|
رد: تقرير مفصل عن ::: Hyundai I10 :::
اقتباس:
البيكانتو عربيه كويسه اوى |
رد: تقرير مفصل عن ::: Hyundai I10 :::
العربيه فعلا من رايي الافضل فى السعر ده
ومن ناحية المقارنه بينها وبين البيكانتو فهي نفس الموتور ويمكن اعرض 4 او 5 سم ونفس الطول واعلى وده اللى مخلي البيكانتو شكلها الخارجي افضل .. الشنطه اكبر حاججه بسيطه. من ناحية التقفيل رغم ان الاي 10 تقفيل هندي لكن بجد احسن 100 مره عن البيكانتو الكوري .. الابواب صوتها مكتوم خامات الفرش محترمه .. زراير التابلوه .. كاوتش الزجاج .. فعلا عربيه حلوه. من ناحية الامان الاي 10 برده تكسب (adult 26 - Child 37 - pedestrian 21 ) وده بتكون افضل من البيكانتو واللوجان واللانوس والبونتو والجيتز والاكسنت وقريبه من السيريون. لكن لو اخدنا فى الاعتبار انها نازله بدون اير باج واللوجان الوحيده اللى بتنزل فى الفول اوبشن فيها اير باج فاللوجان تكسب. ماعرفش ليه المحافظه على حياة الناس فى مصر بتعتبرها مصلحة الضرائب رفاهيه! فى حاجه تانيه ضايقتني من الاي 10 ان التصميم الداخلى اللى شايفينه فى الفيديوهات مش اللى نازل مصر من ناحية شكل التابلوه وجمال الكاسيت الطويل ومخادع الابواب لا تلاقيهم كده مسترخصين وحاطين كاسيت عادي . العربيه عموما من رايي افضل من البيكانتو الفول اوبشن وماننساش ان هيونداي تمتلك كيا |
رد: تقرير مفصل عن ::: Hyundai I10 :::
الله ينور عليك يا معلم واله مافصرت غير انك تحط سعرها وهل فيها عادة وفول اوبشن وهى هندى فعلا http://www.masrmotors.com/vb/images/...ogo_062009.png تسلم ايدك |
رد: تقرير مفصل عن ::: Hyundai I10 :::
اسمحولي بالمرور وقول رأي السيارة حلوة وزي الفل وجميلة وممتازة بس اولا الي بتنزل مصر مش هي الي في الصور دي خالص ولا الكاسيت الاصلي ولا اير باج ولا اي شي يعني اختبار التصادم الي بيطلع فية الوسائد م هتلاقية لو السيارة عملت حدثة هنا ثانيا انا شايف ان سعرها غالي جداااا يعني اروح اجيب سيارة اتوماتيك 1000 سي سي بي 70 الف كتير
|
رد: تقرير مفصل عن ::: Hyundai I10 :::
والله حرام الى مصر بتعمله فى المصريين,,العربيه دى فى الخليج كاملة المواصفات زيرو لا تتعدى 46 الف جنيه مصرى هى والبيكانتو ومحدش بيشتريها غير المطاعم للديلفرى وممكن ينزل عليها عرض وخصم فى الصيف لحد شهر 10,, ولو طلعت بيها بره المعرض وتيجى تبيعها ماتجيبش 20 الف جنيه, يعنى لاصناعه وطنيه تقدم عربيه رخيصه ولاجمرك معقول المفروض العربيات الى اقل من 1300 سى سى مايبقاش عليها جمرك نهائى, كل المغتربين العرب التوانسه والسوريين وحتى السودانين بينزلوا عربياتهم من غير جمارك والمصرى المغترب يطلع عينه اقساط فى العربيه والاخر يبيعها قبل مايروح برخص التراب ده اذا عرف يروح بلده اصلا..وعجبى وسامحونى
بس مفروووووس |
رد: تقرير مفصل عن ::: Hyundai I10 :::
شكرا جزيلا علي المجهود
|
رد: تقرير مفصل عن ::: Hyundai I10 :::
كل ده لايقلل من التقرير اطلاقا ولكن يجب ان نكمل بعض مرايات جانبيه كهربيه ( لا المرايات مش كهرباء ) حاملات اكواب ( ومفيش حامل اكواب ) حركه المقود يدويه ( غير مفهومة يعنى ايه) نوافذ كهربيه ( 4 نوافذ كهربائية فرش المقاعد من القماش ( جلد فى قماش ) واشمعنى يعنى ماسك فى القماش قفل مركزي ( اه بس مش فى كل الفئات ) مزيل ضباب للزجاج الخلفي ( ده اساسى فى كل السيارات دلوقتى ) نظام الصوت (Cd) ( راديو CD ) سماعتين تكييف عادي ( صح الكلام ده ) جنوط من الكروم ( جنوط عادية ) نوع المقود (هيدروليك) ( انت قصدك على الباور ستيرنج وزلا ايه ) بس لازم نوضح حاجة تانى ان السيارة متوفرة فى 4 فئات هى الاولى مانيوال نصف كماليات(GL) تكييف + باور + راديو سى دى + والدركسيون قابل للتعديل +والفرش جلد فى قماش+اكصدامات نفس لون السيارة+امكانية طى الكنبة الخلفية الثانية مانيول جميع الكماليات(GLS) جميع المواصفات السابقة بالاضافة الى : * 4 زجاج كهربائى * سنتر لوك * مقابض نفس لون السيارة * فوانيس شبورة * مساحة خلفية * ستوب خلفى * مساند رأس للكنبة الخلفية * تابلوه مطعم بحلية نيكل * عداد عدد فات الموتور *درج للتخزيين اسف المقعد الراكب الامامى يمين الثالثة اتوماتيك GL نصف كماليات الفتس 4 سرعات تكييف باور راديو سى دى + 2 زجاج كهربائى ( وهو ده الجديد ) الرابعه اتوماتيك GLS جميع الكماليات * هى باختصار جميع مواصفات المانيوال الكامله بس اتوماتيك وبرده 4 سرعات اما بالنسبة للأسعار مانيوال نصف كماليات = 58900 مانيوال جميع الكماليات = 63900 اتوماتيك نصف كماليات = 65900 اتوماتيك كل الكماليات = 71900 واتمنى ان اكون قدرت اساعد ولو بتكمله او بقدر ضئيل من المعرفة وتحياتى لكلمن سبقنى لانه اعطانى الفرصة ان اخطو على خطاه |
| الساعة الآن 07:26 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017