مصر موتورز مجتمع السيارات - تحذيرهام وعاجل جدا

مصر موتورز مجتمع السيارات (https://www.masrmotors.com/vb/index.php)

- استراحة مصر موتورز (https://www.masrmotors.com/vb/forumdisplay.php?f=9)

- - تحذيرهام وعاجل جدا (https://www.masrmotors.com/vb/showthread.php?t=105530)

رد: تحذيرهام وعاجل جدا

اقتباس:

المشاركة الأصلية كتبت بواسطة mhamdy75 (المشاركة 824412)

هسأل عليه وأشوف الدنيا فيها إيه

:010104~171:

بس أعتقد إن كده هاضطر لإستخدام خط فودافون معاه

لأن ساعة مش هاتكفينى

وكمان هتلاقى الدقائق بعد إنتهاء الباقة غالية

:CONGRA~238:

شكرا على النصيحة والمرور

كلام سليم انا بعمل كدة معايا فودافون تاني بعد الدقايق ما تخلص اشحنة بعشرة جنية احيانا لان 90% من ارقامي اتصالات لانها قوية جدا عندنا فكل الارقام اتصالات ما عدا نادرا ما تلاقي فودافون والساعة الاضافية بتخلص معايا علي شخص واحد بيني وبينة شغل بتصل بيه علطول وللاسف هوه موبينيل وبخلص الساعه علية هوة بس واقنعتة يجيب خط اتصالات فعلا جاب خط اتصالات وحطة في عده تانية قديمة معاه وبيسيبة علي المكتب ويطلع شغل وانا ارن لما ازهق اتصل بيه علي موبينيل برضة قولولي اعمل ايه معاه

رد: تحذيرهام وعاجل جدا

اقتباس:

المشاركة الأصلية كتبت بواسطة Eng/salwa (المشاركة 823091)

شركات حرامية
ربنا يسترها
يلموا فلوس وخلاص وعلى المتضرر الجوء لخدمة العملاء التى لا تحل مشاكل
حسبى الله ونعم الوكيل

فودافون كمان خصموا هذا الشهر الضريبة من خط زوجى 3 مرات بالخطأ وعرض الدقائق
خصموا به 7 جنيه بدون وجه حق
وعند تقديم شكوى على موقع فودافون ردوا الفلوس طيب اللى ما يخدش باله ؟؟؟؟؟؟ لا رد للفلوس
وكمان خطى اكتشفت ان بقالهم شهوووور بيخصموا منى جنيه للفيس بوك وانا لا استخدم الموبايل للفيس خاااالص

حسبى الله ونعم الوكيل فى كل الحرامية

حولت خط الفودافون بتاعى اللى معايا من 10 سنين لنظام كنترول بالكارت
والنصابين بقوا بيخصمو الـ LIMIT من غير ما أتكلم ده غير الإستهبال فى الفواتير
ولما عرفت كنت هفضحهم لكن كسرت الشريحة وقلت طظ فيهم لأنهم فعلا نصابين
على فكرة يا جماعة المصرية للإتصالات أخدت تصريح انها تشتغل فى المحمول يعنى هينزل قريب موبايل تبع المصرية للإتصالات كلنا نشتريه وبلاش نساعد الفرنساويين واليهود والعرب لأن من الآخر ماحدش بينفع حد

رد: تحذيرهام وعاجل جدا

اقتباس:

المشاركة الأصلية كتبت بواسطة Hisham.Elgazzar (المشاركة 825276)

على فكرة يا جماعة المصرية للإتصالات أخدت تصريح انها تشتغل فى المحمول يعنى هينزل قريب موبايل تبع المصرية للإتصالات كلنا نشتريه وبلاش نساعد الفرنساويين واليهود والعرب لأن من الآخر ماحدش بينفع حد

معلومة
المصرية للاتصالات تملك فعلا هي وهيئة البريد مجتمعين نسبة في شركة اتصالات للمحمول اقل من 50% وتملك باقي النسبة اظن بنك قطري

رد: تحذيرهام وعاجل جدا

للعلم بالشئ التليفوانت المحمولة فى ايدينا ما هى الا تليفونات مثل الارضية وتابعة للسنترالات ولكن بدون سلك
يعنى شركات المحمول بتعمل الابراج وتنظم الاتصالات أنما كل مجموعة ابراج مربوطة بأقرب سنترال

وعليه فالمصرية للأتصلات تعتبر المتحكمة فى القصة كلها

------------------

أما بالنسبة لاخر تطورات النصب

بعد إسبوع من سرقة الرصيد

انهاردة تم اضافة 70 % فقط من المبلغ المسحوب

:thnkr: