|
رد: صنى ولا سيراتو ..ارجو المساعدة
sam-ram شكرا جزيلا على الشرح الوافى الكافى ..انا زرت المواقع و شفت الصور اللى حضرتك ارفقتها و الصورة بقت واضحة بالنسبالى عن صنى.
كلام حضرتك مظبوط انه الاضمن التيدا بس اعتقد انه اغلى شوية من امكانياتى. تقريبا كده الصنى طلعت من اللستة الا لو حضرتك تدينى رأيك عن الصنى تجميع كورى احسن ولا الانترا .. وده على ضوء تحديدى متطلباتى فى العربية من جديد 1600/اتو/فول (بعد ازنك) و الترتيب بلأهمية:- 1.عوامل الأمان 2.الاقل صرف بنزين والاقل ثمن قطع الغيار 3. الاوسع صالون 4.الأنعم مع المطبات 5.الأسهل عند البيع 6.الأشد فى السحب 7.الأكثر ثبات على الطريق 8.الشكل المقبول ودى لستة السيارات من النت (قبل رمضان-اعتقد هترخص بعد 2010 ماينزل بعد العيد) عن السيارات المتاحة من حيث الثمن بالنسبة لى(40-42 الف ريال.يزيدوا الف او اتنين لأى ظرف):- سيراتو- 36900-39900 ريال اكسنت- 37100 ريال(صغيرة)صني – 37500-42500 ريال<?xml:namespace prefix = o ns = "urn:schemas-microsoft-com:office:office" /><o:p></o:p> تيدا -43800 -51500 ريال (غالية شوية) لانسر -39500-42500 ريال(بقت شعبية وان كنت حاسس ان هلبسها فى الأخر) النترا-40500-4400 ريال( وصى بيها د.بلبلان وانا معاه) اوبترا 39600- 44500 ريال(وصى بيها هيستوفيسوس يبدو عن تجربة مقارنة مع الصنى) فابيا – السعر 37500-41000 (محدش اتكلم عليها)<o:p></o:p> ياريس – السعر 42400-47900 ريال (غالية شوية)<o:p></o:p> ده كان سِؤالى الأولانى و لو ممكن كمان سؤالين: الأول عن السيراتو هل الاوبشن العالى فى العربية مايقلقش عن جودة الاساسيات .دى خبرتى عن الجنوب اسيوى فى غير العربيات اللى ماليش خبرة فيها -يزغللوا العين بحبشتكانات كتيرة تلهى عن الاساس المتواضع و بالستخدام يروح البريق و يفضل القرد على حاله !! ياريت رأى حضرتك فى الموضوع ده السؤال التانى و اغفرلى جهلى :هل الوكيل يهم المشترى بعد 3 او 10 سنين؟ مش هوه اللى بيخلى العربية تمسك سعرها فى السوق و بيوفرلها الصيانة المثالية للى يدفع و قطع الغيار الأصلية؟ ولا ده وهم ؟ اسف انى أطلت عليك .. و بشكرك تانى جدا جدا |
رد: صنى ولا سيراتو ..ارجو المساعدة
اللهم صلى عليك يانبى
hestofesos شكرا لمساهمتك .. و رأيك بحترمه لأنه يبدو عن مقارنة عملية بين الصنى و الاوبترا . فلو حضرتك سقت الاتنين ياريت تدينى رأيك بالنسبة للنقط اللى رسيت عليها و هيه: .عوامل الأمان 2.الاقل صرف بنزين والاقل ثمن قطع الغيار 3. الاوسع صالون 4.الأنعم مع المطبات 5.الأسهل عند البيع 6.الأشد فى السحب 7.الأكثر ثبات على الطريق 8.الشكل المقبول و لو تقدر تقولى موصفات الصنى اللى مع حضرتك هل هيه كلاسيك وهل هيه 1600 و هل هيه عفشتها ناشفة؟ شاكر فضلك و كل سنة و انت طيب |
رد: صنى ولا سيراتو ..ارجو المساعدة
هي الفكره إن المتوافر بمصر حاليا هي الصني القديمه (التجميع المحلي )
