رد: سيارات حديثة..مفاهيم قديمة..قدرات محدودة
 

أولا أشكرك على الموضوع الجميل و اعتقد اننا سنخرج بنتائج جميلة و مفيدة من النقاش سواء إتفقنا او إختلفنا
هل نحن بحاجة لتغير مفاهيمنا عن السيارات ؟
بالطبع نحتاج لتغيير مفاهمنا عن السيارات الحديثة فعلى سبيل المثال لا الحصر السيارات الحديثة تحتاج لعمل الصيانات فى موعدها المحدد و تغيير ما يجب تغييره فى الوقت المطلوب للحفاظ على السيارة
كثرة الاجزاء الإلكترونية فى السيارات الحديثة يجعلها متشابكة جدا فمجرد تغيير شمعة إحتراق ( بوجيه ) غير أصلى فغالبا سيؤئر على موبينة الإشعال و هذا مثال لتوضيح مدى الترابط بين مكوناتها و إحتياجها للمكونات الأصلية
هل نحن غير ناجحين مع السيارات ذات التكنولوجيا العالية ؟
الحقيقة مش فاهم السؤال ممكن توضح إزاى مستهلك ينجح مع تكنولوجيا ؟
هل نحن بحاجه لسيارات أرخص بتكنولوجيا أقل ؟
أعتقد إن كل شىء موجود كلما تدفع أكثر تحصل على تكنولوجيا أكثر هذة هى التجارة
هل نحن بحاجه لفنين من طراز جديد ؟ و كيف يمكن الحصول عليهم ؟
الفنيين بالطبع يجب تدريبهم و لكن لا نحتاج لفنى من طراز فريد نحتاج فقط للتراكم للحصول على فنى جيد و اعتقد ان التوكيلات و مراكز الخدمة تقوم بتدريب الفنيين و المهندسين للتعامل مع السيارات الحديثة


من حق التوكيل أن يحتكر تكنولوجيته و علمه و يعطيها لفنييه و مهندسيه فقط و اعتقد انه من الأمانة الحفاظ على هذا العلم
بالطبع العلم ليس حكرا على احد و لا أقول ان ميتسوبيشى مثلا سرا نوويا و أمن دولة لكن هناك تكنولوجيا يجب ان تدفع ثمنها بالعدل

رد: سيارات حديثة..مفاهيم قديمة..قدرات محدودة
 

انا متفق مع جميع الاراء
وراي ان المستهلك هو الي بيحدد التكنولوجيا الي عايزها
يعني واحد مبيعرفش يقرا يركب عربيه BMW فئه عاليه ازاي (منظره)
وواحد امكانياته الماديه متسمحش غير ب128
اما التكنولوجيا الميكانيكيه دي بتعتمد علي حبك وامكانياتك للعمل يعني انا اعرف واحد جايب اسطوانه AUTO DATA
عشان عنده حب استطلاع مش عادي (نسخه ثمنها 4500جنيه)
اما حكايه التوكيل فلا اعتقد ان في مصر في حاجه بتعتمد علي التوكيل حتي السوفت وير بقي موجود بره التوكيل

رد: سيارات حديثة..مفاهيم قديمة..قدرات محدودة
 

بمعنى هل نحن قادرون على استيعاب التكنولوجيا الحديثة و التعامل معها ؟ هل استطعنا الاستفادة من تك التكنولوجيا و الحفاظ عليها بنجاح رغم ما يتطلبه ذلك من زيادة فى التكلفة؟

و سأضرب مثل شائع جدا عندنا ... حيث إذا قدر الله أن تستخدم الوسائد الهوائية لأى سبب هل يحرص أى منا على إعادة شحنها أم يتم فصلها و الاستغناء عنها ؟؟؟؟ ده مثال فقط

رد: سيارات حديثة..مفاهيم قديمة..قدرات محدودة
 

والله انا رأيي ان احنا قبل مانفكر في العربيات الحديثه والتكنولوجيا لازم نفكر في تمهيد المناخ اللازم ليها
الواقع ان العربيات دي بتيجي تتعذب عندنا في مصر
اولا :الطرق والمطبات
ثانيا : البشر نفسهم الي ممكن في 10 ثواني وانت راكن عربيتك ولا بيك ولا عليك تنزل تلاقي واحد عنده موهبه في فن النحت يطلعها في عربيتكوتلاقي العربيه متحزمه بتجريحات ولا حتى دافنشي يقدر يعملها وترش العربيه يا عيني وهي مفهاش حاجه
ثالثا :الصنايعيه ميكانيكيه وكهربائيه وسمكريه الخ الخ الخ....... ودول ممكن يجيبو العربيه الأرض ويفقدولك املها
متهيألي كان المفروض قبل ما نفكر نستورد عربيات و نركب عربيات حديثه كان لازم نعالج التلات عيوب دول
وده عمره ما هيحصل
عشان انت كده مش هتبقى اكيد في مصر

رد: سيارات حديثة..مفاهيم قديمة..قدرات محدودة
 

موضوع جميل جداا