رد: تركيب نظام نيتروس
 

الله يخليك يا باشا:)

انا جايب الفيديو من اليو تيوب مش من موقع كنت اعد بدور و لقيته و ملاحظ الماسوره انا قصدي بس اقول ان التربو ممكن يطلع اضعاف قوة الموتور مش 30-40% بس من قوته

الابيزا ال tdi دي اكيد 1900 تربو ديزل مش رافع كتير علي فكرة لان المكنة دي 130 حصان و فيه مكنة تانية ديلز 1900 160 حصان و فيه 1400 برضه ديزل

chip سبور اكيد ptmnlo123per144

رد: تركيب نظام نيتروس
 

ما هو التربو مع الكولد أير أنتاك مع شيباية مع شكمان سوبر سبرنت مثلاً هما اللى يعملو الفرق اللى انت بتتكلم عليه.....بس تربو لوحده معتقدش يعمل الفرق العالى ده...........على حد علمى يعنى

رد: تركيب نظام نيتروس
 

أفرح يا أبيزا........زقطط يا أبيزا

كلامك ممكن يكون صحيح بنسبة كبيرة

ده جزء من مقال عن التربو و بيقولو فيه أن فيات عرفت مؤخراً تعمل محرك 1.4 بتربو و بدل ما كان بيطلع 90 حصان طلع 150.....يعنى زيادة 66%...........بس مش كاتبين أن حد عرف يوصل ل 100% بتاعة الأبيزا اللى فى الفيديو


ومما لاشك فيه أن تقنية شحن الهواء
القسرية (التيربو)، ساهمت وبشكل فعال في زيادة قوة المحركات وتحسين أداؤها من دون
زيادة فعلية في استهلاك الوقود، وقد ساهمت التحسينات والتطويرات على المحركات
وأجهزة التيربو في رفع عدد السيارات التي تستعمل التيربو، فمع استعمال التيربو
يمكن الحصول على طاقة (استطاعة) من محرك صغير توازي الطاقة التي يولدها محرك
متوسط، دون رفع الوزن أو زيادة في الحجم، ومن المتوقع انتشار محركات التيربو في المستقبل
بشكل كبير جداً، ونذكر على سبيل المثال لا الحصر أن فيات الإيطالية قد طورت محرك
بنزين بسعة 1.4 لتر، ستستعمله في سيارتها الصغيرة والمتوسطة المقبلة، يمتاز بصغره
وبنسبة استهلاكه المنخفضة للوقود وباستطاعته المرتفعة جداً، إذ يستطيع هذا المحرك
الصغير توليد طاقة (استطاعة) تصل إلى 150 حصاناً! بفضل التقنيات الحديثة وشاحن
الهواء، وهذا الاستطاعة كان لا يمكن الحصول عليها في الماضي القريب من محرك تقل
سعته عن اللترين، كما أن محرك بنفس السعة والحجم كان من دون شاحن هواء، كان يولد
في الماضي القريب جداً استطاعة تصل في حدها الأعظم إلى 90 حصاناً.

رد: تركيب نظام نيتروس
 

احلي ما فيك ان حتي في وقت الاختلاف هادي و حوارك حلوptmnlo123per122

ده اللي بقول عليه يا باشا و مع وجود التربو و الكوولر لو فيه ووتر انجكشن و الfuel اوكتان اعلي وليكن 95 او 98 او ميثانول الخرج بيبقي اعلي و الحرق بيبقي رهيب ptmnlo123per154

رد: تركيب نظام نيتروس
 

رد: تركيب نظام نيتروس
 

أنا عارف إن ردي متأخر شوية '' كتير ''

لكن أنا لما قلت إن آخر التربو 40% من قوة الموتور الستوك كنت بأتكلم عن موتور غير مصمم للتربو وأضفنا عليه تربو كت ومش عايزين ندمره بعد 2000 أو 3000 كم لذلك مش هنفتح بوست عالي وإلا هتلاقي البيلات طايرة من الكبوت
زي ما حصل في الجتز التربو اللي مكملتش اسابيع و الموتور اتكسر !

موتور الفيات اللي بيطلع 150 حصان مختلف تماما عن الموتور اللي بيطلع 75 حصان من كل حاجة داخليا وخارجي ومصمم علشان يكون عليه بوست عالي بيشتركوا بس في السعة اللترية

معنى كلمة بوست هي مقدار الضغط اللي بينتجه التربو داخل الموتور ووحدة قياسه هي وحدة قياس الضغط PSI أو bar '' Bar = 14.7 PSI''

رد: تركيب نظام نيتروس
 

محمد باشا ابيزا
اخبارك ايه
معلش عندى سؤال
نظام التربو كامل لو هركبو على ابيزا94 موتور1300 كاربرتير هل هينفع ولا لا وايه الحاجات اللى هتتغير والتكلفة هتبقى فحدود كام وهل فعلا التربو بيقضى على الموتور ولا لا