رد: كل شئ عن سيارات اسبيرانزا CHERY SPERANZA M11 , M12
 

بالنسبة للشركة العالمية ( عبد اللطيف جميل ) عندهم تقسيط زيرو ومستعمل ودلوقتي عملوا نظام جديد لتقسيط المستعمل وهو انك مش لازم تشتري النمستعمل بتاعهم ممكن تشتري مستعمل من بره عن طريقك وتجيب صاحب العربية بعد مكون شفتها وعينت الحالة واتفقت علي السعر النهائي وتروحي للشركة صاحب العربية ياخد فلوسه من الشركة وهي تقسط معاك العربية بالنظام اللي يرحك والموضوع بالظبط ساعتين زمن وكل شئ يكون خالص وتمام الاستاذ / احمد هو المسئول عن الموضوع ده في الشركة وطبعا المستعمل اي نوع مش مرتبطين بماركات معينة انت ومزاجك في العربية اللي هتركبها

رد: كل شئ عن سيارات اسبيرانزا CHERY SPERANZA M11 , M12
 

السلام عليكم و رحمه الله و بركاته
انا معايا m12 من سنتين بسم الله ما شاء الله العربية تحفة في كل حاجة بس ليا ملاحظة مش عارف بقى كل المعاه العربية عنده نفس الموضوع ولا لأ , الفتيس تقيل شوية بحس ان لو عديت السرعة المطلوبة للنقل الفتيس بيعلق شوية يعني بين الاول و التاني لو ماشي على اي سرعة تحت العشرين بنقل بس عند سرعة 10 افضل من عند سرعة 15 و هكذا , بين التاني و الثالث نفس القصة اي سرعة قبل 40 بينقل معاك بس عند سرعة 25 اسهل من سرعة 30 , و لو الرابع و الخامس نفس الفكرة , الموضوع ده سألت عليه في التوكيل قالي النقلات مطبعتش على بعض عشان مش بتمشي بالعربية كتير ( مشاويري صغيرة و مش بطلع بيها مسافات كبيرة غير كل صيف مرة او مرتين ) بس مسكتش سألت واحد زميلي في الشغل اخوة عنده تيجوا 1600 قولت اسأله طلع نفس القصة و سأل كذا مره في التوكيل قاله ان النقلات روحها قصير , حصل كمان موقف مره و انا بغسل العربية في البنزينة الكان بيغسل قبلي كان معاه اوبل كورسا فاعدنا نتكلم و بعد كده لقيته بيسأل على الفتيس ناعم و لا تقيل , استغربت ؟؟ و قولتله هو تقيل شوية قالي باين كل اسبرنزا كده انا اخد العربية من ابن عمتي مرة ( A516 ) لقيت الفتيس بيعض شوية و لازم انقل قبل السرعة المعتاده و قلي يعني تاني قبل الـ 20 , و التالت قبل الـ 40 و كده , فهل ده عند كل الناس ولا كان عيب و اتصلح في المودييلات الجديدة ؟؟؟؟؟؟ عشام لو كده اشوف التوكيل حكايته ايه معايا .

رد: كل شئ عن سيارات اسبيرانزا CHERY SPERANZA M11 , M12
 

تقل الفتيس بيكون من الزيت المستخدم والبلية طبعا بالنسبة لعربيتك لما تخلص الضمان اشتري زيت فتيس الماني ونزل الزيت بتاعك كله وحط الالماني جوالي 3 او 3.50 لتر والبلية لو تركب عليها بلية ياباني او skf بس تكون اصلي مش مضروبة هتلقي الدنيا بأت بمبي في الغيارات وتنقل بصباعين بس
انا طبعا هعمل كده بس انا لسه العربية زيرو 2014 وعموما انا مش حاسس بي ده دلوقتي
لان اكيد زيت الفتيس والبلية بتوع التوكيل مش ماركة عالية

رد: كل شئ عن سيارات اسبيرانزا CHERY SPERANZA M11 , M12
 

كنت محتاج استفسر منك يا باشا على استهلاك العربية للبنزين بما انها 1600 سى سى و البورار هورس بتعها 117.

رد: كل شئ عن سيارات اسبيرانزا CHERY SPERANZA M11 , M12
 

فولت 55 لتر بالاحطياتي وماشي 300 كيلو والامبير بتاع البنزين بقي دلوقتي علي شرطة النص بالظبط يعني لو كملت 550 كيلو يبقي ممتاز علي 1600 سي سي خصوصا اني لسه ملا سفرتش بيها علي طريق سريع يعني كله دخل القاهرة يبقي ممكن توصل 600 او 650 كيلو لو خارج المدينة علي طريق سريع

رد: كل شئ عن سيارات اسبيرانزا CHERY SPERANZA M11 , M12
 

يعنى انت شايف يا medo_nice ان استهلكها للبنزين كده كويس..!! وطمنى على اخبار العربية معاك و ايه رايك فيها بصراحة من حيث مميزتها و عيوبها عشان كنت بفكر اجبها بس لسه محتار شويه.

رد: كل شئ عن سيارات اسبيرانزا CHERY SPERANZA M11 , M12
 

مع الاسف الي بمصر فقط مانيوال

الي موجودة عندنا بالعراق فقط اتوماتيك

1800 سي سي مع فيتس هونداي النترا

2000 سي سي مع فيتس رينو DPO

تحياتي

سيف

العراق