مصر موتورز مجتمع السيارات - ايه خطورة وضع بنزين 80 للسيارات الحديثه

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - ايه خطورة وضع بنزين 80 للسيارات الحديثه (https://www.masrmotors.com/vb/showthread.php?t=108086)

رد: ايه خطورة وضع بنزين 80 للسيارات الحديثه

كدة وجهات النظر تلاقت في نقطة واحدة :14FEAD~151: أشكرك على معلوماتك و أتمنى إن يكون صاحب الموضوع كمان إستفاد

رد: ايه خطورة وضع بنزين 80 للسيارات الحديثه

اقتباس:

المشاركة الأصلية كتبت بواسطة Sameh Ragih (المشاركة 842972)

كدة وجهات النظر تلاقت في نقطة واحدة :14FEAD~151: أشكرك على معلوماتك و أتمنى إن يكون صاحب الموضوع كمان إستفاد

انا اللى بشكرك لاثراء الموضوع بالمناقشة الهادفة والمحترمة

رد: ايه خطورة وضع بنزين 80 للسيارات الحديثه

:fun_36_1_39[1]:mr_astra:fun_36_1_39[1]:
ادعم تثبيت الموضوع
وكان نفسي انة يحمل اسمك من الخارج
واحب اقول فعلا طالما الموتور لم يسقف يبئي خليك علي هذا النوع
وقصة قصيرة كدة
اخي معة ام 12 استغربت جداا لما لاتها بتسقف رغم انه يمون 92
وكنت حعمل مشكلة مع التوكيل
رضو عليا وقالو هذة السيارة مخصص لها 93 او 94 مش فاكر بالظبط
ولما بحثت شوية وجدت بعض الاشخاص من مالكي ام 11
رافعين قضية علي ابو الفتوح لاستيرادة سيارة غير مطابقة للمواصفات المصرية
:fun_36_1_39[1]:

رد: ايه خطورة وضع بنزين 80 للسيارات الحديثه

اشكرك شكرا جزيلا يا باش مهندس عمرو

رد: ايه خطورة وضع بنزين 80 للسيارات الحديثه

اقتباس:

المشاركة الأصلية كتبت بواسطة mr_astra (المشاركة 842844)

والله ابدا ابدا يا جماعة
لا البنزين 80 فية شوائب ولا الـ 92 نقى

طب ادونى فرصة بس اشرحلكم وجهه نظرى بعد بحث طويل فى الموضوع دة

اولا مصر مش بتستورد بنزين من الخارج ولا حتى دول الخليج
وانما بتعتمد على الانتاج المحلى من البنزين
البنزين فى صورتة اولالى واحد الـ 80 والـ 90 والـ 92 والـ 95
اللى بيفرق بنهم هو المادة اللى بتتحط وبتدى رقم اوكتان للبنزين
يعنى البنزين فى صورتة الاولى واحد ولكن الاضافة اللى بتتحط ودى بنستوردها من الخارج هى اللى بتدى رتبة للبنزين وبتخلية اما 80 او 92
يبقى كدة شبهة النقاء والرواسب مش موجودة اطلاقا
وبكدة الاجزاء المتعاملة مع سائل البنزين هى فى امان
وهى
تانك البنزين
طلمبة البنزين
خراطيم السحب
فلتر البنزين
مسطرة الرشاشات
الرشاشات
كدة البنزين وصل لغاية غرف الحريق ودى النقطة المحورية والهامة فى قصتنا
وهنا بجد الفرق بيبان جدا بين بنزين 80 و92
عشان نتكلم والصورة تبقى واضحة
لازم نعرف ان كل محرك لة نسبة انضغاط وهى بكل بساطة
النسبة او الحجم المزاح من اول ما البستم بيكون فى النقطة الميتة السفلى وبين النقطة الميتة العليا
ولو جينا نكتبها فى صورة معادلة هانقول ان
نسبة الانضغاط = الحجم المزاح + حجم غرفة الحريق مقسوم على حجم غرفة الحريق
وكل لما النسبة دى زادت يبقى بنزين الـ 92 مناسب او الامثل ليها
تعالو ندى مثال
العربيات القديمة مثل الفيات وموديلات التسعينات كانت نسبة الانضغاط هى 8:1
فى الحالة دى احسن بنزين هو بنزين 80 وبنزين 92 هو مضيعة للمال

