مصر موتورز مجتمع السيارات - بسرعه من فضلكم بخصوص اوكتافيا 1.4 تيربو الشكل الجديد

مصر موتورز مجتمع السيارات (https://www.masrmotors.com/vb/index.php)

- سكودا skoda (https://www.masrmotors.com/vb/forumdisplay.php?f=19)

رد: بسسرعه من فضلكم بخصوص اوكتافيا 1.4 تيربو الشكل الجديد

اقتباس:

المشاركة الأصلية كتبت بواسطة sherifabden (المشاركة 892536)

كلامك كويس ومضبوط بس ليا ملاحظة على حتة ان التربو بيستهلك بنزين زيادة لان العكس صحيح
التريو بيقلل استهلاك البنزين وفي نفس الوقت بيطلع هورس باور عالي في نفس الوقت

انا معلوماتي على قدي بس كنت قريت قبل كده ان فيه نوعين تربو .. تربو الديزل في العربيات الكبيرة و ده اللي بيوفر بس مش بيدي اضافة للاداء .. و تربو البنزين او التربو بتاع المركبات الرياضية و ده بيزود في الاداء بس بيفرم بنزين .. ياريت لو حضرتك تصحللي المعلومات و يا سلام لو تشرحلنا باستفاضة شوية في الموضوع اكون شاكر جدا ليك

رد: بسسرعه من فضلكم بخصوص اوكتافيا 1.4 تيربو الشكل الجديد

اقتباس:

المشاركة الأصلية كتبت بواسطة طارق عبد السلام (المشاركة 893576)

الشكل الجديد العربيه اختلفت اختلاف كلى بقت كده حاجه رائعه وكماليات اعلى وشيااااااااااااااكه وقوه الاسكودا هو بس رعب الناس من الفتيس فقط لكن لازم يكون الموضوع تم حله حتى فى الضمان الطويل على الفتيس

اقتباس:

المشاركة الأصلية كتبت بواسطة طارق عبد السلام (المشاركة 893581)

http://img3.avtolog.com/e14/skoda/octavia-2013.jpg

http://img5.avtolog.com/e11/skoda/octavia-2013.jpg

http://img2.avtolog.com/e8/skoda/octavia-2013.jpg

استاذ طارق الشكل ده الى فى لصور لسه منزلش مصر اصلا وهو كده كده اشيك من الى عندنا ولو كنت حضرتك بتتكلم على الى فى مصر فمهما كانت غاليه برضه جدااااااااااا وعلى فكره شكلها متغيرتش وهى هى اما الشكل الى فى الصور ده لسه منزلش مصر الى عندنا العادى بس اتغير الماتور ل 1.4 سى سى تربو بس مفيش اى تغير تانى

رد: بسسرعه من فضلكم بخصوص اوكتافيا 1.4 تيربو الشكل الجديد

اقتباس:

المشاركة الأصلية كتبت بواسطة Ahmed AlGamal (المشاركة 893588)

محركات الديزل بشكل عام استهلاك الوقود فيها اقل من محركات البنزين
والتربو اتعمل في محركات الديزل علشان عيب مشهور في محركات الديزل وهوا ان تسارعها بطئ نسبيا علشان كدا التربو اتعمل في محركات الديزل
اما التربو في محركات البنزين اتعمل علشان يزود القوة الحصانية ويقلل حجم الماتور
وابسط مثال على كدا محركات الـTSI يعني تلاقي ماتور 1400 سي سي ومطلع 160 حصان ودي طبعا قوة حصانية عالية جدا وبتتساوى مع المحركات الاكبر حجما
لكن التربو مش بيزود استهلاك البنزين كل اللي بيعملوا انه بيضخ هواء زيادة للمحرك وبالتالي بيزود الضغط داخل غرف الاحتراق في المحرك ودا بينتج عنه قوة وزيادة في الاداء مع الاحتفاظ بمعدلات استهلاك الوقود عند مستوى منخفض
لكن يعيب التربو انه بيقلل العمر الافتراضي للمحرك وكمان في مصر صيانته مش سهلة لان مفيش ميكانيكية كتير بيفهموا في التربو
وعلى فكرة التربو مش مرتبط بالضرورة بالسيارات الرياضية دلوقتي في عربيات سيدان كتيرة جدا بستخدم التربو الايام دي

رد: بسسرعه من فضلكم بخصوص اوكتافيا 1.4 تيربو الشكل الجديد

الي الاستاذ اللي بدبي شكرا علي ردك الكريم بس سعر السياره رقم واحد الشكل الجديد ها يكون 93000 درهم و رقم 2 ي 85000 و رقم 3 ب 75000 الاسعار دي من علي و اولاده بابوظبي و الشكل القديم 2013 ب 81000 رقم واحد ده طبعا غير الجمرك لما تنزلها مصر
بس برضه انا لسه محتار فهل من مزيد من المعلومات من الاخوه الأفاضل خبراء الموقع اجيب ايه ؟؟؟؟

رد: بسرعه من فضلكم بخصوص اوكتافيا 1.4 تيربو الشكل الجديد

لو عايز عربية ماتورها قوي بغض النظر عن نوع الوقود والصيانة هات الاوكتافيا التي اس اي
اما بقا لو يهمك حتة الصيانة دي هات الاوكتافيا 1600 الماتور القديم
وفعلا الماتور 1600 في الاوكتافيا ضعيف شوية بس دا في الطلعة بس انما بعد ال80 هتلاقي وحش على الطريق ودا ينظبق على العديد من العربيات الالماني
وعلى فكرة الشكل الجديد لسا منزلش وانصحك متستنهوش لانه هينزل بسعر غالي اكيد زي اللي حصل مع السيراتو والكارينز
ومبروك مقدما

رد: بسرعه من فضلكم بخصوص اوكتافيا 1.4 تيربو الشكل الجديد

الشكل الحالى بالمحرك ال 1400 سى سى تربو وصل فى مصر هاى لاين ل 250 الف

بالنسبة للبنزين ............جميع محركات ال tsi 1400 سى سى تربو من فولكس فاجن 122 حصان نفس المستخدمه فى الفانتازيا الحالية فى مصر و الجيتا تستخدم بحد اقصى بنزين 92 بدون أى ضرر على المحرك

والفانتازيا الشكل الجديد لما تنزل مضر هتنزل بنفس المحرك الحالى فى مصر اللى هو ال تربو 1400 سى سى

تحياتى