحد صحبى لأن مطبات بلدنا غنيه عن التعريف اتبهدلت معاه من تحت
|
رد: تجربتى مع لانسر شارك 2015
بصراحة انا كنت بقارن بين الشارك والالنترا والسيراتو
فى الاخر ربنا هداني الى الشارك والحمد لله كان اختيار موفق السيارة ارتفاعها ممتاز عن الارض السيارة وهى محملة تعدي من اي مطب بدون اي احتكاك نهائي وده كان مهم لي لاني ساكن فى الشرقية وارتفاع المطبات عندنا مش طبيعي اضف الى ذلك ان اداء الموتور اكثر من رائع واستجابته للسرعات العالية ممتاز يعنى لو عاوز تعدي من اي سيارة على الطريق سهل جدا السيارة صفقة رابحة بكل المقاييس |
رد: تجربتى مع لانسر شارك 2015
مساء الخير يا جماعه ..أنا معايا لانسر شارك 2015 خليجى ولسه فى مرحله التليين بس ليا بعض الملاحظات فيها
اولا بحس ان فى رجه خفيفه فالسياره لما بكون ماشى فطريق زحمه لما اشيل رجلى من عالبنزين وادوس فرامل لما السياره بتقف والرجه بتروح لما اشيل رجلى من عالفرامل واكمل سير ثانيا موضوع الثبات انا مش حاسس بيه انا بكون مثبت الدريكسيون بايدى أثناء السير وبلاقى السياره بتروح يمين وشمال طبعا حاجه بسيطه مش عارف بقى ده عيب طريق ولا ايه مع العلم انى مزودتش حتى الان عن سرعه 100كم ثالثا هو الثبات لازم يكون على سرعه عاليه عشان اشعر بيه ولا بيقى برضه عالسرعه البطيئه..اشكركم |
| الساعة الآن 05:32 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017