المشاركة الأصلية كتبت بواسطة ahmedraafat00 (المشاركة 891101)

شكرا يا باشا عالرد والاهتمام
طيب هل استهلاك البنزين فى التسخين من ربع الى نص لتر ده بالنسبه للعربيات ال1600 سى سى ولا ال2500 ؟ عشان لو حضرتك بتتكلم عال 1600 يبقى اعتقد انا ممكن الاستهلاك يكون الضعب يعنى مثلا لتر ولا حاجه وساعتها يبقى امر طبيعى ومقبول

هوه انا الخروجه الجايه هشيك على هوا كل الكاوتش و هزود زيت لانه ناقص شويه وهسوق بهدوء ومش هحرق ومش هسخن كتير وهشوف النتيجه هتبقى ايه لو فضلت نفس المشكله هتطر أسفا انى ألجأ للميكانيكى
بالنسبه للفرامل فهي كويسه والاسطوانه من حوالى شهرين الميكانيكى كان فاكك الفتيس وقالى كويسه بس غيرنا ديسك
وشكرا يا فندم على موضوع تقليل استهلاك البنزين الاكثر من رائع

المشاركة الأصلية كتبت بواسطة borio1704 (المشاركة 891571)

لا شكر على واجب... احنا هنا علشان نستفيد من خبرات بعض، وزي ما حضرتك استفدت من الموضوع... أنا كمان استفدت كتير من مواضيع أعضاء محترمين تانيين.


بس فيه حاجة حضرتك لفت نظري ليها.... هو الزيت بينقص ليه؟؟؟؟

هو الموتور عزمه كويس؟؟؟ السحب تمام؟؟

أنا شاكك إن يكون الموتور عايز نص عمرة... غالبا ممكن يكون فيه مشكلة في الكبس والشنابر عايزة تتغير


الباشمهندس عمرو السيسي (amr elsisi 1) كتب موضوع ممتاز في المسألة دي... هتلاقيه في الوصلة دي:
http://www.masrmotors.com/vb/showthread.php?t=90049

ممكن ترجعله وهو يفيدك أكتر



...

المشاركة الأصلية كتبت بواسطة ahmed_eng2001 (المشاركة 891671)

ربنا يكرمك و تصلح العيب ده قريبا
و احنا متابعين معاك

تحياتى للأستاذ Borio 1704 و انا كمان استفدت من حضرتك كتير :)

المشاركة الأصلية كتبت بواسطة ahmedraafat00 (المشاركة 891279)

شكرا يا استاذ مجدى عالرد والاهتمام
بس غريبه ان عربيه حضرتك ال1600 تعمل فى الصفيحه 60-80 كيلو :thnkr:
واضخ ان استهلاكنا قريب من بعضه مع الاخذ فى الاعتبار بفرق الموتور
بس ممكن حضرتك توضحلى ليه امشى 80 كيلو ؟ المشكله انى معنديش مشاوير طويله ومفتوحه و80 كيلو جوه البلد اكيد كتييييير اوى وهتخنق ومش هكملهم برده :(

المشاركة الأصلية كتبت بواسطة Vanditta (المشاركة 892572)

فول وصفر العداد واطلع مشوار 80-100 كيلو طريق مفتوح وفول تانى وشوف خدت كام لتر
كدة دى اقرب طريقة لحساب الاستهلاك

عايز اقولك عربيتى بتعمل من 180-200 كيلو فى الصفيحة (فى الزحمة وبنقل على 3-4 ار بى ام على طوول )
جربت اهدى طريقة السواقة شوية ومشوارين رايح جاى بتاع 100 كيلو 80 فى المية منهم طريق سريع وحسبت الاستهلاك لقيت العربية عملت معايا بتاع 300 كيلو فى الصفيحة

عربيتى 1000 سى سى 3 سلندر