|
رد: ماهى عيوب و مميزات ابيزا 94
يا جماعة انتو خرجتو من موضوع ابيزا 94
ايه ميزاتها وعيوبها |
رد: ماهى عيوب و مميزات ابيزا 94
الابيز ا 94 من أجمل السيارات اللي نزلت من سيات موتور 1300 55 حصان جر امامي وكانت بتنزل بموديلين clx &glx
glx الأعلي في الكماليات بتزيد عن ال clx جنوط 14 ، كاوتش 14 ، زجاج كهرباء ، سنتر لوك ، اكصدامات بلون العربية ، كونصول بين السائق والراكب الامامي ، فرش مخمل مع 4 مساند رأس ، جزء من الفوانيس الخلفية مظلل ، عواكس على الشنطة و فوج لايت أمامي. ده بالنسبة للمواصفات الفنية اما العيوب فلا يوجد عيوب شائعة لهذا الموديل من السيات الميزات نعومة فائقة ثبات رائع سرعة قصوي 170 كم / ساعة تسارع مش بطال قطع غيار متوفرة اسعارها متوسطة مثلا اسطانة ودسك وبلية 550 جنيه فاليو 750 جنيه ساكس سلك دبرياج 75 جنيه تيل فرامل امامي من 80 ل 150 حسب النوع الموبينة هي اغلي قطعة فيها تمنها حوالي 750 جنيه هيلا الماني بس قطع الغيار الاصلية معمرة جدا وبتعيش تحياتي |
رد: ماهى عيوب و مميزات ابيزا 94
يااخوانى ليه ماحدش رد عليه برجاء الرد من فضلكم ممكن الاقى ابيزا بحالة جيده ب20000 لان هذا كل مامعى
|
رد: ماهى عيوب و مميزات ابيزا 94
لا يا باشا للاسف 20 الف هتجيب واحده كويسه بس هتكون سيستم بورش و دي موديل 92 و دي ملهاش قطع غيار هنا اما موديل 94 فا 20 الف متجبش ابيزا 94 بحالة جيدة نهائيا الحالة اللي حضرتك بتقول انك عايزها انها تكون جيدة جدا و لا تحتاج لاي مصاريف لازم تزود علي الاقل من 8-10 الاف جنيه عشان تكون بالحالة دي انما 20 مستحيل للاسف
|
رد: ماهى عيوب و مميزات ابيزا 94
السلام عليكم ورحمة الله وبركاتة..
ممكن اسأل اذا كانت الابيزا افضل ولا الكسيل ؟؟؟ وهل ممكن اعرف اجيب احدهما من سوق السيارت بسعر كويس ولا لأ؟؟أ |
رد: ماهى عيوب و مميزات ابيزا 94
يا اخواني استاذ طارق صقر واستاذ محمدابيزا ممكن تردوا عليا
|
رد: ماهى عيوب و مميزات ابيزا 94
والله المفاضله بين العربيتين عشان اديكي رأي صح لازم تقولي احتياجاتك
بس في رايي الابيزا تكسب كأعتمادية و ثبات علي السرعات الاكسيل ثباتها مش حلو يعني اخرها 100 120 و ثباتها بيقل جدا بعد كده الاكسيل مش معمره زي الابيزا و ده شئ اثبتته التجربه و الزمن قطع غيار الابيزا اغلي من الاكسيل بس ده لانها قطع غيار الماني و اسباني و الاتنين قطع غيارهم متوفره و بكثره الابيزا عربية شبابي او تناسب عيله صغيره و شنطتها مش واسعه زي شنطة الاكسيل شوفي حضرتك احتياجاتك ايه و الاكسيل عربية معقوله مش وحشه بس لو هتاخديها تحافظي عليها و متسهيش علي صيانتها عشان تمشي كويس معاكي |
| الساعة الآن 03:12 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017