رد: بعد اللادا ممكن نركب أيه....؟
 

والله يا باشمهندس ده الى حصل مع عربية اخى ....و انا عارف ان رجله تقيلة على العربية .... يعنى بيحب يجرى بيها .. و كان بيداوم على غيار الزيت و الصيانة .. الموضوع بدأ بصوت ترزيع فى الموتور ... فتم الكشف على الموتور و عمل عمرة و خراطة الشمايز و الكرنك 0/40 و كله تمام ... وبعدها بفترة ... صوت الترزيع رجع تانى ... وديتها لعم حمدى ... و غيرنا طقم الشنبر و البساتم و غيرنا الكرنك بواحد استيراد و خرطناه على 0/20 على ما اذكر ... و غيرنا الشواكيش ... و لينا الموتور و كله تمام .. و بعدها بفترة .. اخويا اتصل بيا و قالى ان العربية وقفت منه و ان باوك الموتور اتشرخ !!!!! .. فى الغالب هو كان بيجرى كعادته
فانا كنت اعتقد ان دى حالة فردية نتيجة ان رجله تقيلة على البنزين .. و سألت عم حمدى فقالى ان موتور اللانوس مش بتاع قرص ... ده ببساطة ما حدث لللانوس

ربنا يباركلك فى عربيتك :)

رد: بعد اللادا ممكن نركب أيه....؟
 

اولا .,. الف مبروك و لو حتي لسه بتفكر .
انا باحب الاكسيل بحس انها عربيه ماسكه نفسها و خاماتها كانت افضل من جديد الهيونداي .,. او بالاحري عشان توصلك ما اريد ان اقوله هيونداي كانت في بدايتها و كانت بشتغل بضمير و خامات معمره عشان ترضي العميل و تنتشر وسط عمالقه السيارات ( بس طبعا اهم حاجه حاله العربيه لانها قديمه عن الفيرنا و الاكسنت ) .
غير ان رايي الدائم لاني راكب دايو .؟.
كيا - هيونداي - دايو .,. ده ترتيب جوده الكوري من الاقوي للاضعف .
و ده مش بكرهك في الدايو , هي معايا و الحمد لله زي الفل و مش حاسس بمصاريفها غير بس عفشتها عايزه تتربط كل فتره .,. و الانوس مع واحد صاحبي مبهدلها كل يوم بتمشي حوالي 60 كيلو و زي الفل معاه و بيشكرلي فيها .
انا بقي اللي فكرت و للان بفكر في بيتلز قديم لاني بحبها بس خايف اجيبها ملقيلهاش صنايعيه او احتار في قطع غيارها .

رد: بعد اللادا ممكن نركب أيه....؟
 

اولا احب اباركلك على بيع الـ لادا
وربنا يزرقك بحاجة كويسة ان شاء الله
الاخوة الافاضل ما سبوش كلمة تتقال "جزاهم الله كل خير "
الفكرة هنا بقى هو المبلغ المرصود للشراء وطالما بتتكلم فى لانوس يبقى مثلا بنتكلم فى 45 الف وانت طالع صح؟
هنا الاختيارات بقت بفضل الله كتير
ممكن لانوس 1 او دايو لانوس 2 اوائل الفينات
ممكن نوبيرا 1 خليجى سواء مانيوال او اونو الاتنين كويسين
ممكن كيا سبكترا مانيوال او ريو مانيوال
ممكن كيا سيفيا
فى كمان عربيات اورببي فى الفلوس دى بس احنا مش عاوزين وجع دماغ احنا عاوزين ندور ونمشى على طول تكييفنا شغال بورنا موجود ازازنا باللمس

انا بقى لو منك عارف والله هاحط الفلوس دى فى سبرانزا 2007 فبريكة برة وجوة او حزام برة
دة راى وصدقنى لو انا اللى بشترى هاعمل كدة
وخد بالك انا جربت او اشتريت كل العربيات دى ما عدا الكيا سيفيا
لكن تقييمى للعربية بيكو شامل شوية من كل النواحى
باكدلك ان الـ 516 افضل من العربيات المطروحة للنقاش

رد: بعد اللادا ممكن نركب أيه....؟
 

بعد الادا طبعا يبقى سايبا برايد او سايبا تيبا التصنيع الايرانى
سوقسوق

رد: بعد اللادا ممكن نركب أيه....؟
 

استاذنا كارز ادمير اولاً كل سنة وحضرتك طيب وعيد سعيد عليك وعلى كل المشاركين فى الموضوع -- بخصوص الأختيار بعد اللادا يبقى حاجة ليها شكل مقبول ووسعه وايضاً ثبتت وجودها فى السوق المصرى ,, وانا شايف إن العربيات الأيرانى شكلها رخم الحقيقة مفيهاش اى لمسه جمال نهائى !!! دى وجهت نظر تحتمل الخطاً يجوز , ولكن انت عارف حضرتك ان او وهله هى البتشدك للعربية والوهلة او اللحظة دى بيكون الشكل هو الدافع الأول للسؤال عن العربية ومعرقة كل حاجة عنها يأما بتلتفت عنها بسبب الشكا ايضاً مع إن ممكن تكون بأمكانيات عاليه ,,عموماً لايفتى ومالك فى المدينه وحضرتك منجم معلومات ننهل منه تقبل تحياتى وكل سنه وانت طيب

رد: بعد اللادا ممكن نركب أيه....؟
 

ahmed_eng2001, aymanlaw, mr_astra, nktis
عيد اضحى سعيد عليكم جميعا اعزائى
:1497EA~150::140109~347:: fun_36_3_11[1]:

رد: بعد اللادا ممكن نركب أيه....؟
 

انا اعرف واحد بعد الادا جاب كريستاله خليجى جميع الكماليات الى تتخيلها وفتحه سف مرايات كهربا اتوماتيك وماستريحش فيها وباعها وخسر فيها ورجع تانى للادا ملحوظه اللادا للرجال فقط !!!!!!