انما فى العربيات الحديثة اللى نسبة انضغاطها 10:1 بنزين 80 لا يصلح ليها وانما الامثل هو بنزين 92

طب اية الفرق بين الـ 80 والـ 92
هو قدرة البنزين على عدم الاحتراق المبكر تحت تاثير الضغط
يعنى نفهم من كدة ان بنزين 80 بيتحرق تحت الضغط اسرع من الـ 92
الاجابة نعم
وهو دة اللى بيعمل ظاهرة الصفع او ( التسقيف)
كلنا عارفين ان افضل توقيت للاشعال هو لما يكون البستم فى النقطة الميتة العليا او بعدها بقليل جدااااا
وفى حالة نسبة الانضغاط العالية مع استخدام بنزين 80 بنلاقى ان البنزين انفجر قبل وصولة للنقطة الميتة العليا مما يسبب قوة ضغط عكسية على سطح البستم وبالتالى يبقى البستم لسة فى مشوار الضغط ويلاقى قوة ضغط عكسية مما يسبب فى سماع صوت التسقيف

انما فى حالة استخدام بنزين 90 بيحصل الاشتعال فى المعاد المقرر والمناسب
الموضوع دة اتكلمنا فية كتير
وعشان كدة بطلب من الادارة تثبيت الموضوع
ودى اول طلب لية فى تثبيت موضوع او رد
وانا جاهز لاى سؤال

الله يبارك فيك،،
ولكن أنا مختلف مع حضرتك فى موضوع "افضل توقيت للاشعال هو لما يكون البستم فى النقطة الميتة العليا او بعدها بقليل جدا"
والصحيح قبلها وليس بعدها.
والتسقيف ناتج عن انفجار الخليط قبل وصوله الى النقطة العليا لعدم تحمله للانضغاط العالى، ولكن فى الظروف العادية الخليط يشتعل ولا ينفجر.

رد: ايه خطورة وضع بنزين 80 للسيارات الحديثه

اقتباس:

افضل توقيت للاشعال هو لما يكون البستم فى النقطة الميتة العليا او بعدها بقليل جدا"

حضرتك متخيل الوقت الزمنى اللى بيستغرقة حساس الكامة او الكرنك
ويدى اشارة للكنترول يونت
والكنترول يونت يدى اشارة الى ملف الاشعال
وملف الاشعال يدى شرارة تمشى فى سلك طولة ممكن يوصل الى 60 سم وبعدها البوجيهات
الطريق الطويل دة كولة ما ياخدش
خمس درجات على اقل تقدير من مشوار البستم
بيتم ظبط الشرارة قبل وصول البستم للنقطة الميتة العليا
لكن عمليا بيتم او تستنتج الشرارة او تحدث الشرارة والبستم عدى النقطة الميتة العليا

رد: ايه خطورة وضع بنزين 80 للسيارات الحديثه

كلام مستر استرا طبعا من الاخر

بس فى ملحوظة بس يا جماعة بالنسبة لنضافة البنزين

انا والله كتير جدا بحط بنزين 92 والعربية بتسقف بردة

فالسبب فى كدة ان اغلب البنزينات عندنا للاسف معدومة من الضمير ومفيش رقابة ولا اى نيلة وحاجة توجع القلب وكان العربيات دى سرقنها

يأما تلاقى تنكات البنزين مليانة وساخة وعك ياما تلاقى الى غاشش البنزين وحاطت علية مياة يأما الى تلاقية تنكاتة بترشح ومخرمة وحالتها حالة