مصر موتورز مجتمع السيارات - محتاج نصيحتكم فى الحادثة دى

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - محتاج نصيحتكم فى الحادثة دى (https://www.masrmotors.com/vb/showthread.php?t=112660)

رد: محتاج نصيحتكم فى الحادثة دى

http://a7lashare.com//uploads/images...b99a344247.jpg

دى بعض أسعار قطع الغيار

رد: محتاج نصيحتكم فى الحادثة دى

قدر الله وما شاء فعل......اذا كان بيعها على حالتها ده كحوادث حيريحك من التعب بيع اأنها حتكلف فلوس و وقت و تعب و مش حترجع زى الأول... ربنا يوفقك

رد: محتاج نصيحتكم فى الحادثة دى

اقتباس:

المشاركة الأصلية كتبت بواسطة mekawi2001 (المشاركة 877917)

انا الحمد لله عملت حادثة بالعربية بتاعتى كنت مشتريها من الصعيد هي كسر زيرو موديل 2013 عاملة 5000 كيلو و انا راجع قلبت بيها اخدت العربية على التوكيل قالى متنزلهاش من على الونش لانها توتال لوس للاسف انا كنت لسة مشتريها فى نفس اليوم فملحقتش حتى انى ائمن عليها فانا مش عارف اعمل اية ياترى ابيعها كدا ولا اصلحها و اركبها انا جبت سمكرى لقيتو بيقولى هياخد 7000 جنية مصنعيات و انا هجيبلو حاجتها انا شايف انها هتغير سقف كامل و بابين يمين و رفرفين يمين و كبوت و اكصدام قدام و محتاجة زجاج كامل (امامى و خلفى و للاربع ابواب ) بس انا مش عارف اذا كانت عايزة حاجة فى الميكانيكا ولا لا.
انا عايز حد يعرفنى بتاع قطع غيار يكون سعرة كويس لان الفلوس يعنى ماثرة معايا شوية لانى كنت لسة مشتريها و دافع فلوسها فى نفس اليوم كاملة علشان اعرف هى هتتكلف كام علشان اعملها ميزانية كمان لو حد يعرف واحد بتاع سمكرة و دوكو بس المهم يكون كويس و يكون حد جرب شغله لانى لفيت كتير و معلش كلهم فنجرية بق يقولك انا هرجعلك كل حاجة تانى فابريكة و هعملك كذا و كذا و لما تشوف شغلو(وانا مش خبير) احس ان الشغل شكلو بايظ و لما تسالهم بيتحججو واحد يقولك اصل الزبون جايب بوية وحشة و التانى يولك اصل الزبون كان مستعجل فمخدشحقها فى الشغل و الثالث يقولك دة انت مشفتهاش قبل لما تدهن كانت عاملة ازاى امال انا جايبها لسعادتك لية علشان تطلعها بايظة و تعقد تقولى دة كدا بقت مية مية
طبعا الحمد لله كلو قدر و الحمد لله انا راضى و صابر و ان شاء الله يخلف عليا بالحلال فلو حد عندو نصيحة يقدر ينصحنى يبقى جزاة الله خير و يجعلو فى ميزان حسناته
انا حاطط صور العربيه لو حد عايز يشوفها علشان يقدر يقيم الوضع و شكرا ليكو
أحمد

الف حمد الله على سلامتك و ربنا يصبرك
استعوض ربنا فيها و بيعها فى ناس متخصصه لشراء هذة السيارات
الصنايعية مفيش أسوأ منهم و هتصرف و مش هترجع كما كانت و هتبيعها
يبقى بيعها من الاول و ربنا يعوضط باحسن منها ( لا تزعل منى )
انا شديت عربية و رجعت بعتها و زودت الخساير الحق نفسك .

رد: محتاج نصيحتكم فى الحادثة دى

ربنا يصبر حضرتك بجد

رد: محتاج نصيحتكم فى الحادثة دى

ربنا يخلف عليك بالخير
نصيحة لله بعها في ناس متخصصة في شراء سيارات الحوادث
وعمرها ماحترجع زي الاول الا لوصرفت كتير
ثمن التصليح في حدود 25
وثمنها علي كدة 20 او 25
والله اعلي واعلم
قال تعالى{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.

رد: محتاج نصيحتكم فى الحادثة دى

اقتباس:

المشاركة الأصلية كتبت بواسطة ahmedsimo14 (المشاركة 878580)

ربنا يصبر حضرتك بجد

كتر الف خيرك على شعورك الطيب

رد: محتاج نصيحتكم فى الحادثة دى

اقتباس:

المشاركة الأصلية كتبت بواسطة elbagory2020 (المشاركة 878367)

http://a7lashare.com//uploads/images...b99a344247.jpg

دى بعض أسعار قطع الغيار

شكرا ربنا يكرمك بس ممكن سوال هو اﻻسعار دى فى التوكيل وﻻ برة ولو برة في عنوان ليهم او رقم تليفون اقدر اكلمهم علية؟ بكرر شكرى