رد: النترا 2012 و لا لانسر شارك 2012
 

شوف ياباشا ركز معايا فى الكلام دة لانة الخلاصة وانا معايا العربيتين وهقولك ع الى فيها

المحرك
الالنترا تكسب فى الاداء عن الشارك ولكن التكنولوجى الى فى محرك الشارك افضل بكتير

العزل
الالنترا تكسب بمرااااااحل عن الشارك ... الشارك عزلها سىء جدا جدا جدا

الهدوء والنعومة
الالنترا تكسب بفارق بسيط

الراحة والتكيف
الشارك يكسب الالنترا بمراااحل اعدتها مريحة فعلا جدا وتكيفيها شديد اوى

التصميم الخارجى
الاتنين تصميمهم ممتاذ بس انا بحب تصميم الشارك اكتر ولو كان تصميم الالنترا انسيابى وشبابى اكتر

التصميم الداخلى
الالنترا تصميمها احلى ومتناسق مع الشكل الخارجى
الشارك تصميها حلو بردة مش وحش بس مش شبابية من جوة خااالص

الاوبشن
الالنترا تكسب
الشارك فقيرة جدا حتى فى اعلى فئتها

الخامت المستخدمة فى الداخل
الشارك خامتها نضيفة وممتاذة
الالنترا خامتها تعبانة

الشنطة
الالنترا تكسب شنطتها كبيرة
الشارك شنطتها حق فار

الثبات
الالنترا ثباتها اعلى من الشارك

الارتفاع عن الارض
الشارك ارتفاعها ممتاذ واستحالة تحك معاك
الالنترا واطية وهتحك

الصاج
الشارك بامانة من اقوى الصاج الى شوفتها فى العربيات
الانترا بالنسبالها ورقة

قطع الغيار الشارك اغلى لكن معمرة عن الالنترا بكتير

الفتيس الاوتو
الشارك الفتيس بتاعها 4 سرعات بس بصراحة ملوش مثيل وبرقبة الفتيس الى فى الالنترا

مش عارف ان كنت نسيت حاجة ولالاء ولو حبيت تعرف حاجة تانية انا تحت امرك
وربنا يباركلك ويوفقك فى الاختيار ان شاء الله

رد: النترا 2012 و لا لانسر شارك 2012
 

اة وع فكرة نسيت كمان اقولك ان الشارك بتشم بنزين واستهلاكها فى البنزين راائع بمعنى كلمة راااائع

رد: النترا 2012 و لا لانسر شارك 2012
 

اوبل استرا سيدان انجوي احسن :010104~171:

رد: النترا 2012 و لا لانسر شارك 2012
 

بالنسبة للصاج هو أنا على حد علمى إنه العكس إلا لو حضرتك بتتكلم على الالنترا الشكل القديم لأن الجديدة سًمك صاجها 0.7 ملم.
حتى أنا جربت اضغط بكف ايدى على رفرف الالنترا كان ناشف و مدخلش لجوة بسهولة أما لما
جربت أعمل كده فى الشارك و الكورولا دخل بسهولة و كان مرن أكثر و حسيت إن صاج
الشارك أخف من الكورولا مع العلم إن صاج الكورولا 0.4 ملم

استفسار بسيط بعد إذنك :1463B6~153:

هو فتيس الشارك اللى فى مصر ستيب ترونيك زى الالنترا ؟

رد: النترا 2012 و لا لانسر شارك 2012
 

لا الفتيس اوتو بس مش ستيب .. وتحت امرررك يا حبى

رد: النترا 2012 و لا لانسر شارك 2012
 

ماتور الالنترا بيشتغل بتكنلوجيا الD-CVVT وتكنولوجيا الوضعية الاقتصادية للقيادة ECO ودي مش موجودة في الشارك وماتور الشارك بيشتغل بتكنولوجيا MIVEC وهيا نفس تكنولوجيا الD-CVVT بس الاسم مختلف يبقا ازاي تكنولوجيا ماتور الشارك افضل ؟؟؟
طب حضرتك ازاي فتيس 4 غيارات مش تبترونيك يغلب فتيس 6 غيارات وستبترونيك ؟؟؟؟
وباقي كلامك مضبوط 100% :THUMBS~220:

رد: النترا 2012 و لا لانسر شارك 2012
 

اقولك انا يا صديقى العزيز الفكرة كلها بتلعب توقيت وغلق الصمامات للحصول ع اعلى اداء مطلوب واساس الفكرة واحدة بالرغم من اختلاف المسميات لكن لكل شركة طريقتها الخاصة فى تطوير الفكرة

ودة فيديو بيتكلم عن المافيك
<iframe width="640" height="360" src="http://www.youtube.com/embed/mgDdbrMh6bo?feature=playe r_detailpage" frameborder="0" allowfullscreen></iframe>
ودة فيديو بيتكلم عن cvvt
<iframe width="640" height="360" src="http://www.youtube.com/embed/nkkTX7XWk0w?feature=playe r_detailpage" frameborder="0" allowfullscreen></iframe>

وبالتالى فعلا تسارع الشارك افضل بمرااااااااحل من تسارع الالنترا

بالنسبة للجير بوكس

عاوز اقولك وعن تجربة اعلى استجابة ممكن تشوفها هو فتيس الشارك بجد فتيس يحترم ودة عن تجربة شخصية والتكنولوجى بتاعتة INVECS-II ومهما ركزت معاة مش هتحس ان العربية فيها فتيس اصلا واستحاالة تعرف ان العربية بتنقل حتى

SLAMSLAMSLAMSLAM