الصني الكوري مش منتشره في مصر ... نادر جدا لما اشوف واحده كل فين و فين ... وبالتالي قبل التفكير فيها لازم حضرتك تفكر في قطع الغيار و الصيانه و اعاده البيع عربيات التوكيل في مصر مواصفاتها بتختلف عن عربيات الخليج .... وبالتالي صعب نقارن بين مواصفات الامان خصوصا في عربيه زي الالنترا مثلا لأن غبور مبينزلش في هيونداي اي مواصفات امان الا الحزام !! و بعض موديلات الالنترا فيها ايرباج واحد واخيرا سمعت ان فيه موديل فيه 2 ايرباج و ABS بسبب مواصفات السيراتو الياريس و التيدا و الاكسنت والفابيا فئات اصغر من الصني و الالنترا و السيراتو والاوبترا ميزه التيدا ان صالونها واسع زي الفئات الأكبر منها لكن سعرها عالي الاوبترا المفروض ان الكروز الجديده تكون مكانها وبقالها كذا سنه ... فلو حضرتك بتفكر في شيفروليه يبقى شوف الكروز الاحدث ( مع العلم ان الكروز و الاويترا كوري برضو ) لو الانسر اللي عندك هي الشارك ( 1500 سي سي ) تبقى انسب اختيار بعد مراجعه مواصفاتها خصوصا ان انتشارها في مصر ميزه وعلامه ميتسوبيشي لها بريقها وسمعتها .. بخصوص الاوبشنز العاليه في الكوري فهي مش تقنيه معقده لما نقارنها بتقنيه الالماني و الاوروبي عموما ... حساسات و ايرباج و ABS تقنيات مش جديده و موجوده دلوقتي في العربيات الصيني ... يمكن الحاجه اللي معجبتنيش في السيراتو خامات التابلوه (الالنترا افضل ) و في الكروز الحته القماش اللي في التابلوه الوكيل ميزته في الصيانه .. لأن العربيه حتى لو مش مشتريها من الوكيل بعد انتهاء فتره الضمان بتبقى زيها زي اي عربيه بره الوكيل كل الميزه ان العربيه اللي صيانتها في التوكيل بتبقى ليها مصداقيه اعلا عند البيع و بتدي انطباع ان صاحبها مهتم بيها رأيي الشخصي لحضرتك انك تركز على العربيات دي :- لانسر (شارك 1500 سي سي ) النترا سيراتو كروز حضرتك تنزل تتتفرج عليهم على الطبيعه و تقارن بين مواصفاتهم مقابل سعرهم واكتر عربيه فيهم تستريح لها استخير ربنا و توكل عليه فيها وبالتوفيق ان شاء الله |
رد: صنى ولا سيراتو ..ارجو المساعدة
النيسان صنى عرية كويسة لكن صغيرة بعكس الإلنترا فحضرتك أول إختيار هو الألنترا ثم الصنى
|
رد: صنى ولا سيراتو ..ارجو المساعدة
sam-ram اشكرك كل الشكر . انت فعلا نورتلى طريقى ..
و انا هنزل من السبت الجاى ادور على ما استقرينا عليه و اعتقد السعر هوه الحكم . اشكرك تانى على وقتك و اهتمامك و طولة بالك معايا .. جزاكم الله خيرا |
رد: صنى ولا سيراتو ..ارجو المساعدة
شكرا يا امبراطور على النصيحة و انا معاك فى كده هاشوف الانترا الاول ان شاء الله
|
رد: صنى ولا سيراتو ..ارجو المساعدة
العفو يا افندم .. الواحد فعلا يتمنى يفيد الناس باي معلومه عنده والنصيحه لوجه الله ...
وربنا يوفقك ان شاء الله في انسب حاجه ليك ... بس ابقى طمنا عملت ايه ومبروك مقدما |
| الساعة الآن 04:46 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017