|
رد: مساعده فى لمبة الزيت
اقتباس:
انا كان عندى تويوتا كورولا 1978 قبلها و كان عادى لما السلانسيه بيوطى اوى كانت لمبة الزيت بتنور قبل الدينامو انا ماعرفتش الحكايه دى فى البيجو لان مافيهاش RPM اصلا لكن لما بدوس بنزين و ارجع الموتور لصوته الطبيعي اللمبه بتطفى تانى |
رد: مساعده فى لمبة الزيت
و بالنسبه لغطاء التاكيهات ... فلما كنت بظبط التاكيهات و دورت قبل ما نركب الغطاء تانى
الزيت كان بيوصل عادى ليهم و ادلق شويه و نزل على فرن الشكمان كمان |
رد: مساعده فى لمبة الزيت
اقتباس:
وشلت كابل البوبينة عشان ما تدرش واعدت تدور بالمارش وبصيت على لمبة الزيت هتلاقيها طفية مش منورة .....فما بالك بقى بموتور داير مهما كان السلانسية بتاعة واطى لسة فى مشكلة صدقنى |
رد: مساعده فى لمبة الزيت
اقتباس:
مكنة الزيت لو سليمة وضغطها حلو ونتا بتدور العربية هتكون طفت لكن هو احتمال تكون الساعة او الفلتر وياريت تظبط مسمار الهوا مع الإسبراتير عشان العربية ماتبرجلش فى الصلانصيه |
رد: مساعده فى لمبة الزيت
اقتباس:
طول مانا ماشي او بجري الدنيا تمام اول ماهدي تماما علشان اققف واوصل لل rbm السلانسيه وهوب rbm ينزل ل 500 مثلا وفي نفس الوقت اللمبه تنور لمده ثانيه وفضلت قاعد جنبها دلوقتي ساعه وهي السلانسيه علشان تعملها تاني ولا الهوا ياتري تفسير ده ايه وعاوز اسالك حاجة كمان - ايه العلاقه بين ان لمبه الزيت بتنور وفي نفس الوقت الrbm ينزل واول مايعلي تختفي الموضوع كله انت فاهم مش بياخد اكتر من ثانيه واحده - يعني ايه سبيكه كرنك بتهرب زيت ( وهل في حالتنا دي احنا بنتكلم في الأحتمال ده) - طرمبه الزيت ضعيفه ( يعني هي بتبقي ضعيفه شويه وقويه شويه ) دي برده مش فاهمها - هل انا تنور لمده ثانيه وتختفي بقيت اليوم ويمكن تفضل اسبوع او اتنين ده معناه ان في مشكله برده - الوضع ده امان ولا مش امان يعني اتعايش معاه وخلاص ولا ايه ومعلش تقلت عليك بس انا حابب افهم الموضوع صح |
رد: مساعده فى لمبة الزيت
هو احسن الحلول
للموضوع دا الصبح وانت بتدور العربيه افتح غطا الزيت من فوق ودور وبعدين بص على فتحه الغطا هيبان الزيت بيطلع بعد اد ايه ؟؟ هو اقصى زمن ليه 45 ثانيه لو اتاخر يبقى لينا حلين الاول وهو الاسهل والايسر انك تغير فلتر الزيت بس قبل ما تركبه حط فيه زيت لحد الشفه وركبه وجرب تانى يوم الصبح نفس الحوار لو مفيش تغيير يبقى هتضطر تفك كارتير الزيت وتفك الطلمبه وتكشف عليها طبعا فى حاجه مستغربها جداااا ان حضرتك بتقول ان العربيه كانت واطيه ومبرجله فى السلانسيه ودا كان السبب فى المشكله لو الطرمبه شغاله كويس عمر اللمبه ما تنور ابداااا لو مش مصدقنى جرب تشد بالعربيه 80/90 وتقوم مهدى فجأه بس مش كابس فرامل لا كأن بتهدى لحاجه بس بتكمل على الفرامل لحد ما توقف هتلاقى لمبة الزيت نورت لوحدها :dzy::070104~242: |
رد: مساعده فى لمبة الزيت
اقتباس:
لكن فى الدواره الصبح لمبة الزيت بتطفى بعد مابدور بثانيه فسبب المشكله ان العربيه بتوطى ليه لما بتسخن ... و طلع ان مسمار هواء الكربراتير كان مقفول زياده عن اللزوم اول لما فتحته شويه بقيت تشتغل كويس و ماتوطاش لما تسخن النقاش كان واخد سكه تانيه ان المفروض لمبة الزيت ماتنورشى حتى لما rpm يوطى مادام الموتور ماطفشتشى ماقدرشى افتى اوى فى الموضوع ده بس يتهيألى كل عربيه و ليها ظروفها و ظروف تشغيلها و خدو بالكم انا بتكلم على موتور 2000 cc حجمه كبير و يتهيألى حيبقى صعب على الطرمبه انها تزق الزيت فى للحجم ده لما الموتور يهدى حتى لو كانت كويسه طبعا الوضع مختلف لو كان الموتور اصغر ... يبقى حيتزيت بمجهود اقل و rpm اقل و بالنسبه للاختبار بتاعك انا كنت بعمله غصب عنى لما ابقى ماشى 120 على الدائرى و بعد كده اهدى لغايه لما اقف خالص فى نفق السلام فى الاول كان اللمبه بتنور لكن دلوقتى مش بتنور |
| الساعة الآن 01:38 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017