رد: العربية ديه اكيد بتطير رينو لوجان
 

احب اشكر ابو نورا علي الموضوع الجميل دهptmnlo123per171
بس انا من عشاق الفرنساوي
واكتر حاجه بكرها هي الكوري
ولو هنتكلم اقتصاديا سعر العربيه بيبقي صفر بعد عشر سنوات يعني العربيه سعرها بيقل حوالي 10 % كل سنه
وكلنا عارفيين ان العربيه الوحيده الي كسرت القاعده عندنا هي البيجو ال504
ولو هنقارن بين الفرنساوي والكوري يبقي انا عايز اسفتاء واحصائيات ptmnlo123per111
لو هنجيب حكام نركبهم العربيات يبقي الكوري محدش هيركبوا ptmnlo123per169
ونجيب حكام ليه ؟؟؟؟؟
انا اقول وانتوا تحكموا
حد يركب السي 5 ولا ال308 وهو يقول معني الجمال مش الالنترا
اركب ال206 او السي فور وانت تعرف معني الشباب والحيويه مش الفيرنا والاكسيل والسويفت
اركب ال605 وانت تعرف معني الثبات علي 200 كلم مش السوناتا
من الاخر الفرنساوي ليه ناسوا
لان الجمال له معني خاص
ولو العربيه ليها سمعه وحشه في بعض الدول ده بسبب التوكيلات الي ليها شروط انا معرفهاش
والمثال عندنا من بعد ما نزلت ال504 وال505 والله يرحموا وجيه اباظه توفي
الواحد بينزله اقل فئه من العربيات الفرنسيه الجميله
يعني ال206 بره مستحيل اقارنها بجولييت ولا حتي افيو !!!!!!
انا مجنون بالبيجو وانا مش بقول ان الفرنساوي ملوش عيوب
لا العيوب كتيير واكثرها التسويق السيئ والصيانه الغاليه نسبيا
بس مينفعش اقارن عربيه 407 باي عربيه كوري
انا عندي 3 عربيات بيجو بس تخيلوا انا عمري ما دخلت توكيل بيجو في اي مكان في الجمهوريه ptmnlo123per160
ممكن اكون مجنون بس مستحيل ادفع اضعاف الحاجه الي موجود بره التوكيل وبرده اصليه وده سبب من الاسباب الي بتخلي العربيه سعرها ينزل
ومع الاسف ده رأي ptmnlo123per172

رد: العربية ديه اكيد بتطير رينو لوجان
 

يا ندا باشا
السي فور و البيجو 206 بكام و ال فيرنا و الانوس بكام
والسي 5 و ال 308 بكام و الالنترا بكام

طيب ايه رأيك بقى اني مستعد اركب ال 308 و اطلع الالنترا دي ملهاش لازمه
او اركب ال بي ام الفئه الاولى و اخلي ال 308 دي عربيه كارو

او اركب مرسيدس بي كلاس و اقول على الماتريكس توكتوك

كله بتمنه .. و الغالي تمنه فيه ...
لكن مينفعش اقارن اللي ب 100 ب اللي ب 200 !!!

الا اذا كنت حضرتك تقصد انك تفضل تجيب عربيه اوروبي مستعمله عن عربيه كوري زيرو ..
وده موضوع تاني خالص عن اللي بنتكلم فيه دلوقتي ..

رد: العربية ديه اكيد بتطير رينو لوجان
 

اولا مبروك علي السي فور يا سامح باشا
وبعدين انا اسف علي طريقه التعبير لاني بعشق الفرنساوي
وحسيت ان الناس بتتكلم علي كلب معفن
فحبيت اوضح ان العربيات دي ليها ناسها وفي الاخر زي ما قلت حضرتك العمليه عرض وطلب

