مصر موتورز مجتمع السيارات - المنتدي وااااااقع ليه كدا ؟

مصر موتورز مجتمع السيارات (https://www.masrmotors.com/vb/index.php)

- جيتا JETTA (https://www.masrmotors.com/vb/forumdisplay.php?f=207)

- - المنتدي وااااااقع ليه كدا ؟ (https://www.masrmotors.com/vb/showthread.php?t=126005)

رد: المنتدي وااااااقع ليه كدا ؟

السلام عليكم
ايه يا جماعه اول ردودكم عنصرية ليه كدا ؟؟ اللي يقولي انت راكب جيتا واحنا ناس غلابة
واللي يقولي حتشتريه واحنا مش حنتفاعل معاك؟؟؟؟

ويعلم الله وحده ان الموضوع مفيهوش اي شئ خفي انا فقط لقيت المنتدي فعلا نايم الوحيد اللي فعلا رد عليا صح لانه اكيد فهم حسن نيتي هو العضو الكريم romeoalmansour

الباقي كله كان بيألش
انا اللي خلاني اكتب الموضوع ده حاجة واحد ويمكن في رد علي الاخ اللي بيقولي ما انت عضو من 2008 ومكتبتش غير 218 موضوع وده ليه بقي
انا مش بطيق العربية اكثر من سنة في الاصل ( معلش خلقتي كدا )
واحب انزل واطلع عادي يعني مش فارقة معايا ( عشان الناس المنفسنة )
اللي بيفرق معايا اني بزهق من العربية ولو كانت ايه حتي لو قعدت معايا بالكتير سنة ةدي اقصي مدة قعدت فيها عربية معايا

اجيب اللانسر وادخل المنتدي الاقي 100% لدرجة اني مش بحتاج اكتب موضوع او استفسار عن حاجة بس الكلام ده من 2009
2010 بقي جبت افيو كوري ادخل المنتدي الاقي 75% من الاسئلة اللي في دماغي
2011 جبت اوبل فيكترا ملقتش 60% من الاستفسارات اللي في دماغي
2011 برده جبت ليجانزا ملقتش اكتر من 60% برده من الاستفسارات
جبت اسبرانزا ملقتش اي استفسارات من اللي كنت عايزة اسأل عليها
2012 رجعت جبت اوبل تاني بس موديل اعلي وبرده لقيت هنا حوالي 20% فقط من الاستفسارات
2013 جبت كورولا وبرده ملقيتش اكثر من 50% من استفساراتي
2013 جبت اوكتافيا وبصراحة مدخلتش المنتدي لاني كنت في شغل دائم السفر
2014 جبت جيتا ودخلت المنتدي ملقتش غير 10% فقط عن الاستفسارات اللي في دماغي

عشان كدا اتكلمت لان المنتدي انا بعتبره بيتنا كلنا زيكم كدا تمام لما اتحمقتم اووووي لفكرة اني حشترية توقعتم مثلا اني حشترية واقفله ؟؟؟؟؟؟ واضيع خبرة ومجهود ناس لسنين طويلة ؟ طيب ازاي باي عقلية ؟؟؟؟

متشكر ليكم جدا علي الموضوع الوحيد اللي نزلته وتفاعلتوا معاه بالشكل ده

رد: المنتدي وااااااقع ليه كدا ؟

انا سعيد جدا بان الموضوع فعلا مفيهوش اي سوء نيه واهلا بيك اخ عزيز علينا كلنا
ويا سيدي الفاضل قول كل مشاكلك في العربية واحنا تحت امرك
وليك عندي كمان كشف كامل علي السيارة بالكومبيوتر الاصلي (بتاع التوكيل) علي العربية وبالمجان كمان وتبقي معرفة خير ان شاء الله

رد: المنتدي وااااااقع ليه كدا ؟

اشكرك جدا علي كلامك
منتهي الذوق واتشرف جدا بمعرفتك

رد: المنتدي وااااااقع ليه كدا ؟

عذراً يا أستاذ shooter
فقط نتمنى تفاعلكم أكتر معنا فى بيتنا كلنا : مصر موتورز
بس بجد موضوع أنك تشترى المنتدى, حتى لو على سبيل الدعابه, خلى الناس كلها تتجنن بالضبط زى فكرة الشركات اللى العمال بنوها على كتافهم و فى الآخر تيجى الحكومه تقول خصخصة, ساعتها العمال بيعضوا أى حد بيعدى جنب الشركه.
المنتدى هنا رحلة علم و كفاح و أخوة و عِشرة فترة من عمرنا, و صعب نتخلى عنه لأى حد, أو لإدارة قد تكون سياستها فى الإدارة مختلفه عن أدارة المنتدى و مشرفيه و كل أعضاؤة الحاليين.
مرة أخرى... عذراً
و حضرتك تسأل اللى يعجبك و ربنا يقدرنا و نحاول نفيد