مصر موتورز مجتمع السيارات - علاج الصداء والبارومة بمعجون الفايبر

اقتباس:

المشاركة الأصلية كتبت بواسطة AbOnOrA (المشاركة 893445)

تسلم ايدك على الافادة يا استاذ ايمن طيب ممكن نتعبك معانا وتدينا فكرة عن باقى المواد اللى استخدمت فى الفيديوهات

يعنى معجون الفيلر والمادة المصلبه والحاجات ديه اسعارها ايه والواحد يجيبها منين

اولا المعجون الفايبر بلغة الصنايعيه (معجون الشعر ) زيو زي اي حاجه في الدنيا ليها انواع رخيصه وانواع غاليه حسب البراند
ثانيا مبيقشرش الا لو اللي معجن كان غشيم يعني نزل علي زفاره علي صدأ علي تراب لازم نطهر تحتيه قبل ما نمعجن
ثالثا بيكون بديل افضل من السمكره في بعض الحالات وخصوصا لو براند غالي لانه بيقلب حديد زي شفف البربريز الامامي والخلفه لانه لو اتعملت سمكره مبتتجلخش صح وبتكون الشفف حاميه علي كاوتش البربريز وممكن تكسره البريبريز كمان وموفر للوقت ومش محتاج تحل سروجي او كده انما لو استخدمت الاكسجين في اماكن بتحتاج تفك الفرش علشان النار مطولهاش
رابعا بيكون في بعض الاوقات افضل من السمكره علي اساس ان اللحامات سهلة التأثر بالبارومه وخصوصا في الصاج المجلفن المعالج ضد الصدأ
وللعلم ليا واحد جاري معاه بيجو 505 كان شاريها مركونه والسقف مصدي ومنمل من الشمس بسبب ركنتها وساعتها من ست سنين معجنه السقف معجون فايبر ولحد دلوقتي لا تشقق ولا فلق ولا حصله اي حاجه السقف