مصر موتورز مجتمع السيارات - حماية ضد السرقة مجانا

السلام عليكم
أنا هأحكى موقف حصلى بالفعل
ركنت العربيه فى شارع جانبى على كورنيش المعادى (بالضبط أمام حديقة النيل إللى قبل شركة أسمنت بورتلاند طرة) و كان عندى مشوار حوالى ساعتين, فقلت أخلع كابل الموبينه و ألفه و أحطه فى جيبى (أول مرة فى حياتى أعملها)
و دعيت الدعاء إللى حضرتك كاتبه (اللهم إنى أستودعك سيارتى)
رجعت من المشوار لقيت 2 شمامين ساندين على الشنطه ورا
سلمت عليهم علشان يقوموا و آخد العربيه
واحد مشى و الثانى عمل فيها سايس و عاوز باركنج
وقفت و فتحت الكبوت و ركبت الكابل و قعدت جوه العربيه و دورت و كل ده و هو واقف جنبى (من فضل الله أنه مخبطنيش بحاجه)
بأديله فكة (حوالى 3 جنيه) ما أنا واقف فى الشارع مش بارك و لا حاجه بس علشان أتقى أذاه. لاقيته عاوز 50 جنيه باركينج !!!
عملت أنى بأرجع الفكه فى الطفايه و مرشدير و بنزين على آخر الدواسه و طلع يجرى ورايا.
طبعاً جريت عالكورنيش و رجليا بتخبط فى بعضها مش حاسس بالبنزين من الفرامل من الدبرياج.
رجعت البيت و ركنت العربيه و بأبص عليها لاقيت كالون الشنطه كان ناقصله شعرة و يبقى جوة الشنطة (خبكوا عليه علشان يدخل لجوه)
و الحمد لله ربك سترها.

الجديد فى الموضوع بقى
رحت لواحد بتاع ضبط أبواب الإسبوع إللى فات (بعد الموقف ده بحوالى سنه)
أكتشفت إن الكالون بتاع الباب اليمين بيلف مع أى مفتاح و ممكن يتفتح بمجرد لفه و لو بالإيد حتى !!!!
الحمد لله و سبحان الله, الحمد لله و الله أكبر
مفيش أى كلام تانى