|
رد: مشط الكهربا فى الفيليشيا
اقتباس:
|
رد: مشط الكهربا فى الفيليشيا
اقتباس:
لو فى اى حاجه من دى جرب تقرص فى الغيار يعنى تجيب الرابع على 80 كيلو او 75 كيلو وهكذا وشوف العربيه لسه بتنتش ولا بتنظبط |
رد: مشط الكهربا فى الفيليشيا
من باب ان اللى يعرف معلومة يفيد بها الناس
انا زيكم بالضبط ويمكن اقل منكم وانتم ماشاء الله عليكم بس بخصوص الشريحة انا زمان جبت الشريحة او الاسبيراتير الالكترونى زى ما بيسموه ومن خلال التجربة العملية ومن خلال جمعى للمعلومات لانى بحب اطلع كثير وانخرب فى الحاجة وافك واشوف فيها ايه عرفت ان الشريحة او المشط دى فية منها نوعين نوع بيكون حركى الكترونى ونوع الكترونى بحت النوع الاولانى يعتمد على دائرة فيها ست اجزاء كل جزء له وظيفة يعنى ست دارات داخلية منها مكبر ومثبت جهد وترانسستور على ما أتذكر وفيه كتاب كان عل الانترنت فيه شرح نظام الاشعال العادى والالكترونى بكل تفاصيله بصراحة مبهر والنوع الثانى الكترونى بحت وده فيه تقريبا 3 او 4 دارات داخلية بيت القصيدة ان مش لازم المشط يقطع مرة واحدة لا ممكن دارة داخلية تفشل او على وشك الفشل او بتهيس او فيه دراى او لحام فى الدائرة او المشط بيلمس او بيهيس او جزء مش قايم بوظيفته كويس وبكده تحصل المشكلة واذا كنت عايز تستفيد فعلا بالكلام ده روح لاى واحد بتاع قطع غياراستيراد وقله عايز مشط كهرباء اشتريه هيديهولك على التجربة تجربه قدامه لو عجبك خده جرب بيه هتلاقى النتشة راحت تعرف ساعتها ان الكارت شغال فيه بعض اجزائه وفيه مكبر او ترانسستور بدأ يهيس وان العيب فى المشط هى المكونات الالكترونية كده ممكن تشتغل شوية وتهيس شويه مش بالضرورة تقطع تماما والله اعلم |
رد: مشط الكهربا فى الفيليشيا
اقتباس:
استعمال |
رد: مشط الكهربا فى الفيليشيا
اخى الفاضل
فيه فكرة كنت بعملها اوقات لانى بحب الالكترونيات جدا وعاشق ليها من كتر التجربة والفك والنخربة بقيت افهم طشاش على قدى فى الالكترونيات مجرد ما هتفك المشط من العربية تفحصه بعينك الاول او تفكه ان كان ليه غطا ومن جوه تعمل زى ما اتعلمنا من اساتذتنا على الانترنت استخدم حواسك الشم والبصروالادراك ممكن تلاقى ترانسستور محروق او مكبر او مقاومة فتحت او شىء شايط او مش طبيعى يبقى كده الكارت بايظ اكيد الخطوة الثانية اطلع على اى واحد بتاع الكترونيات قله عايز اصلحه هيقولك ده ايه قله دى حته عندى بتوصل كهرباء وفصلت هيبصلك عليها ان قدر يغيرلك الجزء التالف بالبديل او بقطعة بديلة سواء مقاومة او ترانسستور او مكثف او غيره يبقى تمام وجرب ممكن يشتغل وهو هيشتغل بس المهم يكون واحد فهم ويعرف البديل بتاع الايسى او الترانسستور اشتغل كان بها وتدى الراجل ثلاثين جنيه او اربعين جنيه وشكرا وتبقى عملت مصلحة ووفرت فلوس المشط الجديد طيب لقيت الخطوة دى ما لهاش نتيجة او استتقلت تروح لبتاع الكترونيات يبقى قدامك خيارين الاول تطلع على بتاع الاستيراد ومعاك المشط فى ايدك لما تدخل عليه قله عايز زيه بالضبط وسعر الاستيراد الحقيقى 90 جنيه - آخره 110 او 120 ضيف عليهم ضريبة طمع وجشع واستغلال التاجر وضيف عليهم بقين رخامة ان ما فيش زيه وانه شايله وانه مش ناوى يبيعه هتخلصه على 130 او 140 تديله الفلوس وتقوله هرجعلك خلال ساعة واخذ فلوسى لوفيه حاجة على التجربة تطلع تركب وتجرب ما اشتغلشى او ما عجبكشى ترجع فى خلال ساعة تديهوله وتاخد فلوسك اما الجديد http://www.ferraripartsexchange.com/...c_ignition.jpg فاعتقد صعب وان وجد يبقى عشرة على عشرة لانى زمان سألت الشيخ طارق شيخنا وشيخ الفيتاوية كلهم فى المنتدى قالى انه متوافر استيراد بعد ما انا دوخت عليه عندنا ما لقيتش جديد المهم لقيت جديد هيبقى صينى ويسموه روسى او تركى هيبقى تركى ويسموه ايطالى هيبقى ايطالى ويسموه ألمانى http://www.thunderboltrc.com/images/Ignition.JPG فانت ريح نفسك وريح البياع وخش عليه قله من الاول عايز مشط صينى علشان يعرف انك راجل غلبان زى حالاتنا وما يفتحش معاك اسطوانة ده صينى وده تركى وده ايطالى وطبعا انت عارف كله هلس وغش وفى الاخر كل صينى هيوريك قله هجربه قدامك وفعلا لازم تجربه الاول وانت قدامه او تاخد معاك كهربائى هتقولى ليه هقولك علشان الحوارات بتاعت البياعين هيقولك انت بوظته وهو اصلا بايظ وياما قرينا فى المنتدى هنا عن حالات غش ونصب ولما ترجع للبياع يقولك انا ما اعرفش ابويه هتلاقى كذا موضوع مرة طرمبة كهرباء مرة كاربيراتير والمقولة بتقول السعيد من اتعظ بغيره احنا بقى هنتعظ اشتريه وجربه قبل ما تمشى وما تصدقشى قصة الضمان فى مصر بس ما فيش حاجة اسمها ضمان ممكن فى يوغسلافيا او الفاتيكان او ألمانيا او جزر هاواى لكن فى مصر اشترى وان طلع بايظ يبقى قسمتك ونصيبك ويا تعمل جنايه وتفتح دماغ الراجل يا اما تستعوض ربنا وياما شفنا حوارات زى دى المهم لقيته غالى تتصرف ازاى تقلب عادة اشترى اسبيراتير عادة وتريح دماغك من المشط خالص والعادة شغال زى الفل وخلاص اتعودنا عليه رغم انه مقرف بس احسن من المشط النادر واتمنى اكون أفدتك والله أعلم |
| الساعة الآن 09:06 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017