رد: هل يصح السير بالسيارة منذ استلامها من المعرض وحتى استلام ورقها؟
 

أنا أيضاً فى انتظار عربية زيرو من أحد المعارض ..
وسألت فى هذا الموضوع فى أحد الكمائن ، قالوا لى طالما معاك قرار استلام مؤرخ بنفس اليوم ، يبقى تمشى بيها عادى فى خلال هذا اليوم.
وسألت فى المعرض ، قال احنا مش بنطلع نمر تجارية ، وهتمشى بيها بالعقد ومحضر الاستلام ودول كافيين لو حد وقفك.

والحقيقة ان مستخسر أدفع فى نمر تجارية خصوصاً لما عرفت انها ممكن تكون بـ 150 جنيه أو اكتر ..

رد: هل يصح السير بالسيارة منذ استلامها من المعرض وحتى استلام ورقها؟
 

ماشى انت ممكن تمشى بمحضر الإستلام فى نفس اليوم و حتعمل ايه وانت رايح يوم تانى علشان ترخص العربيه؟؟
أنا شايف إنك تضغط على المعرض حتى يجيبلك النمره التجاريه يوم الترخيص

رد: هل يصح السير بالسيارة منذ استلامها من المعرض وحتى استلام ورقها؟
 

مش مشكلة فى يوم الترخيص لأنى ساكن جنب المرور بتاع المدينة اللى أنا عايش فيها ..

على أى حال أنا هاتكلم معاهم تانى فى موضوع النمر التجارية ..

رد: هل يصح السير بالسيارة منذ استلامها من المعرض وحتى استلام ورقها؟
 

نصيحة استلم العربية من المعرض و ركب نمر تجارية أو شيلها في جراج و غطيها أو ركب نمر تجارية بس المهم ما تسيبهاش في المعرض.

رد: هل يصح السير بالسيارة منذ استلامها من المعرض وحتى استلام ورقها؟
 

استلمت عربيتى النهارده ، وأخدت من المعرض ورقة اسمها (قرار استلام) ، وقالوا لى دى تمشى بيها ولو لجنة وقفتك طلعها لهم .. وأخدت العربية بقرار الاستلام فقط بدون نمر تجارية وروحت (150 كيلومتر) ولم يعترضنى أحد ..