المشاركة الأصلية كتبت بواسطة cmatcho (المشاركة 803347)

مين الميكانيكي اللي بتتتعامل معاه
والكهربائي
لو تكرمت

المشاركة الأصلية كتبت بواسطة Ahmed_Tarek (المشاركة 803620)

أول ما اشترينا العربية كنا بنعمل كل الصيانات في التوكيل لحد 45 الف او 50 الف كيلو بس بعد كده لقينا ميكانيكي في صقر قريش اسمه عادل متخصص اسبيرانزا و فيات و شيري و وفاهم العربية كويس و اللي اعرفه عنه انه كان شغال في التوكيل و الكهربائي اللي عنده شاطر اوي اسمه أحمد بس الكهربائي بيبقى موجود من 6 مساءا (مش عارف ليه) ... مشكلتهم بس انهم حراقين شوية في المصنعية

بس سمعت بعد كده عن مركز المتحدة فناوي ان شاء الله تبقى صيانتي عندهم..
صحيح .. انا غيرت عندهم علبة البيئة بحساسها ب650 جنيه :sycho26: و صوتها مش تمام و هروح قريب اشوف الموضوع ده .. و كان في صوت الموتور و هى العربية دايرة الصبح قبل ما تسخن (صوت زي كركرة كده و بيروح لما تسخن شوية) المهم قاللي دي بلية شداد الدينامو خشنة فتم تغييرها و الصوت برضه موجود و زايد اليومين دول عشان الجو بيبرد

بس الحق يتقال .. الناس محترمين اوي و المصنعية اخف بكتييير و كان عندي المشكلة المتكررة في علبة الدركسيون و تم اصلاحها و بقالها اسبوعين تلاتة مفيش صوت و مفيش نقرة ..
اي استفسارات تانية انا موجود SLAM

المشاركة الأصلية كتبت بواسطة Ahmed_Tarek (المشاركة 803330)

::




انا هقول لحضراتكم و انتوا تحكموا ..
العربية مع والدي من 2007 بقالها اكتر من 5 سنين ماشية 78 الف كيلو بنسوقها احنا الاتنين و يمكن انا بسوقها اكتر .. و سواقتي سواقة عنيفة .. يعني حرق على النقلات و سرعات عالية و فرامل جامدة (استهلاك شبابي) و ما شاء الله العربية مفيهاش حاجة ..
طول ما حضرتك محافظ على حالة الموتور و بتغير الزيت في معاده و بتغير السيور في معادها مفيش قلق .. المشكلة ان الميكانيكي بيوريني عربيات السير بيبقى طالع عينه و يمشي عليه كتير اوي لحد ما يتقطع ...

العربية نقدر نقول عليها حمالة قسية .. العفشة بتستحمل كتير بس هي ناشفة (زيها زي الكوري و الياباني مع فرق ان الياباني بيبقى الصوت مكتوم شوية .. بس ده فرق السعر "الضِعف")
تكييفها يعتبر قوي (متقارنوهاش بالفيرنا و اللانوس عشان العربيات دي مش بينزل فيها فلتر هوا فالتكييف بيبقى سالك اكتر و الله اعلم صح ولا غلط)
سحبها بعد ال100 حلو جدااااا (المشكلة ان وزنها 1290 كيلو) اتقل من معظم العربيات ال1600 في البلد عشان كده سحبها بيبقى بطيء لحد 50-60
ثباتها في الملفات افضل من السيراتو (بشهادة شاب قريبي كان معاه سيراتو 2010 و بيجري جري رهيب)
و طبعا لا يقارن بالفيرنا و اللانوس مع احترامي الشديد
اقصى سرعة جبتها كانت 190 على طريق السويس .. و الدائري اقصى حاجة 170 و الله اخدت مطب هواء اللي قبل المنيب اتجاه الجيزة و العربية نطت و نزلت في مكانها الحمد لله

مشاكلي الحالية مع العربية .. علبة البيئة (علبة الشمكان اللي في اوله) بتتشرخ مع تدوير الموتور و عرفت ان حلها ان بيتركب سوستة ف نص الشكمان بتخليه يتحرك من غير ما يشرخ زور علبة البيئة..
نشوفية العفشة (بس بتبقى ميزة في السرعات العالية)
بطئ السحب في الاول
عيوب التقفيل (بعد 3 او اربع سنين تبدأ تسمع صوت زجاج الابواب و هو طالع و نازل و ممكن تلاقي صوت الابواب بيرزع و هي بتتقفل بس العيوب دي كلها ف معظم العربيات اللي بتتجمع في مصر).

قطع الغيار فيها مش معمرة اوي زي الياباني مثلا بس برضه على حسب استهلاكك و طريقة سواقتك و معظم قطع الغيار مش غالية
يعني مثلا لسه بعد 5 سنين استهلاك مغير جلب مقصات ب 160 جنيه الاتنين من المتحدة
و كوبلن ب 150 جنيه تايواني و هغير التاني قريب ان شاء الله
و لسه جايب طرمبة بنزين من التوفيقية ب330 جنيه مع ان الميكانيكي قاللي هاتها من الحرفيين ب700 جنيه وركبتها و شغالة الحمد لله زي الفل
و شبكة امامية عشان الشبكة كبيرة و مش قوية

انا مش عايز اطول اكتر من كده عليكوا :) لو حد عنده اي اسئلة تانية انا موجود :CHUBBY~36:

المشاركة الأصلية كتبت بواسطة cmatcho (المشاركة 804563)

تمام الله ينور
بخصوص صوت الكركره موجود عندي
االصوت مش شدادا الدينامو صوت بليه الدبرياج
يعني صابر ده بيشتغل ميكانيكا وعفشه

المشاركة الأصلية كتبت بواسطة Ahmed_Tarek (المشاركة 804824)

اعتقد انه بيشتغل في العفشة برضه ..
بس نصيحة روح لعادل الاول عشان عادل متخصص اسبيرانزا انما صابر لأ

طب بلية الدبرياج دي غالية ولا لأ و سعرها كام و بتتغير ازاي؟؟ و ايه خطورتها؟