رد: العربية ديه اكيد بتطير رينو لوجان
 

الله يبارك فيك يا باشا ...
بس حضرتك يمكن تقصد زميلنا ايمن عبد الرازق لانه هو اللي لسه جايب سي فور
مع اني من ملاك الكوري اللي حضرتك بتكرهه لكني فعلا شجعته على السيتروين لاني عارف هو بيفكر ازاي و عارف ان الكوري مش حيعجبه
الموضوع في النهايه وجهات نظر و كل واحد له حساباته و معاييره ... علشان كده لما اختارالسيتروين حسيت انها انسب حاجه ليه
وانا على استعداد ابدل الماتريكس بالستروين بس عندي شرط واحد
افضل انا مسئول عن صيانه الماتريكس و هو عن صيانه السيتروين :)
وعلى فكره انا بحترم الاوروبي جدا ... خصوصا الالماني وبعشق الايطالي ... والفرنساوي بالذات له معزه خاصه بحكم الدراسه
لكن بالنسبالي قرار شرا عربيه في مصر ... له عندي حسابات تانيه خالص ...
ولولا اختلاف الاذواق لبارت السلع

رد: العربية ديه اكيد بتطير رينو لوجان
 

رد: العربية ديه اكيد بتطير رينو لوجان
 

اولا الفكرة اللي انت طرحتها كويسة جدا و دور علي اليوتيوب و مش هتغلب
الموضوع مش شتيمة و لا حاجة ده زي ما قال ابو نورا مناقشة لواقع ناس كتير بتمر بيه

البيجو الجديد نفس القصة و العربيات اللي انت قولتها دي اساطير و خارج نطاق النقاش



الفكرة ان الهجوم علي العربيات الفرنساوي دايما بيكون مصدرة خيبة الامل اللي بتحصل للناس بعد اقتنائة و ده لان العربيات الفرنساوي بتعتبر حلقة الوصل بين العربيات التقليدية اللي بتوفرها الشركات اليابانية و الكورية (اللي غالبا بتكون رخيصة) و بين العربيات المتطورة تكنولوجيا المتوفرة من الشركات الالماني و بعض الامريكاني (اللي بتكون غالية و خارج متناول الاغلبية) و لان معظم الناس بيحبوا يحصلوا علي اكتر المميزات باقل الاسعار بيلاقوا نفسهم قدام العربيات الفرنساوي اللي معظمها بيلبي المطلب ده. لكن لما المشاكل بتظهر (و ما اكثرها) الناس بتكتشف انها خدت مقلب و بينفسوا عن غضبهم بنشر معاناتهم و تنبية الاخرين بالبعد عن الفرنساوي

رد: العربية ديه اكيد بتطير رينو لوجان
 

أنا أؤيد الأخ " سامح رمزى " تماما فى رأيه ( مشاركة رقم 14 )
و دلوقتى أصبحت تائه...مش عارف مغزى الموضوع
هل هو تساؤل عن سر انخساف سعر إعادة بيع السيارات الفرنسية...أم .....هى إيه الحكمة من وجود الفرنساوى فى الدنيا مادام مش بيحقق نجاح و انتشار ؟؟
لو على سعر إعادة البيع....سامح قال المفيد فعلا....
لو على سبب عدم موت صناعة السيارات الفرنسية.....ببساطة هما مش فشلة و لا حاجة...هما بس زبائنهم قليلين...لو كانوا مجموعة من الفشلة...كانوا قفلوا من زمان...السوق مش بيرحم.......
و لعل فى Alfa Romeo عبرة.....
ردا على الأخ الذى ذكر برنامج Top Gear.....

http://www.youtube.com/watch?v=600nBr7C9VU
http://www.youtube.com/watch?v=0mKMs...eature=related
http://www.youtube.com/watch?v=AhhIF...eature=related
http://www.youtube.com/watch?v=jbSnx...eature=related
http://www.youtube.com/watch?v=H2uCd...eature=related
......
http://www.youtube.com/watch?v=MOv4A_NFswY

السبب فى إتجاهى للألفا هى أنها تنتهج نفس المذهب الفرنسى فى الصناعة...و هى أيضا أكثر حدة فى التطبيق ...أكثر جمالا....أكثر مشاكل..و ما إلى ذلك من التعقيدات

و ده هو فيه الخلاصة.....كتر خيرك يا Jeremy على الكلام ده....الكبمتين إللى فى الفيديو ده هما من الآخر إللى أنا بأحس بيه و كل عشاق السيارات من أمثال سيتروين و رينو و ألفا روميو و جاجوار و ساب و لانسيا و حتى عهد قريب أودى بيحسوا بيه مع عربياتهم...أترككم مع " الرجل "