مصر موتورز مجتمع السيارات - مقارنة شاملة بين هيونداي النترا وكيا نيوسيراتو واوبل استرا حصريا على مصر موتورز بالصور والمواصفات والاسعار

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

رد: مقارنة شاملة بين هيونداي النترا وكيا نيوسيراتو واوبل استرا حصريا على مصر موتورز بالصور والمواصفات والاسعار

اقتباس:

المشاركة الأصلية كتبت بواسطة Toyota Corolla (المشاركة 895229)

اطربنا كماااااان و كمااااان الله ينور :THUMB_~112: ، بس مش عيب برضه تقارن الاسترا معاهم 444546

دا كان زمان يا برنس ... دلوقتي مفيش فرق بين الكوري والالماني في عربيات معينة

عندك النيو سيراتو موتور 130 حصان ومليانة اوبشنز وواخدة تقييم 5\5 في وسائل الأمان وجودة التصنيع

تقدر تقولي ايه الفرق بينها وبين الاسترا دلوقتي ؟ :crying:

لو العربيات الكوري بتنزل بنفس مواصفات بيعها في الاسواق الاوروبية هتبقا احسن من الالماني والياباني
يعني عربية زي السيراتو دي بتنزل بره باكتر من 6 ايرباج لكن في مصر 2 ايرباج وفي اعلى فئة كمان
وهيا دي مشكلة الكوري في مصر

موضوع متميز

اقتباس:

المشاركة الأصلية كتبت بواسطة sherifabden (المشاركة 896013)

الله ينور عليك يا برنس هو دا الكلام ..
إنما لو فعلاً زي الاسواق الاوروبية اعتقد حيبقى سعر الكوري جحيم اكتر ماهو جحيم
عموماً انا في الوقت الحاضر مش بقتنع بحاجة اسمها كوري والماني وفرنساوي ..
انا ببص للتجهيزات وقوة الموتور ووسائل الأمان وبردو جودة التصنيع
:140109~347:

اقتباس:

المشاركة الأصلية كتبت بواسطة برنس الليالي (المشاركة 896080)

المشكلة في الجمارك لانها بتفرض جمرك زيادة على اي حاجة في العربية
يعني كل ايرباج عليه فلوس
كل نظام امان عليه فلوس ودا طبعا غباء وتخلف وطبعا التوكيلات بتضطر انها تقلل عدد الايرباجات علشان السعر
وطبعا هما عارفين ثقافة المستهلك المصري اللي بينجذب ناحية الشكل والاوبشن علشان كدا بيقللوا وسائل الامان ويزودوا الكماليات
لكن لو سياسة المستهلك المصري انه بيهتم بوسائل الامان في المقام الاول كانت العربيات في مصر نزلت باحسن مواصفات امان

اقتباس:

المشاركة الأصلية كتبت بواسطة برنس الليالي (المشاركة 895982)

انا مش بتكلم علي الاوبشنز ماهو الصيني مليان هو كمان ولا بتكلم علي الموتور عشان اللي بيختار عربية علي اساس موتورها ده انساس سطحي و يا فرحتي بموتور 500 حصان بس مش هيعمر زي موتور 200 حصان بس قصدي ان جودة الكوري و العمر الافتراضي لكل قطعة غيار في السيارة استحالة تتشابه مع الالماني و مش هتصدق كلامي دلوقتي بس هتصدقوا كمان 6 او 8 سنين لما تشوف حالة الاسترا و حالة السيراتوا من نفس موديل السنة و كل عربية حصلها اعطال ايه . :CHUBBY~36:

اقتباس:

المشاركة الأصلية كتبت بواسطة Toyota Corolla (المشاركة 896130)

للمرة المليون انا بقول ان اللي بيحدد العمر الافتراضي للعربيات هوا طريقة الاستخدام
وثانيا قطع الغيار الاستهلاكية اللي بتتغير كل شوية (الفلاتر والسيور وتيل الفرامل) بتتغير على حسب الاستخدام برضه
وعلى فكرة بخصوص الاعطال اكيد حضرتك عندك فكرة عن اعطال السيارات الالمانية وما ادراك ما اعطال السيارات الالمانية دا غير ان اعطالها صعب تتحل بره التوكيل لانها معقدة تكنولوجياً واكيد طبعا حضرتك قريت الدراسة المشهورة اللي تاكد ان العربيات الالماني اكثر العربيات المعرضة للاعطال
انما العربيات الكوري اعطالها مش كتيرة ولو حصل عطل مش بيبقا بتعقيد عطل الالماني وتقدر تعمله عند اي حد
بس طبعا دا مش معناه ان العربيات الكوري احسن من الالماني
زي ما في مميزات في الالماني مش موجود في الكوري
في برضه مميزات في الكوري مش موجودة في الالماني